Elem 32:34 - Quiché Bible

³⁴ Jät ba', chebac'ama' bic we winak ri' pa ri c'olbal ri nu bim chawe. Cäc'am c'u na a be rumal ri nu tako'n aj caj. Aretak c'u copan ri k'ij re ri c'äjisan wächaj, quinc'äjisaj na qui wäch rumal ri qui mac.”

Elem 32:34 ပူးပေါင်းရင်းမြစ်များ

Salmib 99:8

Ajawaxel, ka Dios, ¡lal xtzelej la u wäch qui tzij! Xux la jun Dios chque ri cucuy macaj, xc'äjisaj c'u la u wäch ri quetzelal.

Elem 15:17

Oh, Ajawaxel, chc'ama' la bic pa ri tastalicalaj juyub la, pa ri c'olbal ri xcha' la che ka jekelibal, pa ri achoch la ri co xtiq'uiba' la ruc' ri k'ab la.

Elem 20:5

Mamej awib chquiwäch mawi mebaya' k'ijilanic chque, rumal rech chi in ri' ri Ajawaxel ri a Dios, Dios achixomanel ri cuc'äjisaj qui wäch ri etzelal ri caquiban ri tataxelab, pa ri qui wi' ri calc'ual, ri qui' tak qui mam xukuje' xiquin tak qui mam ri caquetzelaj nu wäch;

Elem 23:20

“Chawilampe', quintak bic ri nu tako'n aj caj rech cänabej chawäch, rech catuchajij pa ri be, catuc'am bic pa ri c'olbal ri nu suc'umam chawe.

Elem 3:17

Xukuje' xubij chwe chi quixresaj bic pa ri rikoj tak c'ax ri ix c'o wi pa Ejipt, quixuc'am bic pa ri culew ri aj cananeyib, ri aj hititib, ri aj amoreyib ri aj perezeyib, ri aj hebeyib, ri aj jebuseyib, ulew wa' ri cabelel wi leche xukuje' ri juyubal räx cab jacha' ri ja'.’

Elem 33:12

Ri Moises xubij che ri Ajawaxel: “Chilampe' la, ri lal catz'onoj la chwe chi quinc'am qui be we winak ri', man c'u bim ta la chwe jachin ri cätak la bic wuc'. Bim la chi sibalaj cu'l c'u'x la chwij, xukuje' chi in lok' chwäch la.

Elem 33:2

Quintak na bic ri nu tako'n aj caj rech cuc'am a be, quebenwesaj c'u na bic ri aj cananeyib, ri aj amoreyib, ri aj hititib, ri aj perezeyib, ri aj hebeyib, ri aj jebuseyib.

Ri Isaiy 63:9

xeresaj pa conojel ri e qui rikoj tak c'ax. Man jun u tako'n ta ri xecolowic are ri Ajawaxel chwinakil. Are xetorowic rumal ri lok'ok'ebal u c'u'x xukuje' rumal ri relebal u c'u'x, xebuwalijisaj xebuloquej pa u k'ab. Je u banom wa' amak'el.

Ri Jeremiy 14:10

Ri Ajawaxel je cubij wa' che ri tinimit Israel: “We tinimit ri' are cäkaj ri amak'el wacatem chuwäch cäbe je la' cäbe jeri'. Rumal ri' man cäkaj ta chnuwäch. Camic quenataj ri e u mac chwe quincot c'u na u chi'.”

Ri Jeremiy 23:2

Ri Ajawaxel, ri u Dios ri Israel, je cubij wa' chque ri ajyuk'ab ri quebajawin puwi' ri u tinimit: “Ix e i jabum ri e nu chij, i banom c'u chque chi e animajinak bic man c'u e qui chajin taj. Are c'u ri camic, in sibalaj quinoc na il che ri utzalaj u c'äjisaxic qui wäch ri e itzel tak qui banoj. In, ri Ajawaxel, quinjiquiba' u bixic.

Ri Jeremiy 5:29

¿La ma ta c'u chinc'äjisaj qui wäch cumal we jastak ri'? ¿La ma ta chinya' ri takalic che ri winak ri je cuban wa'? In ri Ajawaxel, quinjiquiba' u bixic.

Ri Jeremiy 5:9

¿La ma ta c'u lo chinc'äjisaj qui wäch cumal tak we jastak ri'? ¿La ma ta quinya' na ri takal che ri tinimit ri je cuban wa'?

Ri Osey 8:13

We winak ri' quekaj ri tabal tak tok'ob chquiwäch, quepilon c'ut; are c'u ri in, ri Ajawaxel man quinquicot ta cuc': quenataj na chwe ri etzelal tak ri e qui banom, quinc'äjisaj c'u na qui wäch rumal ri qui mac, quinban c'u na chque chi quetzelej pa Ejipt.

Ri Amos 3:14

pa ri k'ij c'ut aretak chinc'ot u chi' ri Israel rumal tak ri e u mac, quinsachisaj na qui wäch tak ri porobal ri e c'o pa Betel; ri e ruc'a' ri porobal queramix tak na queq'uiak na apan cho ri ulew.

Ri Amos 3:2

“Xuwi ri ix ix nucha'om chquixo'l tak conojel ri tinimit ri e c'o chuwäch ri uwächulew. Rumal ri' quinc'äjisaj na i wäch qui mac quech ri etzelal ri e i banom.”

Ajilanic 20:16

xkata' c'ut to'banic che ri Ajawaxel, ri are' xutatabej c'ut ri ka rakoj tak chi'aj xutak c'ut jun tako'n ri xujresaj ulok pa Ejipt. Uj c'o c'u camic chupam ri tinimit re Cades, uj c'o c'ut chunakaj ri u c'ulbatil ri awulew.

Ri Matey 23:35

Jeri' piwi' cäkaj wi na ri qui quiq'uel conojel ri suc'alaj tak winak ri e cämisam cho ri uwächulew, turuwinak c'ut ri qui quiq'uel, conojel ri e cämisam ulok kas ruc' ri u quiq'uel ri Abel ri suc', c'ä ruc' ri u quiq'uel ri Zacariy ri u c'ojol ri Berequiy, ri xicämisaj chuxo'l ri k'ijilabal ruc' ri porobal.

U Camulixic ri Pixab 32:35

che ri k'ij ri quinya' na rajil u q'uexel chque, quinya' c'u ri takal chque, aretak copan ri k'ij re ri qui tzakic, nakaj chi c'u c'o wi ri k'ij re ri u sachic qui wäch, xa co'l man cänakajin ri k'ijol chque.