Elem 32:22 - Quiché Bible

²² Ri Aaron xubij che ri Moises: “Matoyowar wuc', wajaw. Aweta'm chi we winak ri' are cäkaj ri u banic ri etzelal chquiwäch.

Elem 32:22 ပူးပေါင်းရင်းမြစ်များ

Chapletajic 44:18

Ri Juda xoc chuwäch ri Jose, xubij che: “Quinwaj quinbij quieb oxib tzij che la. Bana' la jun tok'ob mäpe oyowal la chwe, ri lal xak junam k'ij la ruc' ri ajawinel.

Salmib 36:4

K'oyol pa ri u ch'at cuchomaj u banic ri man utz taj; sibalaj benak ranima' che u takexic ri itzelalaj u be man cäraj taj cuya' can u banic ri etzelal.

Elem 14:11

Xquibij c'u che ri Moises: “¿La xa ta pu ma ta c'o cujmuk wi pa Ejipt chi xujawesaj ulok rech cujelcäm pa we chaki'j uwo sak ri'? ¿Jasche je xaban wa' chke? ¿Jasche xujawesaj ulok pa Ejipt?

Elem 15:24

Ri winak c'ax xech'aw chrij ri Moises, xquibij: “¿Jawije' ta quekama' wi ka ja'?”

Elem 16:20

E c'o c'u jujun ri man xquinimaj taj ri xubij ri Moises, xquitas can jutak bik' che re ri ucab k'ij, are c'u ri xquic'olo xenoj che xjut, sibalaj xchuwiric. Xoyowar c'u ri Moises chquij.

Elem 16:28

Xubij c'ut ri Ajawaxel che ri Moises: “Ri ix, ¿c'ä jampa' lo quitakej na ri man quinimaxic taj ri e nu takomal xukuje' ri e nu tijonic?

Elem 32:1

Xquil c'u ri aj israelib chi, xbeytaj ri Moises che ri u kajic ulok puwi' ri juyub, xquimulij quib chrij ri Aaron, xquibij che: “Chatwalijok, chebabana' ka diosib ri cäc'amow ka be, ri Moises ri xujesan ulok pa Ejipt, man keta'm taj jas ri xuc'ulmaj.”

Elem 32:21

Xubij c'u ri Moises che ri Aaron: “¿Jas ri xuban we tinimit ri' chawe chi xebatakchi'j che u banic jun nimalaj mac?”

E C'ambal tak Tzij 4:16

man c'u quec'oji' ta pa jamaril we man caquiban ri lawaloyil; caquitzak ri qui waram we man caquibano chi c'o jachin cäkaj pa qui k'ab.

U Camulixic ri Pixab 31:27

Weta'm c'ut chi ix jun tinimit ri man ix tal ta tzij, ri man coc ta tzij pa i jolom; we c'u ri camic ri c'ä in c'asal chixo'l quic'ulelaj ri Ajawaxel, ¿jas lo ri quiban na ri' aretak in cäminak chic?

U Camulixic ri Pixab 9:24

¡Kas aretak wetamam ulok i wäch, ri ix ix c'ulelaninak ulok che ri Ajawaxel!

U Camulixic ri Pixab 9:7

“Mawi jubik' mäsach pa i jolom chi i c'ulelam ulok ri Ajawaxel ri i Dios pa ri chaki'j uwo sak. Kas aretak xixel ulok pa Ejipt c'ä ix ulinak waral, amak'el ix uxinak man nimanelab ta che.

Nabe Samuel 15:15

“E c'amom ulok pa Amalec,” xcha' ri Saul, “rumal rech chi ri winak man xequicämisaj taj ri je'licalaj tak chij xukuje' ri je'licalaj tak ama'ib tak wacax che qui chi'xic che tabal tak tok'ob che ri Ajawaxel ri Dios la. Ka sachom c'u qui wäch conojel ri niq'uiaj chic.”

Nabe Samuel 15:21

E are' c'u ri ajch'ojab xquiban quech chque ri chij, ri ama'ib tak wacax, ri sibalaj e je'l na chquixo'l ri ya'tal u sachisaxic qui wäch, rech quequipil che u ya'ic u k'ij ri Ajawaxel ri Dios la pa Jilgal.”

Nabe Samuel 15:24

Xubij c'u ri Saul che ri Samuel: “Je' in macuninak, man xinban taj ri u takanic ri Ajawaxel xukuje' tak ri u pixbenic ri xbij la chwe, xinxe'j wib chquiwäch ri winak, are xinnimaj ri xquibij chwe.