Elem 32:20 - Quiché Bible

²⁰ xuc'am c'u ri alaj ama' wacax ri qui banom, xuq'uiak pa ri k'ak' xjaric, xtakan che u joq'uic c'ä xc'äjir na, we c'äjil ri' xujopij puwi' ri ja'; xebutak c'u ri aj israelib che ruq'uiaxic ri ja'.

Elem 32:20 ပူးပေါင်းရင်းမြစ်များ

Nabe Ajawinelab 15:13

Xukuje' xeresaj ri u nimarisaxic u k'ij ri nanaxel ajawinel che ri Maac, ri rati't, rumal chi u takom u banic jun u wächbal ri Asera. Ri As xusachisaj u wäch we wächbal ri', xuporoj c'u pa ri nima' Sedron.

Ucab Ajawinelab 23:15

Are c'u ri porobal xukuje' ri k'ijilabal ri c'o pa Betel ri quek'ijilax wi diosib, ri xebuyac can ri Jeroboam, u c'ojol ri Nabat, ri xbanowic chi xemacun ri aj israelib, ri Josiy xebumuchu c'ä xebuc'äjij na, xut'ik c'u k'ak' chque xukuje' xut'ik c'u k'ak' che ri u wächbal ri Asera.

Ucab Ajawinelab 23:6

Xresaj bic chrij ri Jerusalen ri u wächbal ri Asera ri c'o chupam ri rachoch ri Ajawaxel, xuporoj chuchi' ri nima' Sedron c'ä xchajir na xujopij c'ut chupam ri siwan ri tixbal u mes ri tinimit.

Ucab Tzijobelil 34:4

xeyojix c'u ri porobal chuwäch ri quek'ijilax wi tak ri jalan tak qui wächbal ri Baal. Ri Josiy xutak chi na qui muchic ri porobal ri quech'ilix wi c'oc' tak k'ol ri e c'o paquiwi'. Xukuje' xtakanic chi cäban ch'akatak chque ri e u wächbal ri Asera, ri e diosib xukuje' tak ri e wächbal ri e banom pa k'ak'; xebupuc'purisaj, ri xujopij paquiwi' ri e mukutal wi ri xequicoj tabal tok'ob chquiwäch.

Elem 32:21

Xubij c'u ri Moises che ri Aaron: “¿Jas ri xuban we tinimit ri' chawe chi xebatakchi'j che u banic jun nimalaj mac?”

E C'ambal tak Tzij 1:31

¡Quixukajbej c'u na ri e ratz'amil ri e i c'aslemal! ¡Cäq'uistaj na i c'u'x chque ri itzel tak i chomanic!

E C'ambal tak Tzij 14:14

Ri man c'o ta u no'j u cuban u c'u'x chrij ri u c'aslemal ri utzalaj winak cucu'ba' u c'u'x chquij tak ri e u banoj.

U Camulixic ri Pixab 7:25

Quebiporoj na ri e qui wächbal tak ri e qui banom che qui diosib, mebic'am c'u can ri k'an puak xukuje' ri sak puak ri ch'ukuwinak quij; mixkaj chupam we takchibal mac ri', quixkaj c'u ri' chupam jun banoj ri etzelal chuwäch ri Ajawaxel.

U Camulixic ri Pixab 7:5

Ri rajawaxic ri quibano are ri quiwulixic tak ri qui porobal ri quek'ijilax wi diosib, quebic'äjij tak ri abaj, ri cuta'm ri quequik'ijilaj xukuje' chebiporoj tak ri e qui diosib.

U Camulixic ri Pixab 9:21

xinc'am c'ut ri alaj ama' wacax ri i banom, ri xixmacun wi, xinq'uiak pa ri k'ak', aretak quietajinak chic, c'ä xux na puc'uc' ulew, xinjopij pa ri alaj nima' ri cäkaj ulok cho ri juyub.