Elem 32:11 - Quiché Bible

¹¹ Ri Moises xuta' tok'ob che ri Ajawaxel ri u Dios, xubij: “Ajawaxel, ¿jas ta che cäk'ak'ar ri oyowal la puwi' ri tinimit la ri xesaj la ulok pa Ejipt ruc' ri nimalaj cuinem la?

Elem 32:11 ပူးပေါင်းရင်းမြစ်များ

Chapletajic 18:27

Ri Abraham xubij che ri Ajawaxel: “Sachala' nu mac chi je ch'abexic la wa' quinbano, ri lal lal Dios, are c'u ri in xa in winak;

Nabe Ajawinelab 8:51

Tinimit c'u la xukuje' ech la; esan c'u la ulok pa Ejipt, ri junam ruc' jun jorno tzacbal ch'ich'.

Ri Nehemiy 1:10

Uj uj pataninelab la xukuje' tinimit la, ri xujlok' chi la rumal ri nimalaj cuinem la xukuje' chuk'ab la.

Salmib 106:23

Ri Dios xubij chi cusach qui wäch, are c'u ri Moises, ri u cha'om, xch'aw paquiwi', xak jeri' xjamar ri royowal ri Dios, xuk'il rib che u sachisaxic qui wäch.

Elem 32:7

Ri Ajawaxel xubij che ri Moises: “Jät, chatkaj bic, ri awinakil ri xebawesaj ulok pa Ejipt, e kajinak pa mac.

Elem 6:6

Rumal ri' jät jabij chque ri aj israelib chi ri in, ri Ajawaxel, quebenwesaj na chuxe' ri u takanic ri ajawinel xukuje' pa ri c'axalaj tak chac ri e cojom che qui banic cumal ri aj ejiptib. Quinc'ut na ri nu cuinem, quebentor na bic cumal nimak tak banoj aj suq'uilal.

Elem 8:8

Ri ajawinel xtakan che u siq'uixic ri Moises rachil ri Aaron, xubij c'u chque: “Chi tz'onoj tok'ob che ri Ajawaxel chi queresaj ri xtutz' chwij xukuje' chquij ri e nu winakil, quebentzokopij c'u bic ri awinakil rech quebe che u ya'ic tabal tok'ob chuwäch ri Ajawaxel.”

Ri Isaiy 63:17

¿Jasche cäban la Ajawaxel chi cäkajech'obisaj kib chque ri be la, cacowirisaj c'u la ri kanima' rech man nim ta cakil wi la? Q'uextaj la, rumal ri qui lok'ok'exic ri pataninel tak ech la, xukuje' ri tinimit ri echbem la.

Ri Jeremiy 15:1

Ri Ajawaxel xubij chwe: “Pune' ta ne ri Moises rachil ri Samuel quelquitac'aba' ta quib waral, chnuwäch in, man quel ta na nu c'u'x che we tinimit ri'. Chabij chque chi chebel chnuwäch, chi cheboj.

Juyuwem 2:20

Chila la, Ajawaxel, choc la che u chomaxic chi mawi jumul c'o ta jun ri je ta banom la wa' che. Ri nanaxelab, ¿la quequitij ta na lo tak ri cal ri c'ä quetunic? Ri e cojol tabal tok'ob xukuje' tak ri e k'axal tak tzij ¿la quecämisax ta na lo chupam ri k'ijilabal ri cak'ilax wi la?

Ri Ezequiel 20:9

Man c'u xinban taj, xa' c'u ne are xebenwesaj ulok chupam ri ulew Ejipt, rech man cäyok' taj ri nu bi' chquixo'l ri nimak tak tinimit ri e jekel wi pa qui niq'uiajil, chquiwäch c'u ne we nimak tak tinimit ri'. Xinc'utunisaj wib chquiwäch nu chi'm c'u chque chi quebenwesaj ulok pa Ejipt.

Ri Daniel 9:15

Ajawaxel xukuje' ka Dios, lal xc'ut la ri nimalaj cuinem la aretak xesaj la ulok ri tinimit la pa Ejipt, yo'm c'u la u k'ij ri bi' la pa tak ri k'ij ri' c'ä camic; are c'u ri uj, uj macuninak ka banom ri lawaloyil.

Ri Joel 2:17

Chebok' tak ri e cojol tabal tok'ob, ri e u pataninelab ri Ajawaxel, chechok c'ut chuxo'l ri rakan ja ruc' ri porobal: “Ajawaxel, sacha' la u mac ri tinimit la; maya' la c'olbal chi c'o ta jachin cätze'n qui wäch ri e ech la; maya' la c'olbal chi jule' nimak tak tinimit chic quebajawin ta paquiwi' chquibij ta c'u ne tak ri e k'ijilal tak diosib: ‘¿Jawije' c'o wi ri qui Dios?’ ”

Ajilanic 11:11

xubij c'u che ri Ajawaxel: “¿Jasche cäban la c'ax chwe in, in c'u ya' pataninel ech la? ¿Jas ri c'ax ri cäna' la chwij chi yo'm la we tinimit ri' che weklem?

Ajilanic 14:13

Ri Moises xutzelej u bixic che ri Ajawaxel: “Lal ruc' ri cuinem la, xesaj la ulok pa Ejipt we tinimit ri'. Aretak ri aj Ejipt chquetamaj ri quebana' la,

Ajilanic 16:22

Are c'u ri e are', xquimej quib xquiya' ri qui palaj c'ä cho ri ulew, je xquibij wa': “Oh Dios, lal ri caya' la ri qui c'aslemal conojel ri winak, ¿la cäpe oyowal la che ronojel ri tinimit u mac rech ri u mac xa jun winak?”

Ajilanic 21:7

Xebe c'ut jawije' c'o wi ri Moises xquibij c'u che: “¡Uj macuninak aretak xkac'ulelaj ri Ajawaxel xukuje' ri at! ¡Chatz'onoj che ri Ajawaxel chi chebunajtajisaj tak ri cumätz chke!” Ri Moises xutz'onoj che ri Ajawaxel chi chusacha' qui mac ri aj israelib,

Ajilanic 27:4

Man c'u suc' ta chi ri ka tat casach ta u wäch chuxo'l ri rija'lil xa rumal rech chi man c'o ta jun u c'ojol xc'ojic. Chaya' jun chak'ap kulew chquixo'l ri e rachalal ri ka tat.”

Nabe Samuel 15:11

“Quinbisonic chi xincoj ri Saul che ajawinel, rumal rech chi u tasom rib chwij man e u tz'akatisam ta ri nu takanic.” Ri Samuel man curik ta chic jas cubano, man xwar ta ronojel ri jun ak'ab xubochi'j c'u ri Ajawaxel.