Elem 3:18 - Quiché Bible

¹⁸ Ri nimak tak tatayib aj israelib, catquinimaj na, quebe c'u awuc' che u ch'abexic ri ajawinel pa Ejipt, cabij c'u na che: ‘Ri Ajawaxel ri qui Dios ri aj hebreyib xpe che ka siq'uixic. Rumal ri chujtzokopij la bic rech cujbe pa ri chaki'j uwo sak, oxib k'ij be che u chi'xic tabal tok'ob chuwäch ri Ajawaxel ri ka Dios.’

Elem 3:18 ပူးပေါင်းရင်းမြစ်များ

Chapletajic 12:1

Pa jun k'ij ri Ajawaxel xubij che ri Abram: “Chaya' can ri awulew, ri e awachalaxic, xukuje' ri rachoch ri a tat, rech catbe pa ri ulew ri quinc'ut na chawäch.

Chapletajic 14:13

C'o c'u jun achi ri xcuinic xuto' rib ri man xcämisax taj, are wa' ri xbec xuya' u bixic che ri Abram ronojel ri xbantajic. Ri Abram are ri aj hebrey, ri jekel pa ri c'ache'laj aj räx che' ri rech ri Mamre ri aj amorey. Ri Mamre rachalal ri Escol xukuje' ri Aner, ri e are' e utz ruc' ri Abram.

Chapletajic 15:1

E bantajinak chi we jastak ri', ri Ajawaxel xuch'abej ri Abram pa jun ichic', xubij che: “Abram, maxe'j awib, in ri' ri in to'l awech. Ri tojbal awech sibalaj nim na.”

Chapletajic 17:1

Aretak c'o chi jumuch' ruc' belejlajuj (99) u junab ri Abram, xuc'ut rib ri Ajawaxel chuwäch, xubij che: “In ri' ri Dios ri c'o ronojel u cuinem; chatbin pa jun suc'alaj c'aslemal chnuwäch.

Chapletajic 48:3

Xubij c'u che ri Jose: “Ri Dios ri c'o ronojel u cuinem, xuc'ut rib chnuwäch pa ri tinimit ri Luz u bi' ri c'o pa Canaan, xinutewichi'j c'ut,

Ucab Tzijobelil 30:12

Ri Dios xukuje' xuslabej ri canima' ri winak aj Juda rech cäquiya' qui tzij che u nimaxic ri u takanic ri ajawinel xukuje' ri e k'atal tak tzij, je jas ri takanic ri u yo'm ri Ajawaxel.

Salmib 110:3

Ri tinimit la cäjach na pa k'ab la chupam ri k'ij re ri ch'äcanic la. Paquiwi' tak ri tastalicalaj tak juyub, je c'ut jacha' ri räxk'ab ri cäq'uiy pa ri u sakaric, ri alc'ual la cac'ac'ar chi k'ij chi k'ij.

Elem 10:3

Ri Moises rachilam ri Aaron xebe che u ch'abexic ri ajawinel, xquibij c'u che: “jewa' cubij ri Ajawaxel ri qui Dios ri aj hebreyib: ‘¿C'ä jampa' ri camach' ta na awib chnuwäch? Chatzokopij bic ri nu tinimit rech cäbe che nu k'ijilaxic;

Elem 17:5

Ri Ajawaxel xubij che ri Moises: “Chatnabej chquiwäch ri winak, cheteren bic jujun chque ri nimak tak tatayib aj israelib chawij. Chac'ama' bic ri ch'ämiy ri xach'ayibej re ri nima', chatakej c'ut ri a be.

Elem 19:1

Ri aj israelib xebopan pa ri chaki'j uwo sak re Sinai, pa ri urox ic' che ri quelic ulok pa Ejipt.

Elem 25:22

Chila' quinrik wi wib awuc', kas puwi' ri tz'apibal chquixo'l ri quieb wächbal ri aj cajalaj tak tobanelab ri e c'o qui xic' ri e c'o puwi' ri caxa re ri c'ulwächinic, chila' quinya' wi na conojel ri nu takanic chawe ri caya' na chque ri aj israelib.”

Elem 3:12

Xubij ri Dios che ri Moises: “Jät, quinc'oji' c'u awuc', are etal wa' chi kas in catintak bic: aretak awesam chi ulok ri nu tinimit pa Ejipt, iwonojel quinik'ijilaj na pa we juyub ri'.”

Elem 3:16

Jät chebamulij ri nimak tak tatayib re Israel, chabij chque: ‘Ri Ajawaxel ri qui Dios ri e i mam; ri u Dios ri Abraham, ri Isaac, xukuje' ri Jacob, xuc'ut rib chnuwäch xubij c'u chwe chi oquinak il chiwe xukuje' rilom ri c'ax ri cäban chiwe pa Ejipt.

Elem 30:36

Sibalaj coc' u que'xic niq'uiaj chabana', chaya' chuwäch ri caxa re ri c'ulwächinic, chupam ri Lic'om Rachoch Dios re rikoj ib o ri xinrik wi na wib awuc'. We c'oc' k'ol ri' are wa' ri sibalaj tastal na,

Elem 30:6

Chaya' ri porobal ri cäporox wi ri c'oc' k'ol chuwäch ri ch'ukubal ri c'o chunakaj ri caxa ri c'o wi ri c'ulwächinic, chuwäch ri tz'apibal ri cäch'ukuwic, ri quinrik wi na wib awuc'.

Elem 4:1

“Ri e are' man quecojon ta na ri' chwe, mawi caquiya' ta na qui xiquin ri',” xcha' ri Moises. “Xane' caquibij na chwe: ‘Ri Ajawaxel man u c'utum ta rib ri' chawäch.’ ”

Elem 4:23

Nu bim chic chawe chi catzokopij bic ri nu c'ojol, rech cäbe che nu k'ijilaxic; u mac c'u rech chi man a tzokopim ta bic, ri in quincämisaj na ri nabeal a c'ojol.’ ”

Elem 4:24

Aretak qui takem ri qui be xebopan c'u pa ri c'olbal ri cäcoc'owisaj wi ri ak'ab ri Moises rachil ri rixokil, xukuje' ri u c'ojol, ri Ajawaxel xpe che u c'ulaxic ri Moises xa co'l man xucämisaj.

Elem 4:31

Ri winak xcu'bi qui c'u'x aretak xquetamaj chi ri Ajawaxel oquinak il chque, xukuje' rilom ri c'ax ri cätajin cäquiriko, xexuquic, xek'ijilanic.

Elem 5:1

Oc'owinak chi c'u wa', ri Moises rachilam ri Aaron xebe che u bixic che ri ajawinel ri paraon xquibij c'u che: “Jewa' u bim ri Ajawaxel ri u Dios ri Israel: ‘Chatzokopij bic ri nu tinimit pa ri chaki'j uwo sak, rech cubana' jun nimak'ij chila' che u ya'ic nu k'ij.’ ”

Elem 5:3

Ri Moises ri Aaron, xquibij che ri ajawinel: “Ri qui Dios ri aj hebreyib petinak che ka rikic; rumal ri' cujbe na pa ri chaki'j uwo sak, oxib k'ij be cäkaban na, quekaya' c'u tabal tok'ob chuwäch ri Ajawaxel ri ka Dios, mebutak c'u ne ulok ch'o'j o yabil pakawi' che ka cämisaxic.”

Elem 7:16

Chila' cabij wi che: ‘Ri Ajawaxel ri qui Dios ri aj hebrey in u takom ulok che u bixic chech la: Chi catzokopij bic ri nu tinimit rech cäbe che nu k'ijilaxic pa ri chaki'j uwo sak. Man nimam ta c'u la c'ä camic ri nu bim chech la.

Elem 8:1

ri Ajawaxel xubij che ri Moises: “Jät che u ch'abexic ri ajawinel ri paraon, chabij che: ‘jewa' cubij ri Ajawaxel: Chatzokopij bic ri nu tinimit Israel rech cäbe na che nu k'ijilaxic.

Elem 8:20

Ri Ajawaxel xubij che ri Moises: “Ri ajawinel ak'ab cäbe chuchi' ri nima', rumal ri' chatwalij ak'ab, catbe che u bixic che: ‘Jewa' u bim ri Ajawaxel: Chatzokopij bic ri nu tinimit rech cäbe che nu k'ijilaxic.

Elem 8:23

Cawil c'u na chi man je ta quinban che ri nu tinimit jacha' ri quinban che ri a tinimit. Chwek c'ut quepe ri amalo.’ ”

Elem 9:1

Xubij ri Ajawaxel che ri Moises: “Jät che u ch'abexic ri ajawinel ri paraon, chabij che: ‘Jewa' cubij ri Ajawaxel ri qui Dios ri aj hebreyib: —Chatzokopij bic ri nu tinimit rech cäbe che nu k'ijilaxic.

Elem 9:13

Xubij c'u ri Ajawaxel che ri Moises: “Ak'ab chatwalij chwek catbe c'u che u bixic che ri ajawinel: ‘Jewa' u bim ri Ajawaxel ri qui Dios ri aj hebrey: —Chatzokopij bic ri nu tinimit rech cäbe che nu k'ijilaxic;

Ri Isaiy 64:5

Ri lal cäc'amowaj la ri cuban ri colomal ruc' quicotemal, cänataj c'u u banic rumal jachique ri caj la. Ri lal yactajinak oyowal la rumal rech chi uj macuninak sibalaj ojer ka chaplem u banic ulok ri mac chwäch la.

Ri Jeremiy 2:2

“Jät jatzijobej ri tinimit Jerusalen; charaka' a chi' rech utz u tatabexic cäquibano: ‘¡Jewa' cubij ri Ajawaxel! Cänataj chwe chi aretak c'ä at ac'al, jic xatbin chnuwäch, chi' aretak xatux wixokil xinalok'ok'ej, xatteri c'u chwij pa ronojel ri chaki'j uwo sak, ulew ri man c'o ta cätic chuwäch.’

Ri Jeremiy 2:6

Man xeboc ta il che nu tzucuxic, xebenwesaj c'u ne ulok pa Ejipt, xinc'am c'u ne qui be chupam ri chaki'j uwo sak, chaki'j ulew ri nojinak chque tak siwan, ulew ri man c'o ta wi ja', nojinak chque tak sayowem, ulew ri man coc'ow ta wi jachin jun.

Ri Jeremiy 26:5

mawi chiquiya' qui xiquin chque tak ri e qui pixbenic tak ri e pataninelab wech ri e k'axal tak nu tzij, ri quieb oxib mul e nu takom ulok chiwe ri mawi c'u ne ix nimaninak ta chque,

Ajilanic 17:4

Quebaya' chupam ri Lic'om Rachoch Dios re rikoj ib, chuwäch ri caxa re ri c'ulwächinic, chila' c'ut ri quinrik wi wib iwuc'.

Ri Josue 1:17

Amak'el cujniman na chawe, jacha' ri xkaban nabe xujniman che ri Moises. Xuwi wa' cakatz'onoj chi chatachilax rumal ri Ajawaxel ri a Dios jacha' ri xuban che rachilaxic ri Moises.