Elem 3:17 - Quiché Bible

¹⁷ Xukuje' xubij chwe chi quixresaj bic pa ri rikoj tak c'ax ri ix c'o wi pa Ejipt, quixuc'am bic pa ri culew ri aj cananeyib, ri aj hititib, ri aj amoreyib ri aj perezeyib, ri aj hebeyib, ri aj jebuseyib, ulew wa' ri cabelel wi leche xukuje' ri juyubal räx cab jacha' ri ja'.’

Elem 3:17 ပူးပေါင်းရင်းမြစ်များ

Chapletajic 46:4

Ri in quinbe na awuc' pa Ejipt, kas c'u in quebenwesaj na ulok ri e awija'lil chila'. Aretak c'u catcämic cäc'oji' na ri Jose chaxcut.”

Chapletajic 50:24

Xpe c'u jun k'ij aretak xubij ri Jose chque ri rachalal: “Xa quieb oxib k'ij chic in c'aslic, cäpe c'u na ri Dios che i to'ic, quixresaj c'u na bic chupam we ulew ri', che i c'amic bic chupam ri ulew ri xuchi'j chque ri Abraham, ri Isaac xukuje' ri Jacob.”

Chapletajic 50:25

Xuban c'ut chi ri e u c'ojol ri Israel chi cäquiban ri chi'nic ri kas cäban na chnuwäch xubij c'u chque: “Ri quinbij chiwe, ri Dios cäpe na che iwesaxic bic waral. Aretak cäc'ulmataj wa', quic'am na bic ri nu bakil iwuc' pa Canaan, miya' can waral.”

Nabe Tzijobelil 1:15

aj hebeyib, aj araseyib, aj sineyib,

Salmib 102:21

rech pa Sion xukuje' pa Jerusalen, quesax u tzijol xukuje' cak'ijilax ri u bi' ri Ajawaxel

Elem 13:5

chupam c'u we ic' ri' rajawaxic coc'owisax ri nimak'ij re ri Oc'owem, aretak ix u cojom chic ri Ajawaxel pa ri ulew ri cabelel wi ri leche xukuje' juyubal räx cab jacha' ri ja', are wa' ri culew ri aj cananeyib, ri aj hititib, ri aj amoreyib, ri aj hebeyib, ri aj jebuseyib, ri xuchi'j chque ri e i mam chi cuya' chiwe.

Elem 32:34

Jät ba', chebac'ama' bic we winak ri' pa ri c'olbal ri nu bim chawe. Cäc'am c'u na a be rumal ri nu tako'n aj caj. Aretak c'u copan ri k'ij re ri c'äjisan wächaj, quinc'äjisaj na qui wäch rumal ri qui mac.”

Elem 33:3

Jix pa ri ulew jawije' ri cabelel wi leche xukuje' juyubal räx cab jacha' ri ja'. Man quinbe ta c'u chixo'l, mäc'ulmataj ne chi quinsach i wäch pa ri be, ri ix c'ut ix winak ri sibalaj ix tac.”

Elem 6:6

Rumal ri' jät jabij chque ri aj israelib chi ri in, ri Ajawaxel, quebenwesaj na chuxe' ri u takanic ri ajawinel xukuje' pa ri c'axalaj tak chac ri e cojom che qui banic cumal ri aj ejiptib. Quinc'ut na ri nu cuinem, quebentor na bic cumal nimak tak banoj aj suq'uilal.

Ri Jeremiy 11:5

We ri ix quibano ri quinbij chiwe, ri in quintz'akatisaj na ri chi'nic ri kas cäban na, ri xincha' chque ri e i mam, chi quinya' jun ulew chque, ri ulew ri c'o pa i k'ab camic, jawije' ri cabin wi ri leche xukuje' ri juyubal räx cab jacha' ri ja'.” Are c'u ri in xintzelej u bixic: “Je' Ajawaxel.”

Ri Jeremiy 32:22

Xya' la che ri Israel we ulew ri' ri cabelel wi ri leche xukuje' ri juyubal räx cab jacha' ri ja', je jas ri xchi'j la chque ri e qui mam.

Ri Ezequiel 20:6

Pa ri k'ij ri' xinya' nu tzij che quesaxic ulok pa Ejipt quebenc'am c'u bic pa jun ulew jawije' ri cabelel wi ri leche xukuje' ri u juyubal räx cab jacha' ri ja', ¡ri ulew sibalaj je'l na chquiwäch conojel!

Aj Levitib 20:24

Quinchi'j chiwe: Chi ix quixechben na ri culew we winak ri'; quinjach na pa i k'ab rech cäcanaj che iwechbal, ulew wa' ri cabelel wi leche xukuje' juyubal räx cab jacha' ri ja'. In ri' ri Ajawaxel ri i Dios, ri in banowinak chiwe chi man ix junam ta cuc' ri niq'uiaj chic tinimit.

Ajilanic 13:27

Xquibij che ri Moises: “Xujbe pa ri ulew ri xujatak wi bic. Kastzij are jun ulew jawije' ri cäbelel wi ri leche xukuje' juyubal räx cab jacha' ri ja', e are tak wächinic wa' ri cuya'.

U Camulixic ri Pixab 26:9

xujuc'am ulok pa we ulew ri', xuya' we ulew ri' chke jawije' cätixin wi ri leche xukuje' ri juyubal räx cab jacha' ri ja'.

U Camulixic ri Pixab 6:3

Aj israelib, chixoc ba che qui nimaxic we pixab ri'. Utz c'u quixel na, quixux na jun tinimit re e q'uia winak pa we ulew ri' ri cätixin wi leche xukuje' juyubal räx cab jacha' ri ja', jas ri u bim ri Ajawaxel ri qui Dios ri e i mam.

Ri Josue 24:11

Xixoc'ow c'ut chupam ri nima' Jordan xixopan c'ut c'ä jawije' c'o wi ri Jerico. Ri e jekel pa Jerico (amoreyib, perezeyib, cananeyib, hititib, jerjeseyib, hebeyib, xukuje' jebuseyib) xech'ojin iwuc', xinban c'ut in chi xebich'äco'.

Ri Josue 5:6

Rumal c'u rech chi cawinak junab xebin ri aj israelib pa ri chaki'j uwo sak, e cäminak chi c'u conojel ri achijab ri xebel ulok pa Ejipt ri c'o chi qui junab che u banic ch'o'j. We achijab ri' man xeniman ta che ri Ajawaxel rumal ri' ri are' xcha' chque ruc' chi'nic ri kas cäban na chi man caquil ta na ri ulew ri xuchi'j u ya'ic chque ri e qui mam, ulew ri cabelel wi ri leche xukuje' ri juyubal räx cab jacha' ri ja'.

Ri Josue 9:1

Ri cajawinelab ri hititib, ri amoreyib, ri cananeyib, ri perezeyib, ri hebeyib xukuje' ri jebuseyib xquinabej ri c'ulmatajinak. (We ajawinelab tak ri' e jekel pa ri u kajebal k'ij che ri u chi' ri nima' Jordan, pa tak ri c'ache'laj, pa tak ri lianic xukuje' pa ronojel ri tak'aj chuchi' ri Plo Mediteran quetakal c'ä ruc' ri rulewal ri Libano).