Elem 3:12 - Quiché Bible

¹² Xubij ri Dios che ri Moises: “Jät, quinc'oji' c'u awuc', are etal wa' chi kas in catintak bic: aretak awesam chi ulok ri nu tinimit pa Ejipt, iwonojel quinik'ijilaj na pa we juyub ri'.”

Elem 3:12 ပူးပေါင်းရင်းမြစ်များ

Chapletajic 15:1

E bantajinak chi we jastak ri', ri Ajawaxel xuch'abej ri Abram pa jun ichic', xubij che: “Abram, maxe'j awib, in ri' ri in to'l awech. Ri tojbal awech sibalaj nim na.”

Chapletajic 15:8

Ajawaxel xukuje' Dios, ¿jas ri quinbano rech kas quinwetamaj chi kas quinwechbej na we ulew ri'?” xcha' ri Abram.

Chapletajic 26:3

chatc'ol quieb oxib k'ij pa we c'olbal ri'. Quinc'oji' c'u awuc', catintewichi'j na, chawe c'u at xukuje' chque ri e awija'lil quinya' wi na conojel tak we ulew ri'. Je quintz'akatisaj ri chi'nic ri xinban che ri a tat Abraham.

Chapletajic 31:3

Xubij c'u ri Ajawaxel che ri Jacob: “Chattzelej pa ri culew ri a mam, jawije' e c'o wi ri awachalaxic, catinwachilaj c'u na.”

Ucab Ajawinelab 19:29

Xubij c'ut ri Isaiy che ri Ezequiy: “Are' jun etal wa' che ri quec'ulmataj na: che we junab ri' xukuje' ri cäpe na ri ix quiwe'j na ri trico ri xak caq'uiy ulok pa rech wi, pa ri urox junab cuya' quixticonijic xukuje' quixk'atowic, quebitic tak uva quebitij tak c'ut ri qui wächinic.

Nabe Tzijobelil 9:20

Nabe canok, ri Pinees, u c'ojol ri Eleazar, are c'amal can qui be nabe. ¡Chc'ol ba' ri Ajawaxel ruc'!

Salmib 86:17

Ya' la jun k'alajalaj u c'utic ri utzil la chnuwäch, aretak c'ut caquilo, chel qui q'uixbal ri cäquetzelaj nu wäch. ¡Lal, Ajawaxel, cäya' la to'banic chwe xukuje' cu'bisabal c'uxaj!

Elem 18:5

Kajinak c'u ri Moises pa ri chaki'j uwo sak chunakaj ri u juyub ri Dios, chila' c'u xopan wi ri Jetro rachil ri Sepor rixokil ri Moises xukuje' ri quieb u c'ojol.

Elem 3:1

Ri Moises cätajin quebuyuk'uj ri u chij ri Jetro ri u ji', ri xukuje' cäbix Reuel che, ri cojol tabal tok'ob re Madian, xurika' c'u jun k'ij xebuc'am bic ri chij pa ri chaki'j uwo sak, xopan c'ä pa ri juyub Horeb ri cäbix u juyub ri Dios che.

Elem 3:13

Are c'u ri Moises xubij che ri Dios: “Ri c'ax ri quinwilo we quinopan cuc' ri aj israelib chubixic chque: ‘Ri qui Dios ri e i mam xinutak ulok iwuc',’ we c'u ne cäquita' ri bi' la chwe: ¿Jas c'ut ri quinbij na chque?”

Elem 33:14

Kas In catinwachilaj na, catinwuxlanisaj c'u na,” xcha' ri Ajawaxel.

Elem 4:12

Jät ba' quinc'oji' c'u na awuc' aretak catch'awic, quinbij c'u na chawe ri cabij na.”

Elem 4:15

Chattzijon ruc', chak'alajisaj chuwäch ri awachalal ronojel ri rajawaxic ri cubij na, ri in, pa wech wi, quinc'oji' na ruc' xukuje' awuc' at aretak quixch'awic, quinbij na chiwe ri quibano.

Elem 8:27

Rajawaxic cujbe na pa ri chaki'j uwo sak, oxib k'ij cujbin na c'äte ri' cäkaya' ri tabal tok'ob chuwäch ri Ajawaxel ri ka Dios, jacha' ri takanic ri u yo'm chke.”

Ri Isaiy 37:30

Xubij c'u ri Isaiy che ri Ezequiy: “Are' jun etal wa' che ri quec'ulmatajok: Pa we junab ri' xukuje' pa ri junab ri cäpetic are quitij na ri trico ri cäq'uiy pa re wi, pa ri urox junab c'ut cuya' quixticonijic xukuje' quiyac u wäch ri i tico'n, quebitic uva xukuje' quebitij c'ut ri qui wäch.

Ri Isaiy 41:10

Man caxe'j ta awib, in c'o c'u ne awuc' maxibij awib, in c'ut in a Dios. In quinyo'w a chuk'ab, in catinto', catintok'ej ruc' ri colomalaj nu k'ab.

Ri Isaiy 43:2

We rajawaxic catk'ax pa ri ja', ri in quinc'oji' na awuc', we rajawaxic catk'ax pa tak ri nima' man catjik' ta na, we rajawaxic catoc'ow pa ri k'ak', man catc'at ta na, ri rak' ri k'ak' man quenicow ta na chawij.

Ri Isaiy 7:14

Kas c'u are' ri Ajawaxel cäyo'w na jun etal chiwäch: Ri k'apoj yawab winak chic cäc'oji' c'u na jun ral, ri cucoj na Emanuel che u bi'.

Ri Jeremiy 1:8

Maxe'j awib chuwäch apachin jun, quinc'oji' c'u na awuc' che a to'ic. In ri Ajawaxel quinya' ri nu tzij.”

Ajilanic 16:28

Ri Moises xutakej u bixic: “Ruc' wa' quinc'ut chiwäch chi are' ri Ajawaxel Dios ri in takowinak che qui banic we jastak tak ri', chi man xak ta c'u pa we wi quebenbano.

Ajilanic 23:21

Man c'o ta jachin jun rilom ta subunic mawi etzelal pa Israel, ri u tinimit ri Jacob. Ri Ajawaxel ri u Dios c'o cuc', ri e are' caquiya' u k'ij jacha' jun ajawinel.

Ri Matey 28:20

Chebitijoj che u nimaxic ronojel jas ri xixintak wi. Chiwilampe', in c'o iwuc' ronojel k'ij c'ä pa ri u q'uistajic ri uwächulew.”

Marcos 16:20

Ri u tijoxelab xebel bic, xquitzijoj chque ri winak pa tak ronojel c'olbal jas u banom ri Jesus. Ri Ajawaxel xebuto'o xukuje' xubano chi xquibana etal che u k'alajisaxic chi rech ri Dios ri tzij ri cäquibij. Je chbanok.

Hechos 11:21

Ri u k'ab ri Ajawaxel c'o cuc'. E q'ui xecojonic, xequiya' can ri ojer tak qui cojonic, xecojon che ri Ajawaxel.

Hechos 7:7

Ri Dios xubij: ‘Ri in quink'at na tzij puwi' apachique nim tinimit ri cuban lok'om pataninelab chque. Aretak coc'ow na ri c'ax, quebel na ulok, quinquipatanij na pa we c'olbal ri'.’ ”

Romanos 8:31

¿Jas c'u cäkabij che wa'? We c'o ri Dios kuc', ¿jachin ta ri cujc'ulelanic?

U Camulixic ri Pixab 31:23

Ri Ajawaxel xuya' we takanic ri' che ri Josue, (ri u tat ri Josue are' ri Nun): “Chc'ol a chuk'ab xukuje' muban quieb a c'u'x, at c'ut catbanow na chi queboc ri aj israelib pa ri ulew ri nu bim chi quinya' chque, are c'u ri in quinc'oji' na pa a xcut.”

Hebreos 13:5

Milok'ok'ej ri puak, chubana' chiwe ri c'o iwuc'. U bim c'u ri Dios: Man catintzokopij ta canok mawi catinya' canok.

Ri Josue 1:5

Man c'o ta jun cacuin ta che a ch'äquic pa ronojel ri a c'aslemal, are' c'u ri in quinc'oji' na awuc' jacha' xinc'oji' ruc' ri Moises, man catinya' ta canok mawi jubik' catinwonoba' ta canok.

K'atal tak Tzij 6:12

Ri aj cajalaj u tako'n ri Ajawaxel xuc'ut rib chuwäch, xubij c'u che: “Ri Ajawaxel c'o awuc', cowilaj achi ri c'o a chuk'ab.”

K'atal tak Tzij 6:16

Ri Ajawaxel xubij che: “Catcuin che u banic quinc'oji' c'u na awuc', quebach'äc na ri aj madianib, jas ri cäban che u ch'äquic xa jun achi.”

K'atal tak Tzij 6:17

Xubij c'ut ri Jedeon: “We nu rikom ri tok'ob la chäya' ba la jun c'utbal chwe chi kas lal ri cäch'aw la wuc'.

K'atal tak Tzij 6:21

ri aj cajalaj tako'n xunak ri ti'j, ri caxlanwa ruc' ri u wi' ri u ch'amiy ri c'o pu k'ab, xel c'u ulok k'ak' che ri abaj ri xuja'risaj ri ti'j xukuje' ri caxlanwa; xsach c'ut ri aj cajalaj u tako'n ri Ajawaxel chuwäch.

K'atal tak Tzij 7:11

chatatabej na ri caquibij. Cäpe c'u na a chuk'ab che u banic ch'o'j cuc'.” Xkaj c'u bic ri Jedeon rachil ri Pura, ri u pataninel, c'ä pa tak ri c'olbal ri e c'o wi ri c'ulel.

Nabe Samuel 14:10

We c'u cäquibij chke chi chujpakalok, cujpakic, rumal rech chi are etal wa' chi ri Ajawaxel cuya' na ri ch'äcanic chke.”