Elem 28:3 - Quiché Bible

³ Chebatzijobej ri c'o qui no'j, ri e nu nojisam che no'jinic, rech cäquiban ri ratz'iak ri Aaron, coc c'u che cojol tabal tok'ob chnuwäch.

Elem 28:3 ပူးပေါင်းရင်းမြစ်များ

Nabe Ajawinelab 7:14

ral c'ut jun malca'n aj ramak' ri Neptali ruc' jun aj Tir ri cacuin che u chacuxic k'an ch'ich'. Ri Hiram sibalaj cacuinic xukuje' reta'm c'ut ri kas u chacuxic apachique chac re k'an ch'ich', xopan c'u ruc' ri ajawinel Salomon xebuban c'u conojel tak ri u chac.

Elem 35:10

“Conojel ri quena'w che apachique chac chepetok, chelquibana' ronojel ri u bim ri Ajawaxel chi quebanic:

Elem 35:25

Ri ixokib ri quecuinic quequemenic, xequic'am ulok ri qui quem re azul, quem re morato', re quiäk quem, re coc'alaj lino;

Elem 35:30

Ri Moises xubij chque ri aj israelib: “Chiwilampe', ri Ajawaxel xresaj ri Bezaleel chquixo'l ri ramak' ri Juda ri u c'ojol ri Uri, ri ri' u mam c'ut ri Hur,

Elem 35:31

u nojisam c'u che ri ruxlabal ri Dios, che no'j, che ch'obonic, che etamanic, che nawinic xukuje' che qui banic jastak

Elem 35:35

e nu yo'm quetamabal che u banic apachique chac ri mayibal tak qui banic, che qui t'isic tak quem azul, quem morato', quiäk tak quem, coc'alaj lino, che u quemic apachique quem ri c'o tak quetz'balil.”

Elem 36:1

“Jeri', ri Bezaleel rachilam ri Aholiab xukuje' conojel ri quena'w che apachique chac, ri yo'm qui no'j, quetamabal rumal ri Ajawaxel che qui banic conojel ri jastak ri quebajwataj che ri k'ijilanic chupam ri k'ijilabal, xquitz'akatisaj ri xtakan ri Ajawaxel che u banic.”

Elem 36:2

Ri Moises xusiq'uij ri Bezaleel, ri Aholiab xukuje' conojel ri quecuin che apachique chac, ri yo'm we etamanic ri' chque rumal ri Ajawaxel, qui chi'm c'u quib pa quech wi che ri to'banic chupam we chac ri'.

E C'ambal tak Tzij 2:6

Are' c'ut ri Ajawaxel cäyo'w ri no'j; ri ch'obonic ri etamanic chuchi' quebel wi ulok.

Ri Isaiy 11:2

Ri ruxlabal ri Ajawaxel cäjeki' na amak'el puwi', cuya' c'u na u no'j, c'oxomanic, utzalaj chomanic, chuk'ab, etamanic xukuje' u ya'ic u k'ij ri Ajawaxel.

Efesios 1:17

Quintz'onoj che ri u Dios ri Kajaw Jesucrist, ri juluwemalaj Tataxel Dios, chi chuya' ri no'j aj uxlabal chiwe che u ch'obic ri cuc'utunisaj xukuje' che ri utzalaj retamaxic u wäch.

U Camulixic ri Pixab 34:9

Ri Josue (u c'ojol ri Nun), xuc'am ri u no'j pa u k'ab ri Moises, ri Moises xuya' can ri u k'ab puwi' ri Josue; jeri' ri aj israelib xeniman che, je xquibano jas ri takanic ri u yo'm ri Ajawaxel che ri Moises.

Santiago 1:17

Ronojel utzalaj sipanic, ronojel tz'akatalaj sipanic chicaj cäpe wi. Cäkaj ulok ruc' ri Dios ri xebuban ri sakil chicaj. Ri are' man cäq'uextaj taj. Ruc' ri are' man c'o ta u nanoch' ri q'uextajic.