Elem 27:21 - Quiché Bible

²¹ Ri Aaron e rachilam ri e u c'ojol e are' quesuc'uman ri yabal k'ak' rech quenicow jun ak'ab chuwäch ri Ajawaxel chupam ri Lic'om Rachoch Dios re rikoj ib, chrij ri ch'ukubal ri c'o chunakaj ri caxa re ri c'ulwächinic. Jun pixab wa' ri cäcanaj chque ri aj israelib xukuje' chque ri e quija'lil.”

Elem 27:21 ပူးပေါင်းရင်းမြစ်များ

Chapletajic 1:5

xucoj “pa k'ij” che u bi' ri sakilal, xucoj c'u “chak'ab” che u bi' ri k'ekumalil. Jewa' ri u tz'akatisaxic ri nabe k'ij.

Chapletajic 1:8

xucoj “caj” che u bi' ri qui xo'l. Jewa' ri u tz'akatisaxic ri ucab k'ij.

Ucab Tzijobelil 13:11

E are' quechi'n che ri Ajawaxel, ak'ab xukuje' que k'ij, tabal tak tok'ob ri quechajirisaxic xukuje' c'oc' k'ol, caquicoj puwi' jun mexa ri ch'ajch'oj jas ri nak'atisabal ri caxlanwa ri tastalic, qui tzij c'u ronojel que k'ij ri k'ak' ri quenicow puwi' ri tzuc'ulibal re k'an puak. Rumal rech chi ri uj quekatz'akatisaj qui banic ri e u chomanic ri Ajawaxel ri ka Dios, are c'u ri ix i xutum canok.

Salmib 134:1

¡Jo', pataninel tak re ri Ajawaxel! ¡Iwonojel ix, chiya' u k'ij ri Ajawaxel, ix ri ix c'o pa ri rachoch ri Dios coc tak chak'ab!

Elem 12:14

Are jun k'ij wa' ri takal u nataxic iwumal, quiban jun nimalaj nimak'ij che roc'owisaxic che u ya'ic u k'ij ri Ajawaxel. Pixab wa' ri cäcanaj chiwe amak'el, ri quecoc'owisaj ri e tat nan xukuje' ri alc'ualaxelab.

Elem 16:34

Ri Aaron je xubano jas ri takanic ri xuya' ri Ajawaxel che ri Moises, ri Aaron xuya' ri t'uy chuwäch ri caxa ri c'o wi ri c'ulwächinic rech cac'ol chupam.

Elem 25:16

chaya' c'u chupam ri caxa ri pixab ri quenya' chawe.

Elem 28:43

Cucoj c'u ri Aaron xukuje' ri e u c'ojol aretak queboc pa ri k'ijilabal, o aretak quekeb chunakaj ri porobal che ri patanijic pa ri Lic'om Rachoch Dios re rikoj ib, rech man c'o ta mac cäriktaj chquij ri quecäm ta rumal. Pixab wa' ri cäcanaj che ri are' xukuje' chque ri e u rija'lil.”

Elem 29:28

Rech c'ut ri Aaron wa' xukuje' ri e u c'ojol. Jun pixab wa' re chbe k'ij sak chque ri aj israelib: we sipanic ri' are jun cuchuj ri cäquiya' ri aj israelib jacha' tabal tok'ob re utzirisan ib ruc' ri Ajawaxel.

Elem 29:42

We sipanic tak ri' ri queporox che u ya'ic nu k'ij e are' tak wa' ri cätakex qui poroxic cumal ri tataxelab xukuje' cumal ri alc'ualaxelab amak'el chnuwäch, chuchi' ri oquibal chupam ri Lic'om Rachoch Dios re rikoj ib, chila' c'ut ri quinrik wi na wib awuc' che a tzijobexic.

Elem 29:44

Quintas na ri Lic'om Rachoch Dios re rikoj ib, xukuje' ri porobal, xukuje' quitas na ri Aaron e rachil ri e u c'ojol e jacha' che e cojol tabal tok'ob ri e wech.

Elem 30:21

Rech man quecäm taj, rajawaxic cäquich'aj ri qui k'ab xukuje' ri cakan. Jun pixab wa' ri man cäq'uextaj taj re chbe k'ij sak che ri Aaron, xukuje' chque ri e rija'lil.”

Elem 30:36

Sibalaj coc' u que'xic niq'uiaj chabana', chaya' chuwäch ri caxa re ri c'ulwächinic, chupam ri Lic'om Rachoch Dios re rikoj ib o ri xinrik wi na wib awuc'. We c'oc' k'ol ri' are wa' ri sibalaj tastal na,

Elem 30:8

xukuje' aretak quebe tzij ri yabal k'ak' benak tak k'ij, cuporoj ri c'oc' k'ol. Nak'atisabal wa' ri cätakex u banic chuwäch ri Ajawaxel amak'el.

Elem 40:3

Chacojo' ri caxa ri c'o wi ri c'ulwächinic chupam, cach'uk c'u ruc' ri ch'ukubal.

Aj Levitib 10:9

“Aretak ri at o ri e a c'ojol quixoc pa ri Lic'om Rachoch Dios re rikoj ib, mitij u wa'l uva, mawi uq'uia' ri quek'abarisanic, rech man quixcäm taj; jun pixab wa' ri cacanaj can chque ri tataxelab xukuje' chque ri c'ojolaxelab

Aj Levitib 16:34

Jun pixab wa' ri cäcanaj chiwe jumul pa ri jun junab quiban we nak'atisabal ri' che u rikic ri cuyubal quech ri mac ri qui banom ri aj israelib.” Je c'u xuban ri Moises jacha' ri takanic ri xya' che rumal ri Ajawaxel.

Aj Levitib 17:7

Mawi c'u jumul chquiya' ta chic tabal tak tok'ob chquiwäch tak ri itzelab, ri e qui k'ijila'm, ri qui mac quech e etzelatajinak. Jun pixab wa' ri cacanaj can chiwe, ri coc'ow cuc' ri tataxelab cak'ax c'u cuc' ri alc'ualaxelab.

Aj Levitib 23:14

C'ä pa ri k'ij aretak ri qui c'am na bic ri i sipanic che ri Ajawaxel, mitij ta na caxlanwa mawi q'uilim trico o iq'uel. Jun pixab wa' ri coc'ow cuc' ri tataxelab cäk'ax c'u cuc' ri c'ojolaxelab apawije' ta ne ri quixjeki' wi.

Aj Levitib 23:21

Quiban jun tastalicalaj mulin ib che roc'owisaxic we k'ij ri', man c'o ta jun chac re patanijic quibano. Jun pixab wa' ri caquitz'akatisaj ri tataxelab xukuje' ri c'ojolaxelab apawije' ta ne ri quixjeki' wi.

Aj Levitib 24:2

“Chaya' takanic chque ri aj israelib chi cäquic'am ulok utzalaj aseit re aseitun ri cha'om u wäch, rech man cächup ta ri chäj.

Aj Levitib 24:3

Ri Aaron are quekle'n ri qui suc'umaxic, rech quenicow ronojel ri jun ak'ab chuwäch ri Ajawaxel chupam ri Lic'om Rachoch Dios re rikoj ib, chrij ri ch'ukubal ri c'o chuxcut ri caxa' re ri c'ulwächinic. Are jun pixab wa' ri cajeki'c ri caquiban ri tataxelab xukuje' alc'ualaxelab.

Aj Levitib 24:9

Are wa' ri ya'tal che ri Aaron amak'el xukuje' chque ri e rija'lil, ri rajawaxic caquitij chupam jun c'olbal, ri tastalic, sibalaj c'u e tastalic e qui tz'akatil ri sipanic ri quenicowisax che u ya'ic u k'ij ri Ajawaxel, pixab wa' ri cajeki'c canok.”

Aj Levitib 3:17

Pixab wa' ri kas xa jumul cäjeki'c canok quebel cuc' ri tataxelab cäk'ax cuc' ri alc'ualaxelab, apawije' ta ne ri ix jekel wi: c'o jubik' xepo mitijo mawi quic'.”

Aj Levitib 3:8

Cuya' ri u k'ab puwi' ri u jolom, cutok' c'u ri u kul chuwäch ri Lic'om Rachoch Dios re rikoj ib. E are' tak c'ut ri e cojol tabal tok'ob caquichicoj na ri u quiq'uel ri awaj puwi' xukuje' pa tak u xcut ri porobal.

Aj Levitib 6:15

Jun chque cuc'am jumuk' che ri c'äj re ri sipanic xukuje' ri re ri raseitil, junam ruc' ronojel ri c'oc'alaj k'ol ri c'o puwi' ri sipanic, cuporoj puwi' ri porobal che sipanic re natabal ri cäc'oc'atic ri cäkaj chuwäch ri Ajawaxel.

Aj Levitib 7:36

ri Ajawaxel xtakanic chi ri aj israelib caquiya' chque, kas pa ri k'ij aretak xebutaso, pixab wa' ri caquitz'akatisaj ri ri tataxelab xukuje' ri e qui c'ojol.

Ri Malaquiy 2:7

Are wa' ri takal u banic cumal ri e cojol tabal tak tok'ob ri quitijoxic ri winak rech caquetamaj nu wäch, conojel c'ut rajawaxic quebetzucun chque che u c'amic tijonic, e are' tak c'ut ri e u tako'n ri Ajawaxel ri c'o ronojel u cuinem.

Ajilanic 18:23

Ri aj levitib xak xuwi ri e are' ri quepatanij na chupam ri Lic'om Rachoch Dios re rikoj ib, e are' c'u quekajaben na ri etzelal ri chequibana'. Are jun pixab wa' ri cajeki' na canok. Ri caquiban ri tataxelab xukuje' ri c'ojolaxelab. Ri aj levitib man cac'oji' ta kas culew pa Israel.

Ajilanic 18:5

ix ri' ri ix ajekomal che ri u patanixic ri k'ijilabal xukuje' ri porobal. Jeri' man cäpe ta chi na woyowal cuc' ri aj israelib.

Ajilanic 19:21

Are jun pixab wa' ri man cayubquen taj. Jachin ri cuchicoj jun chic ruc' ri ja' re ch'ajch'ojirisanic, rajawaxic cuch'aj ri ratz'iak. Ri cächapow ri ja' re ri ch'ajch'ojirisanic, cacanoj can tz'il c'ä benak k'ij.

Ajilanic 35:29

We e chomanic tak ri' e jun pixab wa' chiwe ri quek'ax cuc' ri tataxelab quebopan c'u cuc' ri c'ojolaxelab, apawije' ta ne ri quixjeki' wi.”

Ajilanic 8:9

At caban na chi ri aj levitib quenakajin che ri Lic'om Rachoch Dios re rikoj ib conojel c'ut ri aj israelib chquimulij quib.

Ri Matey 4:16

Tinimit ri cäbin pa ri k'ekumalil, xril jun nimalaj chäj, jun chäj ri cajuluwic chque ri e jekel chupam ri u mu'jal ri cämical.”

Ri Lucax 12:35

“Chisuc'umaj iwib, iwatz'iakim iwib chinicowisaj ri i chäj.

Ri Xuan 5:35

Ri Xuan are' jun chäj ri xnicowic, xukuje' xjuluwic. Ri ix c'ut xiwaj xixquicot quieb oxib k'ij pa ri u sakil.

2 Corintios 4:6

Ri Dios, ri xubij: “Chtunun ri sakil pa ri k'eku'm”, are ri' ri xtunun pa ri kanima', rech cäketamaj ri u juluwem ri Dios ri cäjuluw che ri u palaj ri Jesucrist.

2 Pedro 1:19

Xukuje' c'o can ri qui tzij ri k'axal tak tzij kuc', ri sibalaj co tiquitoj, man cäq'uextaj taj. Are c'u utz we kas quitatabej ri tzij, ri je jas jun chäj ri cäjuluw pa jun k'ekumalaj c'olbal, c'ä aretak cäsakaric, c'ä quil na ulok ri ch'imil re u sakaric pa ri iwanima'.

Apocalipsis 2:1

“Chatz'ibaj che ri u tako'n ri comon cojonelab pa Epes: ‘Ri e c'o ri wukub ch'imil pa u k'ab re u wiquiak'ab, ri cäbin pa qui niq'uiajil ri wukub tzuc'ulibal re k'an puak, je cubij wa':

Nabe Samuel 3:3

Ri Samuel k'oyol pa ri rachoch ri Ajawaxel, ri c'o wi ri u caxa ri Dios. Ri yabal k'ak' ri c'o chupam ri k'ijilabal u takem nicowem.

Nabe Samuel 30:25

(C'ä pa tak can ri k'ij ri', c'a camic. Je takem u banic pa Israel.)