Elem 24:6 - Quiché Bible

⁶ Ri Moises xuc'am pa niq'uiaj che ri quic', xuya' pa jujun nimak tak lak ri niq'uiaj chic xuchicoj puwi' ri porobal.

Elem 24:6 ပူးပေါင်းရင်းမြစ်များ

Ucab Ajawinelab 17:15

man nim ta xequil tak wi ri e u pixab, xukuje' ri c'ulwächinic ri xuban cuc' ri e qui mam, xukuje' tak ri takanic ri e u yo'm tak chque. Xeteri c'u chquij tak diosib ri man c'o ta jubik' qui cuinem, ri cumal c'u wa' xequitzak ri qui cuinem, are c'u xquiban quech jas ri xquiban tak ri winak ri e c'o che qui c'ulja, ri u bim ri Ajawaxel chque chi man cäquiban taj.

Salmib 99:6

Ri Moises xukuje' ri Aaron e c'o chquixo'l ri e cojol tak tabal tok'ob; ri Samuel c'o chquixo'l ri cäquiya' u k'ij ri u bi'. Ri Ajawaxel cutzelej u wäch qui tzij aretak caquitz'onoj ri u to'banic.

Elem 12:22

Chiya' ri quic' pa jun tzima; chic'ama' c'u joyataj u k'ab k'ayes mesbal quirub pa ri quic', chibila' che ronojel ri apal rech ri uchi'ja ri ix c'o wi. Man c'o ta jun chiwe quel ta bic chupam ri rachoch c'ä cäsakar na.

Elem 12:7

Cäquic'amaxtaj c'ut ri u quiq'uel ri awaj, cäquibil chque tak ri apal re ri uchi'ja ri cäquitij wi ri awaj.

Elem 24:8

Xuc'am ri Moises ri quic' xuchicoj paquiwi' ri winak, xubij: “Are quic' wa' ri cajiquiban ri c'ulwächinic ri u banom ri Ajawaxel iwuc', puwi' ri qui tac'alibal conojel tak we tzij ri'.”

Elem 29:16

Chatok'o ri u kul, chachicoj ri u quiq'uel puwi' xukuje' pa tak u xcut ri porobal;

Elem 29:20

Chatok'o ri u kul ri ama' chij, chac'ama' jubik' che ri u quiq'uel chabila' chuxe' u xiquin ri Aaron, xukuje' chuxe' qui xiquin ri e u c'ojol re ri quiquiak'ab, puwi' ri nim u wi' qui k'ab re ri quiquiak'ab xukuje' puwi' ri nim u wi' cakan re ri qui wiquiak'ab. Are c'u ri quic' ri cäto'tajic chachicoj puwi' ri porobal xukuje' pa tak u xcut ri porobal.

Ri Jeremiy 31:32

We c'ulwächinic ri' man je taj jacha' ri xinban cuc' ri e qui mam, aretak xeben yukej che ri qui k'ab che quesaxic ulok pa Ejipt; rumal chi man xquitz'akatisaj taj u banic ri nu c'ulwächinic e wech c'u ne. In, ri Ajawaxel, quinjiquiba' u bixic.

Aj Levitib 1:11

Rajawaxic cutok' u kul chuwäch ri Ajawaxel pa u xcut ri porobal ri cäca'y pa u mox elebal k'ij; are c'u ri e cojol tabal tok'ob ri e u c'ojol ri Aaron cäquichicoj ri u quiq'uel puwi' xukuje' pa tak uxcut ri porobal.

Aj Levitib 1:5

Cutok' c'u u kul ri ama' wacax chuwäch ri Ajawaxel; are c'u ri e cojol tabal tok'ob ri e u c'ojol ri Aaron, cäquichi'j ri quic', cäquichicoj puwi' xukuje' pa tak u xcut ri porobal ri c'o chuchi' ri Lic'om Rachoch Dios re rikoj ib.

Aj Levitib 3:2

Ri cäjachow ri sipanic quebuya' ri u k'ab puwi' ri u jolom ri awaj, cutok' c'u ri u kul chuchi' ri oquibal chupam ri Lic'om Rachoch Dios re rikoj ib. Ri e cojol tabal tok'ob, e are' quechicon ri quic' puwi' xukuje' pa tak u xcut ri porobal.

Aj Levitib 3:8

Cuya' ri u k'ab puwi' ri u jolom, cutok' c'u ri u kul chuwäch ri Lic'om Rachoch Dios re rikoj ib. E are' tak c'ut ri e cojol tabal tok'ob caquichicoj na ri u quiq'uel ri awaj puwi' xukuje' pa tak u xcut ri porobal.

Aj Levitib 4:6

chila' curub wi ri u wi' u k'ab chupam ri quic' wukub mul c'ut cuchicoj chuwäch ri Ajawaxel chusuq'uil ri ch'ukubal u pam ri k'ijilabal.

1 Corintios 11:25

Xukuje', aretak xbantaj ri wa'im, xuc'am ri kumubal, je xubij wa': “We kumubal ri', are' c'ac' c'ulwächinic wa' rumal ri nu quiq'uel. Joropa' mul ri quixuq'uianic, chibana' wa' che natabal we.”

Colosenses 1:20

rumal c'ut ri Crist are' xraj chi cac'oji' jamaril chuxo'l cuc' conojel ri jastak, ruc' ronojel e aj uwächulew o we aj caj. Xuban c'u ri jamaril rumal ri u quiq'uel ri Crist ri xtix cho ri ripibal.

Hebreos 12:24

Ix opaninak chunakaj ri Jesus, ri ch'awenel re ri c'ac' u c'ulwächinic, xukuje' chunakaj ri u quiq'uel ri xchiquichaxic, ri c'o na ri cubij chuwäch ri u quiq'uel ri Abel.

Hebreos 8:9

We c'ulwächinic' man je taj jas ri xinban cuc' ri e qui mam pa ri k'ij aretak xebenc'am che ri qui k'ab che quesaxic ulok pa Ejipt; rumal c'u rech chi ri e are' man xquitz'akatisaj taj ri nu c'ulwächinic, ri in xebenya' canok,’ cächa' ri Ajawaxel.

Hebreos 9:18

Rumal ri' ri nabe c'ulwächinic xukuje' xjekebax ruc' quic'.

Hebreos 9:19

Ri Moises, xebutzijoj conojel ri takanic re ri pixab chque conojel ri winak, xuc'am ri qui quiq'uel ri alaj tak ama'ib wacax xukuje' ri ama'ib tak q'uisic', xarachilaj ja', quiäk rismal chij ruc' u k'ab juwi' mesbal re hisop, xuchiquicha' ri u wujil ri pixab xukuje' conojel ri winak.

Hebreos 9:21

Junam xukuje' cuchiquicha' ri quic' puwi' ri Lic'om Rachoch Dios xukuje' paquiwi' conojel ri chacubal ri cäcoj che k'ijilanic che ri Dios.

1 Pedro 1:19

xane' ri u quiq'uel ri Crist ri pakal rajil, are xixcolowic, jas ri u quiq'uel jun alaj chij, jun utzalaj chij ri man c'o ta u yab xukuje' man tz'ajtajinak taj, yo'm che tabal tok'ob cho ri Dios.

1 Pedro 1:2

ri e cha'tal jas ri xuchomaj ulok ojer ri Dios Tataxel. Ri are' u banom tastalic tak winak chiwe rumal ri Uxlabaxel, rech quixniman che xukuje' quixchiquichax ruc' ri u quiq'uel ri Crist: are ta ri Dios sibalaj cuban tok'ob chiwe xukuje' sibalaj cuya' jamaril chixo'l.