Elem 24:3 - Quiché Bible

³ Xbe c'u ri Moises xubij che ri tinimit conojel ri tzij ri xubij ri Ajawaxel, xukuje' ri u takom u banic conojel c'ut xa pa jun ch'abal xquitzelebej u bixic: “Quebekanimaj na conojel ri tzij ri u bim ri Ajawaxel chke.”

Elem 24:3 ပူးပေါင်းရင်းမြစ်များ

Ucab Tzijobelil 15:14

Xiquiban na ri chi'nic ri kas cäban na chuwäch ri Ajawaxel ruc' cowilaj rakoj chi'aj xukuje' cuc' rakoj tak chi'aj re quicotemal cuc' c'u cok'ebal tak trompet xukuje' tak cuc'a' chij.

Ucab Tzijobelil 15:15

Ronojel ri Juda sibalaj xquicot rumal ri chi'nic ri kas cäban na ri chokinak wi, ri qui banom ruc' c'u ronojel canima' ri chi'nic ri kas cäban na xecha', xukuje' ruc' ronojel ri qui rayibal qui tzucum ri Ajawaxel, u c'utum c'u rib ri are' chquiwäch u yo'm c'ut ri jamaril chque cuc' conojel tak ri qui c'ulja.

Salmib 50:5

“Chebimulij ri e jic wuc', ri qui banom jun c'ulwächinic wuc' che u chi'xic jun tabal tok'ob chwe.”

Elem 19:8

E are' c'u ri aj israelib xak junam xquitzelej u bixic: “Ronojel ri u bim ri Ajawaxel, cäkabano.” Ri Moises xuc'am c'u bic che ri Ajawaxel ri xutzelej u bixic ri tinimit,

Elem 24:2

Xuwi ri at ya'tal chawe chi catnakajin chwe; ri niq'uiaj chic menakajin chwe, mawi mepaki ulok ri winak awuc'.”

Elem 24:7

Xuc'am ri u wujil ri pixab, xusiq'uij chquiwäch ri winak, “xquibij c'u ri winak: Cäkaban na ronojel ri u takanic ri Ajawaxel.”

Ri Jeremiy 11:4

Are ri c'ulwächinic ri xinban cuc' ri e qui mam aretak xebenwesaj ulok pa Ejipt, ulew ri je ta ne jun jorno re porobal ch'ich' chque. Xinbij chque: chixniman chwe, chibana' ronojel ri quixintak wi are c'u ri ix quixux c'u na nu tinimit are c'u ri in quinux na i Dios.

Ri Jeremiy 34:13

“In, ri Ajawaxel, ri u Dios ri Israel, xinban jun c'ulwächinic cuc' ri e i mam aretak xebenwesaj ulok pa Ejipt, ri xepatanij wi jacha' lok'om pataninelab. Xinya' takanic chque

Ri Hajey 2:5

Je jacha' ri xinchi'j che aretak xel ulok pa Ejipt, ri wuxlabal are quixachilanic. Mixe'j iwib.

Ri Malaquiy 2:10

¿La ma ta xa' jun ka Tat, ri are' ri Dios ri konojel uj u winakirisam? ¿Jas ta c'u che, cakasubula' tak kib, xeboc'ow c'ut puwi' ri c'ulwächinic ri xuban ri Dios cuc' ri e ka mam?

U Camulixic ri Pixab 11:1

“Ix chilok'ok'ej ri Ajawaxel ri i Dios, chebinimaj ri u pixab ri e yo'm, ri pixab ri e banom, ri pixab ri e tz'ibam, xukuje' tak ri takomal.

U Camulixic ri Pixab 4:1

“Camic c'ut aj israelib, chitatabej ri pixab, ri takanic, ri e nu c'utum chic chiwäch, chebinimaj rech quixc'asi'c quixoc c'u che rechbexic ri ulew ri cuya' ri Ajawaxel chiwe ri qui Dios ri e i mam.

U Camulixic ri Pixab 4:45

xukuje' tak ri takanic, pixab ri e tz'ibatal tak ri xuya' u bixic chque aretak e elinak chi ulok pa Ejipt,

U Camulixic ri Pixab 4:5

Ix ix nu tijom che ri pixab xukuje' tak che ri pixab ri e tz'ibatalic ri xuya' wi takanic ri Ajawaxel ri nu Dios chiwe chi quebibana' pa ri ulew ri quebilatz'obej.

U Camulixic ri Pixab 5:1

Ri Moises xumulij ronojel ri tinimit Israel xubij c'u chque: “Chitatabej aj israelib, ri pixab xukuje' tak ri tz'ibatalic ri quebenya' qui bixic chiwe camic. Utz quetamaxic chebibana', chebitakej c'u qui banic.

U Camulixic ri Pixab 5:31

are c'u ri at chatcanaj can wuc' waral, quinbij c'u na chawe conojel tak ri takomal, ri pixab tak ri colomibal tak ri quebatzijoj na chque, rech queboc che u banic pa ri ulew ri quinya' na chque che quechbal.’

U Camulixic ri Pixab 6:1

“E are tak takomal wa', pixab xukuje' tak ri pixab ri e tz'ibatalic, ri in u takom ri Ajawaxel ri i Dios chi quixintijoj che, rech quichaplej qui banic pa ri ulew ri quixoc che rechbexic.

Ri Josue 24:21

Ri tinimit xutzelej u bixic che: “Man je ta quec'ulmataj wa'. Ri uj cakapatanij na ri Ajawaxel.”

Ri Josue 24:22

Xubij c'ut ri Josue chque: “Ix ri kas quixyo'w k'alajisanic chiwij chi i cha'om u patanix ri Ajawaxel.” “Uj” xecha' we winak ri'.

Ri Josue 24:24

Ri tinimit xutzelej u bixic: “Ri uj cakapatanij na ri Ajawaxel ri ka Dios, cakaban c'u na ri cubij na chke.”