Elem 24:18 - Quiché Bible

¹⁸ Ri Moises xoc pa ri sutz' xpaki' puwi' ri juyub, xbeytaj c'u cawinak (40) k'ij cawinak (40) chak'ab chila'.

Elem 24:18 ပူးပေါင်းရင်းမြစ်များ

Nabe Ajawinelab 19:11

Ri Ajawaxel xubij c'u che: “Chatel ulok chisak, chatac'aba' c'u awib chnuwäch, puwi' ri juyub.” Coc'ow ri Ajawaxel, jun cowilaj quiakik' c'ut ri sibalaj c'o u chuk'ab xujak'ij ri c'ache'laj, xebupaxij ri nimak tak abaj chuwäch ri Ajawaxel; ri Ajawaxel man c'o ta chupam ri quiakik'. Chrij c'ut ri quiakik' xpe chi jun nimalaj cabrakan; ri Ajawaxel mawi c'o chupam ri nimalaj cabrakan.

Nabe Ajawinelab 19:8

Xwalij ri Eliy, xwa'ic xukuje' xuq'uianic. Ri wa ja' ri xutijo are' xyo'w u chuk'ab che u banic ri cawinak k'ij xukuje' cawinak ak'ab binem ri xubano c'ä xopan na pa Horeb, ri u juyub ri Dios.

Elem 19:20

Xkaj c'u ulok ri Ajawaxel puwi' ri juyub Sinai, puwi' ri c'olbal ri sibalaj naj elinak chicaj, xubij c'u che ri Moises chi cäpaki' ruc' pa ri c'olbal ri'. Xpaki' ri Moises,

Elem 24:17

Ri u juluwem ri Ajawaxel xc'utun chquiwäch ri aj israelib jacha' jun k'ak' ri bik'onel, puwi' ri juyub ri naj elinak chicaj.

Elem 25:1

Ri Ajawaxel xtzijon ruc' ri Moises, xubij che:

Elem 32:1

Xquil c'u ri aj israelib chi, xbeytaj ri Moises che ri u kajic ulok puwi' ri juyub, xquimulij quib chrij ri Aaron, xquibij che: “Chatwalijok, chebabana' ka diosib ri cäc'amow ka be, ri Moises ri xujesan ulok pa Ejipt, man keta'm taj jas ri xuc'ulmaj.”

Elem 34:28

Ri Moises xcanaj can cawinak (40) k'ij, cawinak (40) ak'ab ruc' ri Ajawaxel, man xwa' taj mawi xuq'uianic. Xebutz'ibaj c'u ri tzij re ri pixab chquiwäch tz'alam tak abaj, are wa' ri e lajuj takomal.

Elem 9:29

Ri Moises xubij che ri ajawinel: “Xak xuwi quinel bic pa ri tinimit, quebenyac' ri nu k'ab chicaj, quintz'onoj tok'ob che ri Ajawaxel. Cätani' c'u ri cakulja, man cäkaj ta chic ri sakbach, rech quetamaj la chi ri Ajawaxel are ajchak'e ri uwächulew.

Elem 9:33

Xel c'u ulok ri Moises chuwäch ri ajawinel, aretak xopan tza'm ja, xebuyac' ri u k'ab chicaj xutz'onoj tok'ob che ri Ajawaxel. Chanim c'ut xtani' ri jäb xukuje' ri sakbach, mawi xetataj chic ri cakulja.

E C'ambal tak Tzij 28:1

Ri banal etzelal canimajic pune' man c'o jachin tereninak, e are' tak c'ut ri e suc' quejeki' ruc' cu'bisan c'uxaj jacha' ri coj.

Ri Matey 4:2

Cawinak (40) k'ij cawinak ak'ab ri Jesus man xwa' taj, xpe c'u u numic.

Marcos 1:13

Xc'oji' cawinak k'ij pa ri chaki'j uwo sak, xtakchi'x che mac rumal ri Satanas. Xc'oji' cuc' ri juyubal tak awaj. Cäpatanix c'u cumal ri tako'nixelab aj caj.

Ri Lucax 4:2

Cawinak k'ij xc'oji' chila', xtakchi'x c'u che mac rumal ri itzel. Man xwitaj pa tak ri k'ij ri'. Xpe c'ut u numic.

U Camulixic ri Pixab 10:10

“Cawinak (40) k'ij cawinak (40) ak'ab xinc'oji' puwi' ri juyub, je jas ri xinban nabe mul, xukuje' c'u che we jumul chic ri' ri Ajawaxel xinutatabej, man xraj ta c'ut xusachisaj ta i wäch, xuk'il c'u rib che i cämisaxic,

U Camulixic ri Pixab 5:31

are c'u ri at chatcanaj can wuc' waral, quinbij c'u na chawe conojel tak ri takomal, ri pixab tak ri colomibal tak ri quebatzijoj na chque, rech queboc che u banic pa ri ulew ri quinya' na chque che quechbal.’

U Camulixic ri Pixab 9:18

Xenmeja' c'u wib chuwäch ri Ajawaxel jacha' ri xinban nabe; cawinak k'ij cawinak ak'ab man c'o ta wa xintijo mawi c'o xinwuq'uiaj, u mac rech ri mac ri xibano, ri xiyacbej royowal ri Ajawaxel, xinicowisaj c'ut ri royowal.

U Camulixic ri Pixab 9:25

Aretak ri Ajawaxel xubij chi cusach i wäch, cawinak k'ij, cawinak ak'ab xinxuqui' chuwäch ri Ajawaxel,

U Camulixic ri Pixab 9:9

Ri in xinpaki' puwi' ri juyub che qui c'amic ulok ri tz'alam tak abaj, ri tz'ibatal wi ri lajuj pixab, xinbeytaj c'u cawinak k'ij, cawinak ak'ab chila', man c'o ta wa xintijo mawi c'o xinwuq'uiaj.