Elem 24:16 - Quiché Bible

¹⁶ Xkaj ri u juluwem ri Dios puwi' ri juyub Sinai, wakib k'ij xch'ukutaj rumal ri sutz'. Chuwuk k'ij c'ut, ri Ajawaxel xusiq'uij ulok ri Moises pa ri sutz'.

Elem 24:16 ပူးပေါင်းရင်းမြစ်များ

Salmib 99:7

Ri Dios xtzijon cuc' chupam ri jutac'aj sutz', ri e are' xquibano jas ri xetak wi rumal xukuje' xquinimaj ri pixab ri xuya' chque.

Elem 16:10

Aretak cätajin cätzijon ri Aaron cuc' ri aj israelib, conojel xeca'y apan pa ri chaki'j uwo sak, xc'utun c'u ri u juluwem ri Ajawaxel chquiwäch pa jun sutz'.

Elem 19:11

chquisuc'umaj c'u apan quib che ri cäbij, cäbij c'ut quinkaj ulok, in ri Ajawaxel, puwi' ri juyub Sinai chquiwäch conojel ri aj israelib.

Elem 19:9

xubij c'u ri Ajawaxel che ri Moises: “Quinpe na che a tzijobexic pa jun tzatzalaj sutz'; rech cäquitatabej ri aj israelib aretak cätajin quintzijon awuc', jeri' cäquinimaj amak'el ri cabij chque.” Ri Moises xucamulij u bixic che ri Ajawaxel ri xutzelej u bixic ri tinimit,

Elem 20:10

are c'u ri uwuk k'ij re uxlanem ri tasom che ri Ajawaxel ri a Dios. C'o jun chac maban chupam we k'ij ri', mawi ri a c'ojol mawi ri a mia'l, mawi ri a pataninel lok'om, achi o ixok, mawi tak ri e awawaj, mawi ri man a winakil taj ri jekel chupam ri a wachoch.

Elem 24:17

Ri u juluwem ri Ajawaxel xc'utun chquiwäch ri aj israelib jacha' jun k'ak' ri bik'onel, puwi' ri juyub ri naj elinak chicaj.

Ri Isaiy 4:5

Puwi' ronojel ri juyub Sion xukuje' paquiwi' conojel ri winak ri qui mulin quib chila', ri Ajawaxel cuq'uiyisaj na jun k'ekalaj sutz' pa k'ij, are c'u ri chak'ab jun juluwem xukuje' jun k'ak' ri canicowic. Paquiwi' conojel cac'oji' wi na ri u juluwem ri Ajawaxel,

Ri Ezequiel 1:28

Ri cajunamataj ruc' ri räxquiak'ab aretak cäc'utun pa tak ri sutz' aretak c'o musmul jäb. Jewa' xuban ri u c'utic rib ri u juluwem ri Ajawaxel chnuwäch. Aretak xinwilo, xinmej wib chuwäch, c'ä xinya' na ri nu palaj cho ri ulew.

Aj Levitib 9:23

Xoc c'u ri Moises rachil ri Aaron chupam ri Lic'om Rachoch Dios re rikoj ib, aretak c'u xebel ulok xequitewichi'j ri aj israelib xuc'ut c'u rib ri Ajawaxel ruc' nimalaj juluwem chquiwäch conojel ri tinimit.

Aj Levitib 9:6

Xubij c'u ri Moises chque: “Are wa' ri takanic ri xuya' ri Ajawaxel. Chibana', cuc'ut c'u na rib ri Ajawaxel chiwäch ruc' nimalaj juluwem.”

Ajilanic 14:10

Pune' c'u xquitatabej wa', ri winak are ta xcaj xequiban ta che abaj. Are c'ut ri u juluwem ri Ajawaxel xuc'ut rib chupam ri Lic'om Rachoch Dios re rikoj ib, chquiwäch ri aj israelib,

Ajilanic 16:42

Conojel c'ut caquimululej quib chrij ri Moises xukuje' ri Aaron; e are c'ut ri e are' xquiya' ri qui wäch che ri Lic'om Rachoch Dios re rikoj ib. Pa ri jok'otaj ri' ri sutz' xuch'uku xuc'ut c'u rib ri u juluwem ri Ajawaxel.

2 Corintios 4:6

Ri Dios, ri xubij: “Chtunun ri sakil pa ri k'eku'm”, are ri' ri xtunun pa ri kanima', rech cäketamaj ri u juluwem ri Dios ri cäjuluw che ri u palaj ri Jesucrist.

Apocalipsis 1:10

Xc'ulmataj c'ut chi pa ri k'ij re ri Ajawaxel, in c'o pa ri Uxlabaxel. Xinta' c'u jun nimalaj ch'abal chwij je ta ne ri rok'ebal jun trompet,