Elem 24:13 - Quiché Bible

¹³ Xwalij c'u ri Moises xpaki' puwi' ri u juyub ri Dios, rachilam ri Josue ri to'l rech.

Elem 24:13 ပူးပေါင်းရင်းမြစ်များ

Elem 18:5

Kajinak c'u ri Moises pa ri chaki'j uwo sak chunakaj ri u juyub ri Dios, chila' c'u xopan wi ri Jetro rachil ri Sepor rixokil ri Moises xukuje' ri quieb u c'ojol.

Elem 19:3

Xpaki' c'u ri Moises puwi' ri juyub ri xsiq'uix wi ulok rumal ri Dios xubij c'u che ri Moises: “Jewa' chabij chque ri e rija'lil ri Jacob chque ri aj israelib:

Elem 3:1

Ri Moises cätajin quebuyuk'uj ri u chij ri Jetro ri u ji', ri xukuje' cäbix Reuel che, ri cojol tabal tok'ob re Madian, xurika' c'u jun k'ij xebuc'am bic ri chij pa ri chaki'j uwo sak, xopan c'ä pa ri juyub Horeb ri cäbix u juyub ri Dios che.

Elem 32:17

Ri Josue aretak xuta' ri qui rakoj chi'aj ri winak, xubij che ri Moises: “Rakoj tak chi'aj re ch'o'j cätataj chquixo'l ri aj israelib.”

Elem 33:11

Ri Dios cätzijon ruc' ri Moises chwinakil, jacha' ri cuban apachique winak ri cätzijon ruc' ri rachil cätzelej c'u ri Moises pa ri c'olbal ri e c'o wi ri aj israelib. Are c'u ri Josue ri u c'ojol ri Nun, ri c'o che to'l rech ri Moises, mawi jubik' quel pa ri Lic'om.

Elem 4:27

U bim chi c'u ri Ajawaxel che ri Aaron: “Jät pa ri chaki'j uwo sak che u c'ulaxic ri Moises.” Xbe c'u ri Aaron che u c'ulaxic ri Moises pa ri juyub ri cäbix u juyub ri Dios che. Chila' xuya' wi rutzil u wäch xutz'umaj ri u palaj.

Ajilanic 11:28

Are' c'u ri Josue (u c'ojol ri Nun) ri pa ri u c'ojolal are' to'l rech ri Moises, xubij: “¡Wajaw, Moises, chek'ila' la maquitakej u banic!”

Ri Josue 1:1

Aretak c'u cäminak chic ri Moises, ri pataninel rech ri Ajawaxel, xtzijon ri Ajawaxel ruc' ri Josue, u c'ojol ri Nun ri xtoban ruc' ri Moises, xubij c'u che: