Elem 24:10 - Quiché Bible

¹⁰ Chila' c'ut xquil wi ri u Dios ri Israel: ri tac'al wi je ta ne ri abaj zapir, ri sibalaj cäjuluwic junam u ca'yebal ruc' ri caj aretak man c'o ta sutz' c'o chuwäch.

Elem 24:10 ပူးပေါင်းရင်းမြစ်များ

Chapletajic 32:30

Ri Jacob xucoj Penuel che u bi' ri c'olbal ri', xubij: “Wilom ri u palaj ri Dios, man c'u in cäminak taj.”

Chapletajic 32:31

Ri Jacob cätajin quel bic pa Penuel aretak xel ulok ri k'ij, rumal c'u rech ri cojcobic ri xuriko xak cäjech'naj chic ri cäbinic.

Nabe Ajawinelab 22:19

Xutik chi c'ut ri Micaiy: “Rumal wa' we bim la ri', chtatabej la ri cubij ri Ajawaxel: Xinwil ri Ajawaxel t'uyul puwi' ri u tem re ajawinel, xukuje' conojel ri e c'o chicaj ri e tac'atoj, chunakaj, pa ri u wiquiak'ab pa ri u mox k'ab.

Ucab Tzijobelil 6:17

Je c'u ri' Ajawaxel, u Dios ri Israel, bana' la chi chtz'akat ri xchi'j la che ri nu tat, ri pataninel ech la ri David.

Elem 24:11

Man c'u xuban ta c'ax ri Dios chque we aj israelib ri' ri nimak qui k'ij, ri xquil u wäch ri Dios, xewa'ic xukuje' xebuq'uianic.

Elem 3:6

Xutakej u bixic xubij che: “In ri' ri qui Dios ri e a mam; ri u Dios ri Abraham, ri Isaac, xukuje' ri Jacob.” Ri Moises xuch'uk ri u palaj, xuxe'j c'u rib che u ca'yexic ri Dios,

Elem 33:20

Quink'alajisaj c'u chawäch chi man catcuin taj cawil ri nu palaj, rumal rech chi man c'o ta jun winak ri cäcuin ta che rilic ri nu palaj, cutakej ta c'u c'aslem.”

Elem 33:23

Quinwesaj c'ut ri nu k'ab rech cawil ri wij, are c'u ri nu palaj man ya'tal taj chi cawilo.”

Bixonic Tak 5:14

ri e u k'ab e lak'apubal k'abaj re k'an puak ri ch'ukutal quij che ri je'lic abaj ri topas; ri u cuerp pilimalaj marpil ri u ware ri elepant ri e ch'epom tak je'lic abaj ri sapir che.

Bixonic Tak 6:10

“¿Jachin wa' ri cutac'abaxtaj rib jacha' ri k'ij re ri u sakaribal? Je'lic jacha' ri ic', cäjuluwic jacha' ri k'ij, ¡man c'o ta jun cacuin ta che u k'atixic jacha' juk'at ajch'ojab ri qui takem qui be!”

Juyuwem 4:7

Ri rachijab ri e cha'talic c'o na ri qui sakil chuwäch ri tew, c'o na ri qui sakil chuwäch ri leche; ri qui cuerp c'o na qui quiäkal chuwäch ri quiäk abaj ri coral; ri e u je'lical ri cakan qui k'ab e jacha' ri räx abaj ri sapir.

Ri Ezequiel 1:1

In, ri cojol tabal tok'ob Ezequiel, u c'ojol ri Buzi, c'o jun k'ij in c'o chuchi' ri nima' Quebar, pa Babilon, in c'o chquixo'l ri e yo'm pa jun ulew chic. Xjaktaj c'ut ri caj, xinwil c'ut ri Dios pa jun c'utwächinic. Pa ri job rajilabal ri ucaj ic' re ri junab juwinak lajuj (30), job (5) junab chi c'ut c'amom chi ulok ri ajawinel Joaquin jacha' che lok'om pataninel. Ri Ajawaxel xuya' ri u k'ab panuwi'.

Ri Ezequiel 10:1

Xinwil c'ut chi, puwi' ri wocowic ri c'o paquiwi' ri qui jolom ri aj cajalaj tak tobanelab ri e c'o qui xic', xc'utun jun jasach ri jacha' u banic jun tem re ajawibal ri je ta ne cäpe ri je'licalaj räx abaj zapir.

Ri Daniel 10:17

¿Jas ta cuban we pataninel ech la ri' cäcuinic cätzijon ta uc' la, man c'o ta chi c'u jubik' nu chuk'ab man c'o ta chi c'u ne wuxlab?

Ajilanic 12:8

ruc' c'ut ri are' quinch'aw chwinakil xukuje' pa jun ch'abal ri q'uiakalic. We c'u ri are' quinuca'yej chi winakil, ¿jasche qui chajij anima' quixyok'on che?”

Ri Matey 17:2

Xq'uextaj c'u ri u wächbal ri Jesus chquiwäch; xjuluw ri u palaj je jas ri k'ij, ri ratz'iak xebux sakloloj je jas ri sakil.

Ri Xuan 1:18

Mawi jubik' c'o ta jun ilowinak ta u wäch ri Dios; are' c'u ri xa' jun chi C'ojolaxel, ri c'o pa uxcut ri Tataxel, are' ri xk'alajisanic.

Ri Xuan 14:9

Ri Jesus xubij che: “Q'ui k'ij chic in c'o iwuc'. ¿La ma ta a ch'obom nu wäch, Pelip? Jachin ri rilom nu wäch in, rilom u wäch ri Tataxel. ¿Jas c'u che cabij at: ‘C'utu' la ri Tataxel chkawäch?’

Ri Xuan 6:46

Man c'o ta c'u jun ilowinak ri Tataxel, xane' xuwi ri elinak ulok ruc' ri Dios, are wa' ilowinak ri Tataxel.

1 Timoteo 6:16

ri xa' Jun ri man cäcäm taj, ri cäc'oji' pa ri sakil, ri man c'o ta jun cäcuinic cänakajin ruc', ri mawi ne jun winak ilowinak mawi cäcuinic cärilo. ¡Che ri are chyok wi ri nim ilic cumal conojel! ¡Ri are c'o u takanic ri man cäq'uis taj! Je chbanok.

1 Juan 4:12

Man c'o ta c'u jun ilowinak ta u wäch ri Dios. We c'u cäkalok'ok'ela' kib, jekel ba' ri' ri Dios chkaxo'l uj, c'utuninak c'ut ri lok'ok'ebal u c'u'x kuc'.

Apocalipsis 1:16

E c'o wukub ch'imil pa ri riquiak'ab. Pa u chi' quel ulok jun t'ist'icalaj ch'ich' quieb upuchi'. Ri u palaj je jas ri k'ij aretak cäjuluw ruc' chuk'ab.

Apocalipsis 21:11

C'o c'ut ri u juluwem ri Dios che. Ri u tun cajunataj ruc' ri u tun ri jun abaj jasp ri sibalaj pakal rajil.

Apocalipsis 4:3

Ri Jun t'uyul pa ri tem re ajawibal xiltaj ri u ca'yebal junam ruc' jun je'lalaj abaj re jasp o jun je'lalaj quiäk abaj cornalin, xinwil c'u jun räxquiak'ab ri cajuluwic jacha' jun je'lalaj räx abaj esmerald.