Elem 24:1 - Quiché Bible

¹ Ri Ajawaxel xubij che ri Moises: “Chatpakal ulok pa ri c'olbal ri in c'o wi, chawachilaj ulok ri Aaron, ri Nadab, ri Abiu xukuje' oxc'al lajuj (70) nimak tak tatayib re Israel, naj c'u jubik' checanaj wi canok chexucul chila'.

Elem 24:1 ပူးပေါင်းရင်းမြစ်များ

Nabe Tzijobelil 6:3

Ri e ralc'ual ri Amram e are' ri Aaron, ri Moises xukuje' ri Mariy. Ri e u c'ojol ri Aaron e are' ri Nadab, Abiu, Eleazar xukuje' ri Itamar.

Elem 1:5

Ri e ri' tak u mam ri Jacob e oxc'al lajuj (70) chi conojel. Are' c'u ri Jose c'o chic pa Ejipt.

Elem 19:20

Xkaj c'u ulok ri Ajawaxel puwi' ri juyub Sinai, puwi' ri c'olbal ri sibalaj naj elinak chicaj, xubij c'u che ri Moises chi cäpaki' ruc' pa ri c'olbal ri'. Xpaki' ri Moises,

Elem 19:24

Xubij c'u ri Ajawaxel che ri Moises: “Jät, chatkaj bic; c'äte c'u catpaki' chi ulok cawachilaj ulok ri Aaron. E are' c'ut ri e cojol tabal tok'ob xukuje' ri winak meboc'ow puwi' ri c'ulbat rech quepaki' ta ulok chnuwäch, mebencämisaj ta c'ut.”

Elem 19:9

xubij c'u ri Ajawaxel che ri Moises: “Quinpe na che a tzijobexic pa jun tzatzalaj sutz'; rech cäquitatabej ri aj israelib aretak cätajin quintzijon awuc', jeri' cäquinimaj amak'el ri cabij chque.” Ri Moises xucamulij u bixic che ri Ajawaxel ri xutzelej u bixic ri tinimit,

Elem 20:21

Ri winak naj e canajinak wi canok, chupam c'ut ri jok'otaj ri' xkeb ri Moises ruc' ri k'ekumalaj sutz' ri c'o wi ri Dios.

Elem 24:15

Xuwi xbitaj wa' rumal ri Moises xpaki' puwi' ri juyub, xmuktaj c'u ri juyub rumal jun sutz'.

Elem 24:2

Xuwi ri at ya'tal chawe chi catnakajin chwe; ri niq'uiaj chic menakajin chwe, mawi mepaki ulok ri winak awuc'.”

Elem 24:9

Xpaki' c'u ri Moises puwi' ri juyub rachilam ri Aaron, ri Nadab, ri Abiu xukuje' ri e oxc'al lajuj (70) nimak tak tatayib re Israel.

Elem 28:1

“Chasiq'uij ri Aaron ri awachalal e rachilam ri e u c'ojol ri Nadab, ri Abiu, ri Eleazar, xukuje' ri Itamar, chebawesaj ulok chquixo'l ri aj israelib, rech queboc che cojol tabal tok'ob chnuwäch.

Elem 3:5

Xubij c'u ri Dios che: “Matkebic ulok. Chebawesaj ri a xajäb, rumal rech chi tastalicalaj c'olbal ri at c'o wi.”

Elem 34:2

Chasuc'umaj awib chwek ak'ab, rech catpaki' puwi' ri juyub Sinai, quinaweyej c'u pa ri c'olbal ri naj elinak chicaj.

Elem 6:23

Ri Aaron xc'uli' ruc' ri Elisabet u mia'l ri Aminadab, rana'b ri Naason, ri Elisabet xralaj ri Nadab, ri Abiu, ri Eleazar xukuje' ri Itamar.

Ri Ezequiel 8:11

E oxc'al lajuj (70) nimak tak tatayib aj israelib, are c'u ne jun ri Jaazaniy, ri u c'ojol ri Sapan, quequiya' k'ijilanic chque tak ri e diosib. Chquijujunal c'o jun bukibal pa u k'ab, ri capaki' wi jun tzatzalaj u sibal c'oc'alaj k'ol.

Ajilanic 11:16

Are c'u ri Ajawaxel xutzelej u bixic chwe: “Chebamulij oxc'al lajuj nimak tak tatayib aj israelib, ri e aweta'm qui wäch chi c'o qui takanic chquixo'l ri winak, chebac'ama' c'u ulok chupam ri Lic'om Rachoch Dios re rikoj ib che eyem c'u chila' awuc'.

Ri Lucax 10:1

E bantajinak chi c'u we jastak ri', ri Ajawaxel xebucha' jujun chic, e oxc'al cablajuj (72). Pa cacabil xebutak bic rech quenabej bic chuwäch, pa ronojel tinimit, pa ronojel c'olbal ri cäbe wi na ri are'.

Ri Lucax 10:17

Xetzelej ulok ri oxc'al cablajuj (72) ruc' quicotemal, xquibij: “Kajaw, xukuje' ne ri itzel tak uxlabal cäquiya' quib pa takic chke pa ri bi' la.”

U Camulixic ri Pixab 1:15

Xebenwesaj c'u pa jujun tak amak' achijab ri c'o na qui no'j, xukuje' elinak chic qui no'j, xinya' c'u takanic pa qui k'ab rech quetakan piwi'; jujun xebencoj puwi' jun mil (1000) achijab, niq'uiaj chic xebencoj puwi' jun sient (100), niq'uiaj chic puwi' cawinak lajuj (50), niq'uiaj chic puwi' lajuj (10) jujun chi c'ut xinya' takanic pa qui k'ab rech quetakan paquiwi' jujun tak amak'.