Elem 23:2 - Quiché Bible

² Maban awech ri etzelal ri cäquiban ri tinimit winak. Macoj awib cuc' ri tinimit winak cho ri k'atal tzij, che u banic jun etzelal,

Elem 23:2 ပူးပေါင်းရင်းမြစ်များ

Chapletajic 19:4

Maja' c'u quek'oyic aretak conojel ri achijab aj Sodom, xquisutij rij ri rachoch ri Lot, chi alabom chi ri'jab,

Chapletajic 6:12

Conojel ri winak e uxinak nimak tak ajmaquib. Aretak xril ri Dios chi sibalaj nojinak ronojel ri uwächulew che ri etzelal,

Chapletajic 7:1

Chwi' chi c'ut ri Ajawaxel xubij che ri Noe: “Chquixo'l conojel ri winak re we k'ijol ri', xuwi ri at a banom ri nu rayibal. Rumal ri' chatoc chupam ri jucub quebawachilaj ri e awachalal.

Nabe Ajawinelab 19:10

Ri are' xutzelej u bixic: “Nu no'm nimalaj achixomanic che la, Ajawaxel, Dios ri c'o ronojel u cuinem, rumal rech chi ri aj israelib qui xutum canok ri c'ulwächinic la xukuje' e qui wulim tak ri porobal ri e ech la, ch'ich' c'ut xequicoj che qui cämisaxic tak ri e k'axal tzij la. Xuwi ri in in canajinak canok, cätajin c'u quintzucuxic che resaxic ri nu c'aslemal.”

Ri Job 31:34

rumal ta xe'n ib chquiwäch ri winak. Mawi jumul nu tz'apim ta wib xak ta c'u in canajinak pa yinelem rumal xe'n ib chi quetzelex nu wäch cumal tak ri alaxic.

Salmib 72:2

rech ruc' colomal xukuje' suq'uilal cajawin puwi' ri tinimit la xukuje' paquiwi' ri mebayib la.

E C'ambal tak Tzij 1:15

¡Matbe cuc' we winak ri', nu c'ojol! Naj chaya' wi awib chque ri itzel tak qui be,

E C'ambal tak Tzij 18:5

Man utz taj chi ri k'atal tak tzij cäquito' u wi' ri c'o u mac, man cäquiban ta c'u suc'alaj k'atan tzij puwi' ri man c'o ta u mac.

E C'ambal tak Tzij 4:14

Matbe pa ri qui be ri e banal tak etzelal. Matakej u banic awe ri itzel qui c'aslemal.

Ri Jeremiy 37:15

Wa' xquiban coyowal che ri Jeremiy, xetakanic chi ch'ayok chcoj c'u pa che' chorachoch ri Jonatan, ri tz'ibal tzijol, ri banom u pa che' che.

Ri Jeremiy 37:21

Are c'u ri ajawinel Sedequiy xuya' takanic chi chtz'apix ri Jeremiy cho ri ja ri e c'o wi ri chajinelab chi ronojel c'u k'ij chc'am ulok jun u caxlanwa re pa be ri caquiban ri banal tak wa je c'u xtakex u banic wa' c'ä xq'uis na ri caxlanwa ri c'o chupam ri tinimit. Je c'u wa' ri u canajic ri Jeremiy cho ri ja ri e c'o wi ri chajinelab.

Ri Jeremiy 38:9

“Wajaw ajawinel, itzel ri qui banom we achijab ri' che ri Jeremiy are jun nimalaj il. Qui yo'm chupam jun c'ua', cätajin c'u cäcäm che numic chila', rumal rech chi man c'o ta chic wa chupam ri tinimit.”

Ri Ezequiel 9:9

Ri Ajawaxel xutzelej u bixic chwe: “Ri u mac ri tinimit Israel xukuje' ri rech ri Juda sibalaj nim. Ri ulew nojinak che q'ui u wäch il; ri tinimit nojinak che ri man suq'uil taj. Are pa qui c'u'x chi ri in nu xutum can ri tinimit chi ma ta quinwil ri caquibano.

Aj Levitib 19:15

Maban ri man suq'uilal taj aretak caban ri a k'atan tzij: mawi mato' u wi' ri tukar, mac'ayij a wib pa u k'ab ri c'o u cuinem. Are kas chabana' ri suq'uilal aretak caban ri k'atan tzij.

Ri Hajey 1:4

¿La are ta c'u k'ijol chiwe ix quixjeki' chquipam je'licalaj tak ja ri nimak qui banic, c'ä yojyobinak c'ut ri wachoch?

Marcos 15:15

Ri Pilat are cäraj cubano jas ri qui rayibal ri winak. Xutzokopij bic ri Barabas chquiwäch. Xtakan c'u che u rapuxic ri Jesus. Xujach c'u bic chque ri winak rech caquiripo.

Hechos 24:27

E oc'owinak chi quieb junab, ri Porsiy Pest xoc can che u q'uexel ri Pelics. Are c'u ri Pelics xraj chi utz quil wi cumal ri aj judeyib. Rumal ri' xuya' can ri Pawl pa che'.

Hechos 25:9

Ri Pest are xraj chi utz quil wi cumal ri aj judeyib, xubij che ri Pawl: “¿La cawaj catbe pa Jerusalen, rech chila' cäk'at wi tzij pawi' chquij we jastak ri' chnuwäch?”

Romanos 1:32

Queta'm chi c'ut ri u takanic ri Dios, chi conojel ri quebanow we jastak ri', takal chque chi quecämic. Pune' queta'm, cäquiban ri jastak ri'. Man xuwi ta cäquibano, xane' xukuje' utz cäquilo aretak niq'uiaj winak chic cäquibano.

U Camulixic ri Pixab 1:17

aretak quik'at tzij, rajawaxic junam ri u k'atic tzij quiban paquiwi' ri winak: Chibana' ri suc'alaj k'atan tzij paquiwi' ri man nimak ta qui k'ij xukuje' paquiwi' ri nimak qui k'ij, mixe'j iwib chuwäch jachin jun, rech c'u ri Dios ri k'atoj tzij. Are c'u we c'o jun jasach ri man quixcuin ta che u k'atic tzij puwi', chic'ama' ulok chnuwäch rech quink'at tzij in puwi'.’

U Camulixic ri Pixab 16:19

Mijech'ba' ri suq'uil; jalan mebiwil wi ri winak, mic'am u pa k'abaj, ri u pa k'abaj cuban moy chque ri c'o qui no'j, xukuje' cujech'ba' ri qui tzij ri suc'alaj tak winak.

U Camulixic ri Pixab 24:17

Miban jun jasach ri man suc' ta che ri man e i winakil taj, mawi chque ri minorib, mawi mic'am ri catz'iak ri malca'nib che kajebal jalomal.

Ri Josue 24:15

We c'u man quiwaj quipatanij ri Ajawaxel, chicha' ba' camic jachin ri qui patanij: we e are' tak ri diosib ri xequipatanij tak ri e i mam chuchi' tak ri Euprats, we e are' tak ri qui diosib ri aj amoreyib ri e jekel pa we ulew ri'. Are' c'u ri in xukuje' ri e walaxic cakapatanij na ri Ajawaxel.”

Nabe Samuel 15:24

Xubij c'u ri Saul che ri Samuel: “Je' in macuninak, man xinban taj ri u takanic ri Ajawaxel xukuje' tak ri u pixbenic ri xbij la chwe, xinxe'j wib chquiwäch ri winak, are xinnimaj ri xquibij chwe.

Nabe Samuel 15:9

Are' c'u ri Saul xukuje' ri e rajch'ojab xquic'asba' can ri Agag, man c'u xequicämisaj taj ri chij ri sibalaj e je'l na, mawi ri ama'ib tak wacax, mawi ri alaj ama'ib tak wacax ri sibalaj e chak' na, mawi ri ama'ib tak chij, mawi xquisachisaj qui wäch ri jastak ri pakal cajil, pune' c'u ne xquisachisaj qui wäch conojel ri man e c'o ta qui patan ri man pakal ta cajil.