Elem 22:22 - Quiché Bible

²² Maban c'ax chque ri malca'nib, mawi chque ri minorib,

Elem 22:22 ပူးပေါင်းရင်းမြစ်များ

Ri Job 31:16

Mawi jumul ma ta xinto' ri meba' pa ri u q'uetetem mawi xak ta xinca'yej chi ri malca'nib xquina' numic.

Ri Job 34:28

Xquibano chi ri qui rakoj tak chi'aj ri mebayib ri e c'o chupam ri c'ax xebopan c'ä chuwäch ri Dios, xetatabex c'u rumal.

Salmib 10:14

Lal ilom la ri c'ax ri cäquiban ruc' ri quetzelal; ¡ilom la, cäya' c'u na la rajil u q'uexel chque! Uc' la cäquito' wi quib ri man c'o ta queto'wic; lal ri to'l quech ri minorib.

Salmib 34:7

Ri u tako'n ri Ajawaxel quebuch'uku xukuje' quebuto'tajisaj ri nim caquil wi ri Ajawaxel.

E C'ambal tak Tzij 22:23

Are' c'u ri Ajawaxel cäch'aw na puwi' quebuc'axc'obisaj c'u na jachin tak ri quec'axc'obisanic.

E C'ambal tak Tzij 23:10

Maq'uex qui c'olbal ri ojer tak c'ulbat, mawi matoc pa ri culew ri minorib,

E C'ambal tak Tzij 23:11

rumal rech chi c'o jun cuinelalaj to'l quech ri quel ulok chawij che qui to'ic.

Ri Isaiy 1:17

¡Chiwetamaj u banic ri utzil, chicojo' i chuk'ab che u banic ri suq'uil, chito' ri u rikom c'ax, chibana' utzil che ri minor, chito' u wi' ri malca'n ixok!”

Ri Isaiy 1:23

Ri e a takanelab man e tal ta tzij, e junam qui wäch cuc' ri eläk'omab. Conojel cäquic'ayij quib rumal puak xukuje' cäquitzucuj chi c'o cäsipax chque. Man cäquiban ta tok'ob che ri minor, mawi c'o cubij qui c'u'x che u to'ic ri malca'n ixok.

Ri Isaiy 10:2

man quiban ta c'u ri suc' chque ri tukarib mawi quixoc il che u banic ri ya'tal chque ri mebayib re ri nu tinimit, quitokij ri jastak quech ri malca'nib, quiweläk'aj ri jastak quech ri minorib!

Ri Jeremiy 7:6

we man quebit'orij ri man e i winakil taj, ri minorib xukuje' ri malca'nib, mawi quebicämisaj ri winak ri man c'o ta qui mac chupam we c'olbal ri', mawi quebik'ijilaj jule' diosib chic, ri rumal wa' kas ix quixbanow ri c'ax chiwe chbil iwib,

Ri Jeremiy 7:7

in quinya' na chiwe chi qui takej jekelem waral, chupam ri ulew ri kas xa' jumul xinya' chque ri e i mam.

Ri Ezequiel 22:7

Ri e a winak man nim ta quequil wi ri qui tat mawi ri qui nan, caquiban c'ax chque ri man e qui winakil taj, quequit'orij ri man c'o ta chic qui tat qui nan xukuje' ri malca'nib.

Ri Zacariy 7:10

Miwesaj canima' ri malca'nib, mawi ri minorib, mawi ri man e i winakil taj, mawi ri mebayib. Michomala' qui banic tak c'ax chbil tak iwib.”

Ri Malaquiy 3:5

Ri Ajawaxel ri c'o ronojel u cuinem cubij. “In quinpe che u k'atic tzij piwi' ix. Xukuje' quinux c'u na k'alajisanel che qui c'ulelaxic tak ri quequiban tak itzinic, ri quekaj pa mac ruc' jun winak chic, ri xak lok' cäquiban ri chi'nic ri kas cäban na, ri quequiban c'ax chque ri ajchaquib, chque ri malca'nib xukuje' chque ri minorib, ri caquiban lawaloyil chque ri man e qui winakil taj xukuje' ri man nim ta quinquil wi.”

U Camulixic ri Pixab 10:18

ri cuban suc'alaj k'atan tzij puwi' ri minor xukuje' ri malca'n; ri quel u c'u'x, cuya' u wa' xukuje' ratz'iak ri man u winakil ta ri jekel chixo'l.

U Camulixic ri Pixab 15:9

Mac'ulaj we itzel chomanic ri' pa a jolom: ‘Cäketet chi ulok ri uwuk junab, ri junab re cuyubal c'asaj.’ Maban c'u a palaj che ri awinakil ri c'o pa mebayil, ma ta c'u caya' ri u jolomal; ri are' cuya' c'u na chuwäch ri Ajawaxel, mac c'u wa' cajilax na chawij.

U Camulixic ri Pixab 24:17

Miban jun jasach ri man suc' ta che ri man e i winakil taj, mawi chque ri minorib, mawi mic'am ri catz'iak ri malca'nib che kajebal jalomal.

U Camulixic ri Pixab 24:18

Mäsach pa i jolom chi xukuje' ri ix xixux na lok'om pataninelab pa Ejipt, are c'u ri Ajawaxel ri i Dios xixresaj ulok chila'; rumal ri' quixintako chi quiban ronojel wa'.

U Camulixic ri Pixab 27:19

‘C'okotajinak ri winak ri cuban jun jasach ri man suc' ta che jun winak ri man u winakil taj, o che jun malca'n, o che jun minor.’ Conojel ri tinimit cäquibij na: ‘Je chelok.’

Santiago 1:27

Ri k'ijilanic che ri Dios ri kas ch'ajch'oj, ri man tz'ajtal ta chuwäch ri Dios Tataxel are wa': Chi quekilij ri malca'nib xukuje' ri man c'o ta chic qui tat qui nan, ri e c'o pa c'axc'olil, xukuje' chi cäkachajij kib man cakatz'aj ta kib, man cakaban ta ri etzelal re ri uwächulew.