Elem 22:21 - Quiché Bible

²¹ Maban c'ax che ri rokxanim rib awuc', xa c'u xiwokxanij na iwib ix pa Ejipt.

Elem 22:21 ပူးပေါင်းရင်းမြစ်များ

Ri Job 6:27

¡Ri ix c'o iwanima' che retz'bexic ri u c'aslemal jun minor xukuje' chi qui c'ayij ri iwachil iwib ruc'!

Salmib 146:9

ri Ajawaxel quebuch'uku ri e re jun tinimit chic, ri minorib xukuje' ri malca'nib, cuban c'ut chi ri e banal tak etzelal caquisach ri qui be.

Elem 20:2

“In ri' ri Ajawaxel ri a Dios, ri xatresaj ulok pa Ejipt, ri at cojom wi che pataninel jacha' ta ne ri lok'om.

Elem 23:9

Maban c'ax che ri rokxanim rib awuc', xa c'u xiwokxanij na iwib ix pa Ejipt, i no'm chic ri c'ax re ri okxanim ib pa jun ulew chic.”

Ri Isaiy 1:17

¡Chiwetamaj u banic ri utzil, chicojo' i chuk'ab che u banic ri suq'uil, chito' ri u rikom c'ax, chibana' utzil che ri minor, chito' u wi' ri malca'n ixok!”

Ri Jeremiy 22:3

Chibana' ri suq'uilal chupam we c'olbal ri' xukuje' ri colomal, chito'tajisaj ri cat'orixic pa u k'ab ri t'orinel, misub ri man i winakil taj, ri minorib xukuje' ri malca'nib. Mebicämisaj winak ri man c'o ta qui mac.

Ri Jeremiy 7:6

we man quebit'orij ri man e i winakil taj, ri minorib xukuje' ri malca'nib, mawi quebicämisaj ri winak ri man c'o ta qui mac chupam we c'olbal ri', mawi quebik'ijilaj jule' diosib chic, ri rumal wa' kas ix quixbanow ri c'ax chiwe chbil iwib,

Ri Ezequiel 22:7

Ri e a winak man nim ta quequil wi ri qui tat mawi ri qui nan, caquiban c'ax chque ri man e qui winakil taj, quequit'orij ri man c'o ta chic qui tat qui nan xukuje' ri malca'nib.

Aj Levitib 19:13

Macoj ri tokinic che ri awajil a tz'akat, mawi c'o mawelk'aj che. Mäcanaj na jun ak'ab awuc' ri tojbal re ri awajchac.

Aj Levitib 19:33

Maban c'ax che ri man i winakil taj ri jekel chixo'l pa ri iwulew.

Aj Levitib 19:34

Je chibana' che ri man i winakil taj jacha' ri quiban che ri i winakil; chilok'ok'ej, xäk c'u junam iwuc', je c'u ne xiban ix xa xiwokxanij na iwib pa Ejipt. In ri' ri Ajawaxel ri i Dios.

Aj Levitib 25:35

We ri awachalal cämebayiric, cuto' c'u rib awuc', chaya' rokxanibal; jacha' ri caban che jun ri man awinakil taj ri xa cärokxanila' rib, cäjeki' na awuc'.

Ri Zacariy 7:10

Miwesaj canima' ri malca'nib, mawi ri minorib, mawi ri man e i winakil taj, mawi ri mebayib. Michomala' qui banic tak c'ax chbil tak iwib.”

Ri Malaquiy 3:5

Ri Ajawaxel ri c'o ronojel u cuinem cubij. “In quinpe che u k'atic tzij piwi' ix. Xukuje' quinux c'u na k'alajisanel che qui c'ulelaxic tak ri quequiban tak itzinic, ri quekaj pa mac ruc' jun winak chic, ri xak lok' cäquiban ri chi'nic ri kas cäban na, ri quequiban c'ax chque ri ajchaquib, chque ri malca'nib xukuje' chque ri minorib, ri caquiban lawaloyil chque ri man e qui winakil taj xukuje' ri man nim ta quinquil wi.”

U Camulixic ri Pixab 1:16

Xukuje' xinya' we takanic ri' chque ri e i k'atal tak tzij: ‘Chebiwilij conojel xukuje' chibana' ri suq'uil chque conojel, chque ri i winakil xukuje' chque ri man i winakil taj;

U Camulixic ri Pixab 10:18

ri cuban suc'alaj k'atan tzij puwi' ri minor xukuje' ri malca'n; ri quel u c'u'x, cuya' u wa' xukuje' ratz'iak ri man u winakil ta ri jekel chixo'l.

U Camulixic ri Pixab 10:19

Chilok'ok'ej ba ri man i winakil ta ri xa rokxanim rib chixo'l, je c'u xiban ix, xiwokxanij na iwib pa Ejipt.

U Camulixic ri Pixab 15:15

Mäsach pa a jolom chi ri at xukuje' xatux can lok'om pataninel lok'om pa Ejipt, are c'u ri Ajawaxel ri a Dios xyo'w ri a tzopitajem. Rumal ri' quinya' we takanic ri' chawe camic.

U Camulixic ri Pixab 23:16

Chiya' c'olbal che chi cäcanaj can iwuc' pa ri tinimit ri cäkaj chuwäch xukuje' pa ri c'olbal ri cucha' na, c'o jun chiwe muban c'ax che.”

U Camulixic ri Pixab 23:7

Miwetzelaj c'u qui wäch ri aj edomib, iwachalaxic c'ut; mawi ri aj Ejipt, xixc'oji' c'u na pa ri culew;

U Camulixic ri Pixab 24:17

Miban jun jasach ri man suc' ta che ri man e i winakil taj, mawi chque ri minorib, mawi mic'am ri catz'iak ri malca'nib che kajebal jalomal.

U Camulixic ri Pixab 27:19

‘C'okotajinak ri winak ri cuban jun jasach ri man suc' ta che jun winak ri man u winakil taj, o che jun malca'n, o che jun minor.’ Conojel ri tinimit cäquibij na: ‘Je chelok.’