Elem 21:1 - Quiché Bible

¹ “Are tak wa' ri pixab ri quebaya' chque ri aj israelib:

Elem 21:1 ပူးပေါင်းရင်းမြစ်များ

Nabe Ajawinelab 6:12

“Chupam c'ut we rachoch Dios ri' ri cätajin cayaco, quinwaj quinbij chawe chi ri in quintz'akatisaj na ri xinchi'j che ri David, ri a tat, ri xinbij chawij, quinjeki' c'u na chquixo'l ri aj israelib, man quintzak ta canok ri Israel ri nu tinimit, we canimaj tak ri nu pixab xukuje' tak ri e nu takanic, quebatz'akatisaj c'u conojel tak ri e nu takomal je c'u cabano jas tak ri caquibij.”

Ucab Tzijobelil 19:10

Pa apachique ch'o'j chquixo'l ri i winakil, ri winak ri quepe pa jalan tak tinimit, ri caquic'am ulok cämisanic chiwäch rech qui wilo we c'o nim eklenic o jayi', o che qui cojic ri jalan tak pixab, takomal, cholajil xukuje' k'atan tzij, chebipixbej chi memacun chuwäch ri Ajawaxel, rech man coyowar taj ri are' chiwij xukuje' chquij are. Je chibana' wa', man quixux ta c'u na ajchak'maquib.

Ri Nehemiy 10:29

xquijunamaj quib cuc' tak ri cachalaxic xukuje' cuc' tak ri e c'amal tak qui be, xeban chi'nic ri kas cäban na, xecha' chi quequibana' je jas ri cubij ri u pixab ri Dios ri yo'm che ri Moises ri pataninel rech, xukuje' quebequitz'akatisaj tak ruc' jicomal conojel tak ri takomal, xukuje' ri pixab tak ri e tz'ibam, xukuje' tak ri e u pixab ri Ajawaxel.

Salmib 147:19

Ri are' xuya' retamaxic che ri Jacob, che ri Israel, ri u tzij, ri e u pixab xukuje' ri e u colomibal.

Elem 19:7

Xuwi xkaj ulok ri Moises, xebusiq'uij ri nimak tak tatayib aj israelib xebuk'alajisaj conojel ri tzij chquiwäch ri yo'm ulok u bixic che rumal ri Ajawaxel.

Ri Ezequiel 20:11

chila' c'u xinya' wi chque ri quetamaxic tak ri nu pixab xukuje' tak ri e nu takomal, ri cuya' c'aslemal chque tak ri quebanowic.

Ri Ezequiel 20:25

Xebencoj c'u ne na pixab paquiwi' ri man e utz taj xukuje' tak takomal ri man quequirik ta wi c'aslemal.

Aj Levitib 18:26

Are c'u ri ix ri ix aj israelib, xukuje' ri man e i winakil taj ri e c'o chixo'l, chebinimaj ri nu pixab xukuje' ri nu takomal, miban jun chque we jastak ri' ri quequic'am ulok yok'obal.

Aj Levitib 18:5

Rumal ri' chi nimaj ri caquibij tak ri e nu takomal, xukuje' ri e nu pixab ri e tz'ibatalic. Ri winak ri quebutz'akatisaj, cäc'asi na. In ri' ri Ajawaxel.

Aj Levitib 19:37

Chebinimaj ba' conojel tak ri nu pixab xukuje' conojel tak ri nu takanic, chibana' jas ri cäquibij. In ri' ri Ajawaxel.”

Aj Levitib 20:22

Chebibana' ri cäquibij ri nu pixab xukuje' tak ri nu takanic, chebitz'akatisaj conojel. We je quiban wa' man quixuq'uiak ta na ulok ri ulew ri quixinc'am wi na bic rech quixejekel chupam.

Ri Malaquiy 4:4

Chnataj ri pixab chiwe ri xinya' che ri pataninel wech ri Moises puwi' ri juyub Horeb. ¡E pixab ri e banom xukuje' tak takanic ri rajawaxic chi ronojel Israel quebunimaj!

Ajilanic 35:24

Are c'u ri tinimit cux na k'atal tzij chquixo'l, ri xbanow ri cämic ruc' ri rachalal ri cäminak ri cäraj cutoj rajil q'uexelal ri cämical ri xbanic, je jastak we cholajil ri'.

Ajilanic 36:13

E are tak takanic wa' xukuje' tak pixab ri xebuya' ri Ajawaxel chque ri aj israelib rumal ri Moises chupam tak ri lianic re Moab chunakaj ri Jordan, ri c'o chuwäch ri Jerico.

Ri Matey 28:20

Chebitijoj che u nimaxic ronojel jas ri xixintak wi. Chiwilampe', in c'o iwuc' ronojel k'ij c'ä pa ri u q'uistajic ri uwächulew.”

U Camulixic ri Pixab 15:12

“We jun chque ri e awinakil, we achi o ixok, ri cuc'ayij rib chawe che a patanixic, xa wakib junab rajawaxic catupatanij; pa ri uwuk junab catzokopij bic.

U Camulixic ri Pixab 4:14

Xuya' takanic chwe chi quebentijoj tak ri pixab chiwe xukuje' tak pixab ri tz'ibatal tak ri quebitz'akatisaj qui banic pa ri ulew ri qui latz'obej na.”

U Camulixic ri Pixab 4:45

xukuje' tak ri takanic, pixab ri e tz'ibatal tak ri xuya' u bixic chque aretak e elinak chi ulok pa Ejipt,

U Camulixic ri Pixab 4:5

Ix ix nu tijom che ri pixab xukuje' tak che ri pixab ri e tz'ibatalic ri xuya' wi takanic ri Ajawaxel ri nu Dios chiwe chi quebibana' pa ri ulew ri quebilatz'obej.

U Camulixic ri Pixab 4:8

Xukuje' ¿jachin ta c'u ri nim tinimit c'olic pixab ri e tz'ibatal tak ri sibalaj ta e suc' jacha' ronojel ri tijonic ri' ri quinya' chiwäch camic?

U Camulixic ri Pixab 5:1

Ri Moises xumulij ronojel ri tinimit Israel xubij c'u chque: “Chitatabej aj israelib, ri pixab xukuje' tak ri tz'ibatalic ri quebenya' qui bixic chiwe camic. Utz quetamaxic chebibana', chebitakej c'u qui banic.

U Camulixic ri Pixab 5:31

are c'u ri at chatcanaj can wuc' waral, quinbij c'u na chawe conojel tak ri takomal, ri pixab tak ri colomibal tak ri quebatzijoj na chque, rech queboc che u banic pa ri ulew ri quinya' na chque che quechbal.’

U Camulixic ri Pixab 6:1

“E are tak takomal wa', pixab xukuje' tak ri pixab ri e tz'ibatalic, ri in u takom ri Ajawaxel ri i Dios chi quixintijoj che, rech quichaplej qui banic pa ri ulew ri quixoc che rechbexic.

U Camulixic ri Pixab 6:20

Aretak cäpe jun k'ij ri e iwalc'ual caquic'ot i chi': ‘¿Jas quel caquibij tak we takanic ri', ri pixab tak ri uj u takom ri Ajawaxel ri ka Dios che qui banic?’

1 Tesalonicenses 4:1

Xuwi chi c'u wa' quinbij, kachalal: Quixkabochi'j, quixkapixbej chi jas ri xkabij chiwe chi quiban na pa ri i c'aslemal, chi quiban na ri jastak ri cäkaj chuwäch ri Dios, je chibana'. Je cätajin quiban camic. Sibalaj chibana' ba' amak'el.