Elem 20:8 - Quiché Bible

⁸ Chanataj ri k'ij re uxlanem chawe, che u tasic che ri Ajawaxel.

Elem 20:8 ပူးပေါင်းရင်းမြစ်များ

Chapletajic 2:2

Aretak xurik ri uwuk k'ij ri Dios u q'uisom chic u banic ri xuchaplej u banic, xtani' c'ut.

Chapletajic 2:3

Xutewichi'j c'ut ri uwuk k'ij, xuk'alajisaj c'ut chi tastalicalaj k'ij, rumal rech chi pa we k'ij ri' xtani' che u banic ronojel ri chac ri xebubano'.

Ri Nehemiy 13:15

Pa tak ri k'ij ri' xinwilo chi pa Juda e c'o jachin tak pa ri k'ij re uxlanem caquipitz' ri uva cuc' tak ri cakan che resaxic ri u wa'l, quequerej yataj tak trico, quequicoj tak ri bur che quekaxic u wa'l uva, xukuje' jutzayaj tak uva, higo xukuje' ronojel u wäch eka'n, pa tak c'u ri k'ij re uxlanem caquic'am bic pa Jerusalen. Xebenyaj c'ut chi quequic'ayij tak ri qui c'ay pa we k'ij ri'.

Ri Nehemiy 9:14

Xetijoj c'u la che u tasic ri k'ij re uxlanem che la, xeya' c'u la tak takomal chque, tijonic tak ri e colom, pixab tak xukuje' tak tijonic rumal ri pataninel ech la ri Moises.

Elem 23:12

Ronojel ri rajawaxic u banic awumal, chabana' can pa ri wakib k'ij, pa ri uwuk k'ij c'ut rajawaxic catuxlanic, rech cuxlan ri a wacax, ri a bur, rech cuc'ac'arisaj ri u chuk'ab ri lok'om a pataninel xukuje' ri man a winakil taj.

Elem 31:12

Ri Ajawaxel xtzijon ruc' ri Moises, xubij che:

Elem 35:1

Ri Moises xebumulij conojel ri aj israelib xubij chque: “Ri Ajawaxel u yo'm takanic chwe chi jewa' cäbanic:

Ri Isaiy 56:2

Sibalaj utz rech ri winak ri quebutakej, ri nim cäril wi ri k'ij re uxlanem man cutz'iloj ta c'ut, ri sibalaj cuchajij rib man cuban ta mawi jun jasach ri tz'il.”

Ri Isaiy 58:13

“Nim chawila' wi ri k'ij re uxlanem mebaban ch'äcoj chupam ri tastalicalaj nu k'ij. Chach'obo' chi we k'ij ri' k'ij wa' re quicotemal, jacha' jun tastalicalaj k'ij che ri Ajawaxel ri takal u ya'ic u k'ij nim chawila' wi mebaban ri jastak awech pa we k'ij ri', mawi are catzucuj ri utz chawe at ri c'o cach'äc chquij.

Ri Jeremiy 17:21

Ri Ajawaxel cubij: Pa ri k'ij re uxlanem che c'u qui tok'obisaxic qui wäch ri kas e i c'aslemal, mebic'am bic eka'n mawi mebicoj bic pa tak ri e oquibal pa Jerusalen.

Ri Jeremiy 17:22

Miwesaj c'u ne jun eka'n chupam ri iwachoch pa ri k'ij re uxlanem, mawi c'o jun chac miban chupam. Chatasa' ri kij re uxlanem chwe, jacha' ri xeben tak wi ri e i mam.

Ri Jeremiy 17:24

In, ri Ajawaxel, quinjiquiba' u bixic: Kas c'u chixniman chwe, micoj bic jun eka'n chquichi' tak ri oquibal pa ri tinimit chupam ri k'ij re uxlanem; chitasa' we k'ij ri' chwe c'o c'u jun chac miban chupam.

Ri Ezequiel 20:20

nim c'u chequila' wi chi e tasom tak ri nu k'ij rech uxlanem, rech quebux jun etal re ri c'ulwächinic ri nu banom iwuc'; jeri' kas qui ch'obo chi in ri' ri Ajawaxel ri i Dios.

Aj Levitib 19:3

Chijujunal nim chebiwila' wi ri i tat xukuje' ri i nan. Nim chebiwila' wi tak ri e nu k'ij re uxlanem. In ri' ri Ajawaxel ri i Dios.

Aj Levitib 19:30

Nim chebiwila' wi tak ri nu k'ij re uxlanem xukuje' nim chiwila' wi ri quink'ijilax wi. In ri' ri Ajawaxel.

Aj Levitib 23:3

Wakib k'ij catchacun, are c'u ri uwuk k'ij; man ya'tal taj jun chac, are jun k'ij ri nim u banic re uxlanem c'o c'u na jun mulin ib. We k'ij ri cux na k'ij re uxlanem che u ya'ic u k'ij ri Ajawaxel.

Aj Levitib 26:2

Chebichajij tak ri nu k'ij re uxlanem, nim chiwila' wi ri quink'ijilax wi. In ri' ri Ajawaxel.

Ajilanic 15:32

Aretak ri aj israelib e c'o pa ri chaki'j uwo sak, xquirik jun achi cätajin cumol si' pa ri k'ij re uxlanibal.

U Camulixic ri Pixab 5:12

Mäsach ri k'ij re uxlanem pa a jolom che u tasic jacha' che u k'ijilaxic ri Ajawaxel, jas ri takanic ri u yo'm ri Ajawaxel chawe.