Elem 20:4 - Quiché Bible

⁴ C'o jun a dios maban chawe mawi u wächbal ri c'o ajsic chupam ri caj mawi u wächbal ri c'o iquim chuwäch ri ulew mawi u wächbal ri c'o chupam ri plo chuxe' ri ulew.

Elem 20:4 ပူးပေါင်းရင်းမြစ်များ

Nabe Ajawinelab 12:28

Chomatajinak chi c'ut, ri ajawinel xtakan che qui banic quieb alaj tak ama'ib wacax re k'an puak, xubij c'u che ri tinimit: “Ix, israelib, sibalaj q'ui mul chic ix petinak pa Jerusalen. E c'o tak we e i diosib ri' ri xixesan ulok pa Ejipt.”

Ucab Ajawinelab 17:12

Xequik'ijilaj tak diosib, ri bim chque rumal ri Ajawaxel chi man cuya' taj cäquibano.

Ucab Tzijobelil 33:7

Xukuje' xutac'aba' ri dios (jun u cawäch ri Dios) ri xuban chupam ri rachoch ri Dios, ri u bim wi ri Dios che ri David xukuje' che ri Salomon ri u c'ojol: “We rachoch Dios ri' pa Jerusalen, ri nu cha'om chquixo'l tak ri amak' re Israel, are wa' ri cux na u jekelibal ri nu bi' amak'el.

Salmib 78:58

Xquiyac royowal cumal tak ri qui porobal ri quequik'ijilaj wi tak diosib; xequik'ijilaj tak ri diosib, xquiyac ri rachixomanic.

Salmib 97:7

Quemach'irisax canok ri quequik'ijilaj tak diosib, ri caquina' quib chi nimak qui banic cumal. ¡Conojel ri diosib caquipachba' quib chuwäch!

Elem 20:23

Mebiban diosib re sak puak o re k'an puak rech quebik'ijilaj jacha' ri quiban chwe in.

Elem 32:1

Xquil c'u ri aj israelib chi, xbeytaj ri Moises che ri u kajic ulok puwi' ri juyub, xquimulij quib chrij ri Aaron, xquibij che: “Chatwalijok, chebabana' ka diosib ri cäc'amow ka be, ri Moises ri xujesan ulok pa Ejipt, man keta'm taj jas ri xuc'ulmaj.”

Elem 32:23

Xquibij c'u chwe: ‘Chabana' jun ka dios ri cäc'amow ka be, man keta'm ta c'ut jas xuc'ulmaj we Moises ri' ri xujesan ulok pa Ejipt.’

Elem 32:4

xuc'am c'u chque, xuja'risaj ri k'an puak pa k'ak', xuban jun alaj ama' wacax, conojel c'ut je xquibij wa': “¡Israel, are a dios wa' ri xatesan ulok pa Ejipt!”

Elem 32:8

Chanim c'ut xquitas quib che ri be ri xebentak che u ternexic. Xquija'risaj k'an puak, xquiban jun alaj ama' wacax, cätajin cäquik'ijilaj, xukuje' cätajin cäquiya' tabal tok'ob chuwäch, cäquibij c'ut: ‘Israel, are a dios wa' ri xatesan ulok pa Ejipt.’”

Elem 34:17

Mawi jumul mebiban ix i diosib re tzacom ch'ich'.”

Ri Isaiy 42:17

Ri cäquicu'ba' qui c'u'x chrij jun dios, ri cäquibij na chque jujun tak wächbal: ‘Ix ri ix ka dios, caquinajtajisaj na quib e nojinak che q'uixbal.’ ”

Ri Isaiy 42:8

In ri' ri Ajawaxel, are nu bi' wa', man quinya' ta c'olbal chi cäya' ri nu juluwem che ta jachin chi jun mawi chi are ta nim quebil wi ri diosib che nu q'uexwäch in.

Ri Isaiy 45:16

Conojel ri cäquiban tak diosib quel na qui q'uixbal, quemach'irisax na, cätze'x na qui wäch.

Ri Ezequiel 20:7

Xinya' c'u takanic chque chnimalaj conojel chi chquisachisaj qui wäch tak ri e xojibalalaj tak qui diosib maquixk'olij c'u quib cuc' tak ri diosib aj Ejipt, rumal rech chi ri in, ri Ajawaxel, in qui Dios.

Ri Ezequiel 8:10

Xinoc bic, che ronojel ri u rabic ri nimalaj tapia, xebenwil ronojel qui wäch tz'ilalaj tak awaj ri e k'obisam chuwäch, cumätz, xpek, xukuje' niq'uiaj tak awaj chic ri e je tak wa', xukuje' ronojel qui wäch tak ri qui diosib che ri tinimit Israel.

Ri Ezequiel 8:3

Ri winak xulic' ri je ta ne u banic jun k'abaj xinumich'ej c'u che ri nu wi'. Are' c'ut ri u cuinem ri Dios xinuwalijisaj pa ri quiakik', pa tak c'ut ri c'utwächinic ri xuc'ut ri Dios chnuwäch, xinuc'am bic pa Jerusalen xinuya' chuchi' ri roquibal ri tinimit, ri cäca'y pa ri u mox elebal k'ij, jawije' ri e c'o wi ri diosib ri yacbal royowal ri Ajawaxel.

Aj Levitib 19:4

Mat cojon chque tak ri diosib, xukuje' mebiban i diosib re ch'ich' ri e suc'umam pa k'ak'. In ri' ri Ajawaxel ri i Dios.

Aj Levitib 26:1

“Mebiban tak i diosib mawi tak wächbal; mebiwalajisaj tastalicalaj tak abaj ri quetzoq'uic; mebimej tak iwib chquiwäch, in c'u ri' ri Ajawaxel ri i Dios.

Ajilanic 12:8

ruc' c'ut ri are' quinch'aw chwinakil xukuje' pa jun ch'abal ri q'uiakalic. We c'u ri are' quinuca'yej chi winakil, ¿jasche qui chajij anima' quixyok'on che?”

Hechos 17:29

Uj rija'l ri Dios, mäkachomaj ba' chi ri Dios xa' ta junam ruc' k'an puak, o sak puak, o abaj. Mäkachomaj chi ri Dios xa jun wächbal ri xena'w ri winak che u banic ruc' ri u chomanic ri qui jolom.

Romanos 1:23

Rumal chi qui q'uexom ri u juluwem ri Dios ri man cäsach ta u wäch, xane' xquesaj qui wäch ri winak ri cäsach qui wäch, xquesaj qui wäch ri chicop aj uwo caj, ri awaj cajcaj cakan, ri chicop ri cäquijuruj quib.

U Camulixic ri Pixab 16:22

Mebitac'aba' ri abaj ri xek'ijilan wi ri e k'ijilal tak diosib, sibalaj c'u itzel quil wa' rumal ri Ajawaxel ri i Dios.”

U Camulixic ri Pixab 27:15

‘C'okotajinak ri winak ri cuban jun u dios o jun wächbal re ch'ich' ri jarisam pa k'ak' ri cäban rumal jun k'olol dios, cuya' c'u pa jun c'olbal ri c'utalic, xawebal wa' che ri Ajawaxel.’ Conojel ri tinimit cäquibij na: ‘Je chelok.’

U Camulixic ri Pixab 5:8

Maban jun a dios mawi u wächbal ri' ri c'o ajsic pa ri caj, mawi u wächbal ri c'o iquim chuwäch ri uwächulew, mawi u wächbal ri c'o chupam ri plo chuxe' ri ulew.

Apocalipsis 16:2

Xbe ri nabe tako'n aj caj, xuk'ij ri u lak puwi' ri uwächulew. Xpe c'u jun itzelalaj ch'a'c sibalaj c'ax chque ri winak ri qui c'amom ri retal ri itzel awaj xukuje' chque ri cäquik'ijilaj ri u wächbal.

Apocalipsis 9:20

Ri jule' winak chic ri man xecämisax ta cumal we c'axc'olil ri', man xquiq'uex ta c'u ne ri qui c'u'x mawi xequitanaba' qui banic ri e itzel tak chac ri quequibano, mawi xquitanaba' ri qui k'ijilaxic ri itzel tak uxlabal xukuje' ri e diosib ri e re k'an puak, e re sak puak, e re k'an ch'ich', e re abaj xukuje' e re che'. Ri e diosib ri' man quecuin taj queca'yic, mawi quetanic, mawi quebinic.