Elem 20:3 - Quiché Bible

³ Mec'oji' jule' tak diosib chic we ta ma ta xak xuwi ri in.

Elem 20:3 ပူးပေါင်းရင်းမြစ်များ

Nabe Ajawinelab 11:4

Aretak nim winak chic ri Salomon, ri e rixokil xquibano chi xjech'ob ri ranima' che qui k'ijilaxic jule' tak diosib chic, man kas ta c'u u jachom chi rib pa u k'ab ri Ajawaxel ri u Dios, jacha' ri xuban can ri David, ri u tat.

Salmib 29:2

chiya' u k'ij ri je'lalaj u bi' ri Ajawaxel; chik'ijilaj ri Ajawaxel pa ri je'lalaj u k'ijilabal.

Salmib 73:25

¿Jachin ta ri quinrik pa ri caj? Xuwi ri lal. Aretak in c'o chi uc' la man quinrayij ta chic ri c'o cho ri uwächulew.

Salmib 81:10

In ri' ri Ajawaxel, ri a Dios, ri xatesan ulok pa Ejipt; chajaka' ri a chi', catinnojisaj c'u na.

Salmib 81:9

Mec'oji' qui diosib jule' tak winak chic iwuc'; mebak'ijilaj jule' tak diosib chic.

Elem 15:11

Oh, Ajawaxel, man c'o ta jun dios ri cacuintaj cujunamaj ta rib uc' la. Man c'o ta chi jun ri sibalaj ta tastalic na mawi nim u bantajic jacha' ta ri lal. Quebe ban la mayibalalaj tak jastak xukuje' xibibal. Ya'tal che la chi cak'ijilax la.

Elem 20:23

Mebiban diosib re sak puak o re k'an puak rech quebik'ijilaj jacha' ri quiban chwe in.

Elem 22:19

Apachin ri cupal ruc' jun awaj, cäcämisaxic.

Elem 23:24

Matakej u banic awech ri caquiban we tinimit ri'. Matxuqui chquiwäch tak ri e qui diosib, mawi mebak'ijilaj; xane' chasacha' qui wäch ri qui diosib xukuje' tak ri tastalic tak abaj.

Elem 32:8

Chanim c'ut xquitas quib che ri be ri xebentak che u ternexic. Xquija'risaj k'an puak, xquiban jun alaj ama' wacax, cätajin cäquik'ijilaj, xukuje' cätajin cäquiya' tabal tok'ob chuwäch, cäquibij c'ut: ‘Israel, are a dios wa' ri xatesan ulok pa Ejipt.’”

Elem 34:14

Mik'ijilaj jule' tak dios chic, rumal rech chi ri Ajawaxel achixomanel. Dios achixomanel ri u bi'.

Ri Isaiy 26:4

Chicu'ba' i c'u'x chrij ri Ajawaxel amak'el are' c'u jun to'bal ib ri junalic.

Ri Isaiy 42:8

In ri' ri Ajawaxel, are nu bi' wa', man quinya' ta c'olbal chi cäya' ri nu juluwem che ta jachin chi jun mawi chi are ta nim quebil wi ri diosib che nu q'uexwäch in.

Ri Isaiy 43:10

Ri Ajawaxel cujiquiba' u bixic: “Ix ri ix k'alajisanelab chwij, pataninelab tak wech, ri ix nu cha'om, rech quiwetamaj nu wäch, quicu'ba' c'u i c'u'x chwij quich'ob c'ut in jachinok, Man c'olinak ta can jun dios nabe chnuwäch in, mawi cäpe chi na jun chwij.

Ri Isaiy 44:8

Chichajij ba' anima', mixe'j iwib. In je xinbij, kas ojer c'u ulok nu yo'm ulok u bixic, ix c'ut quixk'alajisan na ri nu bim. ¿La c'o chi puch jun dios we ta mat xak xuwi ri in? Man c'o ta chi jun to'bal ib, man c'o ta chi jun ri weta'm ta u wäch.”

Ri Isaiy 46:9

chnataj chiwe ri c'ulmatajinak can ojer. In Dios, man c'o ta chi c'u jun; in Dios, man c'o ta c'u jun ri cäjunamataj ta wuc'.

Ri Jeremiy 25:6

Mebitakej ri e qui diosib ri winak; mebiya' k'ijilanic chque mawi mebik'ijilaj. Miyac royowal ri Ajawaxel, rumal ri qui k'ijilaxic diosib ri xa' ix ix banowinak, cux c'u na wa' che ri kas iwetzelal.’

Ri Jeremiy 35:15

E nu takalam conojel tak ri e k'axal tak nu tzij chiwe, che u bixic chiwe: Chi chebiya' can ri itzel i c'aslemal xukuje' ri e itzel tak i banoj. Mixbe che qui terenexic jule' tak diosib chic mawi mebik'ijilaj, we je quiban wa' quixcuin ri' quitakej jekelem chupam ri ulew ri nu yo'm chiwe xukuje' chque ri e i mam. Are' c'u ri ix man xiwaj taj xitatabej taj ri xinbij chiwe mawi ix nimaninak ta chwe.

Ri Jeremiy 7:9

Quixeläk'ic, quixcämisanic, quixkaj pa mac ruc' jun winak chic, xak lok' quiban ri chi'nic ri kas cäban na, quebichi'j c'oc' k'ol che ri Baal, quebiya' k'ijilanic chque tak diosib ri man c'o ta iwe ix chque,

Ri Daniel 3:18

We c'u ne man je cuban chke, kas chetamaj la, chi man quekak'ijilaj taj ri e diosib la mawi quekamej ta kib chuwäch ri u wächbal winak re k'an puak.”

Ri Osey 13:4

Je cubij wa' ri Ajawaxel: “In, ri Ajawaxel, in ri a Dios kas aretak xatjeki' pa Ejipt: Mac'amowaj chi jun che a Dios xane' xak xuwi ri in, xuwi c'ut ri in in a colonel.

Ri Matey 4:10

Xubij c'u ri Jesus che: “¡Jät, Satanas! Tz'ibatal c'ut: ‘Chak'ijilaj ri Ajawaxel a Dios, xak xuwi c'u ri are capatanij.’ ”

1 Corintios 8:4

Chrij c'u ri wa ri cojom chquiwäch tak ri diosib, keta'm ri' chi jun dios man c'o ta u banic cho ri uwächulew, keta'm c'ut chi xuwi jun Dios c'olic.

1 Corintios 8:6

chke c'u uj xa' jun Dios c'olic, are ri Tataxel, ri quepe wi conojel ri jastak. Ri uj c'o che u patanixic ri are'. Xukuje' chi xa' jun Ajawaxel c'olic, are ri Jesucrist. Rumal ri are' e c'o conojel ri jastak. Xukuje' ri uj rumal ri are' uj c'olic.

Efesios 5:5

Iweta'm chic chi conojel ri quemacun cuc' ixokib achijab, o cäquiban tz'ilalaj tak jastak, o cäquirayij q'uialaj tak jastak (xa junam wa' ruc' ri qui k'ijilaxic tak diosib), conojel wa' man c'o ta quechbal pa ri rajawibal ri Crist ri xukuje' rech ri Dios.

U Camulixic ri Pixab 5:7

Mec'oji' jule' tak a diosib chic we ta ma ta xuwi ri in.

U Camulixic ri Pixab 6:14

Mixbe chquij ri diosib ri quequik'ijilaj ri tinimit ri e i c'ulja,

U Camulixic ri Pixab 6:5

Chalok'ok'ej ri Ajawaxel ri a Dios ruc' ronojel awanima', ruc' ronojel a c'aslibal xukuje' ruc' ronojel a chuk'ab.

Filipenses 3:19

Cäpe c'u na jun k'ij aretak cäsach na qui wäch ri winak ri'. Ri are' qui dios ri itzel tak u rayinic ri qui ti'jal, cäquinimarisaj qui k'ij chrij q'uixbalalaj tak jastak. Cäquichomaj xuwi ri jastak aj uwächulew.

Colosenses 2:18

Miya' c'olbal chi quixc'okox cumal ri caquiban quib chi sibalaj e mach'alic quequik'ijilaj c'ut ri e tako'nib aj caj, ri caquibij quib chi quequil tak c'utwächinic caquisipojisaj c'u quib rumal nimarisanib, rumal quech tak ri e qui chomanic aj winak.

Apocalipsis 19:10

Xintzak wib chuwäch ri rakan ri tako'n aj caj che u k'ijilaxic. Xubij c'u chwe: “¡Mabano! In awach pataninel, in cach pataninel ri awachalal ri c'o u k'alajisaxic ri Jesus cuc'. Are' chak'ijilaj ri Dios.” Are c'ut ri u k'alajisaxic ri Jesus are ri u tzijoxic ri yo'm u bixic.

Apocalipsis 22:9

Xubij c'u chwe: “¡Maban wa'! In awach pataninel, xukuje' in cach pataninel ri e awachalal ri e k'axal tzij xukuje' ri queniman che ri u tzij ri etz'ibatal chupam we wuj ri'. Chak'ijilaj ri Dios.”

K'atal tak Tzij 6:10

Xinbij c'u chiwe chi in ri' ri Ajawaxel ri i Dios, chi mixe'j iwib chquiwäch ri e qui diosib ri aj amoreyib ri ix ix c'o pa ri culew camic; man xinimaj ta c'ut ri xinbij chiwe.’ ”