Elem 20:14 - Quiché Bible

¹⁴ Mat kaj pa mac ruc' jun winak chic.

Elem 20:14 ပူးပေါင်းရင်းမြစ်များ

Chapletajic 39:9

Chupam we ja ri' man c'o ta jun ri c'o ta na u takanic chnuwäch; ri wajaw man c'o ta ri ma ta u jachom pa nu k'ab xane' xak xuwi ri lal, lal c'ut ri rixokil; je c'u ri' ¿jas ta che quinban jun jasach ri sibalaj lawalo, quinmacun ta c'u chuwäch ri Dios?”

Ucab Samuel 11:27

aretak c'u xoc'ow ri u bis, xtakan ri David che u c'amic ulok xuc'am c'u pa ri rachoch xuban rixokil che, xralaj c'u jun u c'ojol. Man xkaj ta c'u chuwäch ri Ajawaxel ri xuban ri David.

Aj Levitib 18:20

Matk'oyi ruc' ri rixokil ri awajil a tz'akat, mawuc'aj awib ruc' rech matz'iloj c'u awib rumal.

Aj Levitib 20:10

We c'o jachin jun achi cäkaj pa mac ruc' ri rixokil ri rajil u tz'akat, ri achi xukuje' ri ixok qui cabichal quec'okox na che cämical.

Ri Malaquiy 2:15

¿La ma ta pu xa' junam Dios ri xbanow ri cuerp xukuje' ri uxlabal? ¿Jas c'ut ri sibalaj coc wi il we Dios ri' chi curiko xane' e ija'lil ri chquitasa' quib che? ¡Chichajij ba' ix, ri kas iwuxlabal, c'u ma ta chi tz'akatisaj ri chi'nic ri xiban che ri iwixokil re ri i c'ojolal!

Ri Malaquiy 3:5

Ri Ajawaxel ri c'o ronojel u cuinem cubij. “In quinpe che u k'atic tzij piwi' ix. Xukuje' quinux c'u na k'alajisanel che qui c'ulelaxic tak ri quequiban tak itzinic, ri quekaj pa mac ruc' jun winak chic, ri xak lok' cäquiban ri chi'nic ri kas cäban na, ri quequiban c'ax chque ri ajchaquib, chque ri malca'nib xukuje' chque ri minorib, ri caquiban lawaloyil chque ri man e qui winakil taj xukuje' ri man nim ta quinquil wi.”

Ajilanic 5:12

“Chabij wa' chque ri aj israelib: We c'u ne cac'ulmatajic chi c'o jun ixok ri man jic ta ruc' ri rachajil

Ri Matey 19:18

Ri c'ojol ala xubij che: “¿Jachique tak?” Ri Jesus xubij: “Matcämisanic; matkaj pa mac ruc' jun winak chic; mateläk'anic; mayac tzijtal chrij jun winak chic.

Romanos 13:9

Jewa' cubij ri pixab: “Matkaj pa mac cuc' niq'uiaj chic, matcämisanic, mateläk'anic. Marayij qui wäch jastak ri man awech taj.” Chupam we tzij ri' c'o wi ri kas u nimal ronojel ri pixab: “Chalok'ok'ej ri awajil a tz'akat jacha' ri at chbil awib.”

U Camulixic ri Pixab 5:18

Matkaj pa mac ruc' jun winak chic.

Hebreos 13:4

Iwonojel nim chiwila' wi ri c'ulanem. Mitz'iloj ri c'ulanem, ri Dios cuk'ata' c'u na tzij paquiwi' ri quemacun cuc' ixokib achijab, xukuje' ri quekaj pa mac cuc' niq'uiaj chic.

Santiago 2:11

Rumal rech chi are ri xbinic: “Matkaj pa mac cuc' niq'uiaj chic”, xubij xukuje': “Matcämisanic.” We man at kajinak pa mac cuc' niq'uiaj chic, we c'u ne at cämisaninak, man a nimam ta ri' ri pixab.

Santiago 4:4

¡Ix ri man ix jic taj chrij ri Dios! ¿La ma ta iweta'm chi jun ri carachilaj ri uwächulew, are ri' u c'ulel ri Dios? Jachin c'u ri cäraj cärachilaj rib ruc' ri uwächulew, cucoj rib che u c'ulel ri Dios.

Apocalipsis 21:8

Are c'u ri cäquixe'j quib, ri man quecojon taj, ri e tz'ilobinak cumal itzelalaj tak jastak, ri cämisanelab, ri xak cäcuc'aj quib cuc' achijab ixokib che qui banic ri macunic, ri cäquiban itzinic, ri cäquik'ijilaj tak diosib, ri e banal tak tzij, quebe ri e are' pa ri cho ri cänicow wi ri k'ak' xukuje' asubre, are wa' ri ucab cämical.”