Elem 20:13 - Quiché Bible

¹³ Mat cämisanic.

Elem 20:13 ပူးပေါင်းရင်းမြစ်များ

Ucab Ajawinelab 21:16

Xak c'u qui wi' chic ri macaj ri xuban wi ri Manases chi xmacun ri Juda xukuje' ri itzel tak u banoj ri xebuban chuwäch ri Ajawaxel, sibalaj nim ri quic' ri xutix pa Jerusalen, ri man c'o ta u mac, chi xunojisaj ronojel ri Jerusalen che.

Ucab Tzijobelil 24:22

Ri ajawinel Joas xsach pa u jolom ri elebal c'uxaj ri xucoj ri Joiad, ri u tat ri Zacariy che ri ajawinel, xucämisaj c'ut ri Zacariy, ri u c'ojol, ri pa ri jok'otaj ri xcämic je xubij can wa': “¡Are' ba' ri Ajawaxel chilow wa' chutok'ij c'u na wa'!”

Elem 21:12

“Ri winak ri cuban jun ch'ayanic, we c'u xcäm ri xuch'ayo, cäcämisax ri xbanow ri ch'ayanic.

Elem 21:14

Che c'ut ri coyowar chrij ri rajil u tz'akat cucämisaj c'ut ruc' ronojel u chuk'ab, catzucux u rikic pune' ta cuc'u' rib chunakaj ri porobal, cak'at tzij puwi' chi cäcämisaxic.

Elem 21:20

We c'o jachin jun cuch'ay ri u lok'om pataninel ruc' che', we achi o ixok, cäcäm c'u pa u k'ab, cäc'äjisax na u wäch.

Elem 21:29

We c'u ri wacax nak'atal chic cätok'inic, cucämisaj c'u jachin jun, cäcämisax na ri wacax ruc' abaj xukuje' ri ajchak'e we reta'm chi tok'onel wi ulok ri u wacax xa c'u man oquinak ta il che u chajixic.

Elem 23:7

chanajtajisaj awib chquique ri tzujunic ri xa e banoj tak tzij, mawi mak'at tzij chi cäcämisax ri winak ri man c'o ta jubik' u mac, man quink'alajisaj ta c'ut chi ma ta c'o u mac ri c'o u mac.

E C'ambal tak Tzij 1:11

Craj ne, cäquibij chawe: “Tasaj kuc'; xak chubanic ka cojo jun c'amibal, che u cämisaxic jun winak ri man c'o ta u mac aretak coc'owic.

E C'ambal tak Tzij 1:18

we winak ri' e are' quekajben ri c'amibal ri xquitanij, cäquiya' c'u ri qui c'aslemal pa cämical.

Ri Isaiy 26:21

Quel c'u ulok ri Ajawaxel jekel chupam ri nimalaj rachoch che u c'äjisaxic qui wäch qui mac ri qui mac ri e cho ri uwächulew, ri ulew man quebuc'u' ta chi na ri e u cäminakib, xane' queresaj ulok chisak ri etzelal ri e banom chuwäch.

Ri Jeremiy 26:15

Are c'u kas utzalaj retamaxic chi bana': We quinicämisaj, ri ix, xukuje' ri e u winakil we tinimit ri' e are' aj chak' tak mac che u cämisaxic jun ri man c'o ta u mac; kas c'u tzij are' ri Ajawaxel in takowinak che kas quiya'ic qui k'alajisaxic chiwe conojel tak we jastak ri'.”

Aj Levitib 24:17

Xukuje' ri cuch'ay apachique winak cucämisaj c'ut, chcämisax ri are'.

Aj Levitib 24:21

Ri cucämisaj jun awaj, cutoj na u q'uexel; are c'u ri cucämisaj jun winak cäcämisax na ri are'.

Ri Matey 19:18

Ri c'ojol ala xubij che: “¿Jachique tak?” Ri Jesus xubij: “Matcämisanic; matkaj pa mac ruc' jun winak chic; mateläk'anic; mayac tzijtal chrij jun winak chic.

Marcos 10:19

E aweta'm ri takomal:” “Matcämisanic. Matkaj pa mac ruc' jun winak chic. Mateläk'anic. Maban tzijtal chquij niq'uiaj winak chic. Mawesaj can jutak bik' che ri jastak que ri winak. Nim chebawila' wi ri a tat a nan.”

Ri Lucax 18:20

Aweta'm c'ut ri e takomal: ‘Matkaj pa mac cuc' niq'uiaj chic. Matcämisanic. Mateläk'anic. Maban tzijtal chrij jun winak chic. Nim chebawila' wi ri a tat a nan.’ ”

Hechos 16:28

Ri Pawl co xch'awic, xubij: “¡Maban jun c'ax chbil awib! ¡Konojel uj c'o waral!”

Hechos 28:4

Ri e aj chila', aretak xquil ri cumätz tzayal che ri u k'ab, xquibila': “Kastzij we achi ri' cämisanel. Pune' xto'tajic man xjik' ta chupam ri plo, ri suq'uilal man cuya' ta canok chi cäc'asi'c.”

Romanos 13:9

Jewa' cubij ri pixab: “Matkaj pa mac cuc' niq'uiaj chic, matcämisanic, mateläk'anic. Marayij qui wäch jastak ri man awech taj.” Chupam we tzij ri' c'o wi ri kas u nimal ronojel ri pixab: “Chalok'ok'ej ri awajil a tz'akat jacha' ri at chbil awib.”

Gálatas 5:21

Man cäcaj taj cäquirik utzil niq'uiaj chic, quek'abaric, cäquiban nimalaj mac aretak cäquimulij quib che nimak tak wa'im. Xukuje' cäquiban niq'uiaj jastak chic ri man e utz taj. Quinbij apan chiwe, jas ri nu bim canok, chi ri je caquitakej u banic wa' man cäquechbej taj ri rajawibal ri Dios.

U Camulixic ri Pixab 5:17

Matcämisanic.

1 Timoteo 1:9

Keta'm c'u wa', chi man yo'm ta ri pixab chque ri suc' tak winak, xane' chque ri itzel tak winak, ri man cäquiya' ta quib pa takic, ri man e k'ijilal ta Dios, ri e ajmaquib, ri winak ri man e tastalic taj, ri man cäquiya' ta u k'ij ri Dios, ri e cämisal tak qui tat qui nan, ri e cämisal achijab,

Santiago 2:11

Rumal rech chi are ri xbinic: “Matkaj pa mac cuc' niq'uiaj chic”, xubij xukuje': “Matcämisanic.” We man at kajinak pa mac cuc' niq'uiaj chic, we c'u ne at cämisaninak, man a nimam ta ri' ri pixab.

Santiago 2:13

Ri jun ri man elinak ta u c'u'x chque niq'uiaj chic, ri Dios man quel ta u c'u'x che ri are' aretak cuk'at na tzij puwi'. Nim na ri elebal c'u'x chuwäch ri k'atoj tzij.