Elem 20:12 - Quiché Bible

¹² Nim chawila' wi ri a tat xukuje' ri a nan, rech naj catc'asi' cho ri ulew ri cuya' ri Ajawaxel ri a Dios chawe.

Elem 20:12 ပူးပေါင်းရင်းမြစ်များ

Chapletajic 48:12

Ri Jose xeresaj ri ac'alab xo'l u ch'ec ri u tat, xxuqui' chuwäch, xumej rib c'ä xuya' na ri u palaj cho ri ulew.

Chapletajic 50:12

Ri e u c'ojol tak ri Jacob je xquibano jas ri xubij ri qui tat chque,

Nabe Ajawinelab 2:19

Je c'u ri', ri Betsabe xech'aw puwi' ri Adoniy ruc' ri ajawinel Salomon. Ri ajawinel xwalij che u c'ulaxic ri u nan xumej c'u rib chuwäch. Xt'uyi chi c'u jumul puwi' ri u tem re ajawibal xtakanic chi chc'am ulok jun je'licalaj tem che ri u nan; xt'uyi c'ut ri u nan pa ri u wiquiak'ab,

Ucab Ajawinelab 2:12

Aretak xril wa', ri Elisey xurak u chi': “¡Nu tat, nu tat, lal uxinak che ri Israel jacha' jun jumulaj cowilaj ajch'ojab!” Mawi chi c'u jumul xril ta chic u wäch ri Eliy. Ri Elisey xumajij ri u k'u' xujiso xuban quieb che.

Elem 21:15

Ri cusoc ri u tat o ri u nan, cac'okox na che cämical.

Elem 21:17

Ri cuc'okoj ri u tat o ri u nan, cac'okox na che cämical.

E C'ambal tak Tzij 15:5

Ri man c'o ta u no'j man nim ta caril wi ri u pixbenic ri u tat; ri coc il che, cuc'ut c'oxomanic.

E C'ambal tak Tzij 17:6

Ri e qui corona ri nimak tak winak e are' ri e u wi' tak qui mam; ri cäquibanbej nimal ri alc'ualaxelab e are' ri qui tat qui nan.

E C'ambal tak Tzij 20:20

Ri cuc'okoj ri u tat o ri u nan, cäcäm na pa ri xibibalalaj k'ekumalil.

E C'ambal tak Tzij 28:24

Cachil banal tak c'ax jachin ri queläk' chquij ri u nan u tat cucoj c'u pa ch'o'j che u bixic chi man c'o ta jas u banom.

E C'ambal tak Tzij 3:16

Ruc' ri iquiak'ab cuchi'j ri nimalaj c'aslemal ri cäbeytajic, ruc' c'u ri mox k'ab cuchi'j k'inomal xukuje' yabal k'ij.

E C'ambal tak Tzij 30:11

E c'o jachin tak quequic'okoj ri qui tat man quequitewichi'j ta c'ut ri qui nan.

E C'ambal tak Tzij 30:17

Ri cäretzelaj u wäch ri u tat cäretz'bej c'u u wäch ri u nan ri nim winak chic, ya'tal che chi quec'otix ri e u bak'wäch cumal ri joj xukuje' chi cätij cumal ri cot.

Ri Jeremiy 35:18

Xubij chi c'ut, ri Jeremiy chque ri aj recabitab: “Ri Ajawaxel ri c'o ronojel u cuinem xukuje' u Dios ri Israel cacha': ‘Rumal c'u rech chi ri ix e i nimam tak ri e u takanic ri e i mam Jonadab, ix oquinak c'u il chque tak ri e u pixab xukuje' i tz'akatisam ronojel ri xixutak wi,

Ri Jeremiy 35:7

Xukuje' xuya' takanic chke chi mekaban kachoch, mujticonijic xukuje' mekatico o mec'oji' ticbal tak uva kuc'. Xujutako chi amak'el chujjekel pa tak lic'om ja, rech naj cujc'asi' pa we ulew ri' ri xak cujwacatilob wi jacha' ta ne ri ma ta uj aj waral.

Ri Ezequiel 22:7

Ri e a winak man nim ta quequil wi ri qui tat mawi ri qui nan, caquiban c'ax chque ri man e qui winakil taj, quequit'orij ri man c'o ta chic qui tat qui nan xukuje' ri malca'nib.

Aj Levitib 19:3

Chijujunal nim chebiwila' wi ri i tat xukuje' ri i nan. Nim chebiwila' wi tak ri e nu k'ij re uxlanem. In ri' ri Ajawaxel ri i Dios.

Aj Levitib 19:32

Chatwalij che u to'ic ri sak u jolom, nim chebawila' wi ri nimak tak winak, amak'el chana' awib chuwäch ri a Dios. In ri' ri Ajawaxel.

Ri Malaquiy 1:6

Ri Ajawaxel ri c'o ronojel u cuinem cubij chque ri e cojol tabal tok'ob: “Ri alc'ualaxelab nim chequila' ri qui tat qui nan, e are' c'u ri pataninelab nim chequila' wi ri e cajaw. We c'u ri in in i Tat, ¿Jas che ri ix man nim ta quiniwilo? We in Iwajaw, ¿Jasche man nim ta quiniwil wi? Ix quiwetzelaj nu wäch, c'ä quibij c'ut: ‘¿Jas ri ketzelam wi wäch la?’

Ri Matey 19:19

Nim chebawila' wi ri a nan a tat. Chalok'ok'ej ri awajil a tz'akat je jas u lok'ok'exic awib chbil awib.”

Marcos 10:19

E aweta'm ri takomal:” “Matcämisanic. Matkaj pa mac ruc' jun winak chic. Mateläk'anic. Maban tzijtal chquij niq'uiaj winak chic. Mawesaj can jutak bik' che ri jastak que ri winak. Nim chebawila' wi ri a tat a nan.”

Marcos 7:10

U bim c'u can ri Moises ojer: ‘Nim chebawila' wi ri a tat a nan.’ Xukuje' xubij: ‘Apachin ri cuyok' u tat u nan, cäcämisax na.’

Ri Lucax 18:20

Aweta'm c'ut ri e takomal: ‘Matkaj pa mac cuc' niq'uiaj chic. Matcämisanic. Mateläk'anic. Maban tzijtal chrij jun winak chic. Nim chebawila' wi ri a tat a nan.’ ”

Efesios 5:21

Chiyala' iwib pa takic chbil tak iwib, rumal rech chi nim quiwil wi ri Crist.

U Camulixic ri Pixab 11:8

“Chebinimaj conojel ri takomal ri e nu yo'm chiwe camic, rech cäc'oji' i chuk'ab, quiwechbej c'u ri ulew ri quixoc che u ch'äquic,

U Camulixic ri Pixab 11:9

quixc'asi' c'u na q'ui junab cho we ulew ri' ri xubij ri Ajawaxel chi cuya' chque ri e i mam xukuje' chque ri calc'ual; ulew ri cätixin wi leche xukuje' juyubal räx cab jacha' ri ja'.

U Camulixic ri Pixab 21:18

“We c'o jachin jun ri c'o jun u c'ojol ri man nimanel taj, xukuje' man tal ta tzij, ri man cuya' ta u xiquin che ri cäbix che cumal ri u nan u tat, pune' ta ne cäch'ayic man cäniman ta wi chque,

U Camulixic ri Pixab 25:15

xane' alal tz'akat ri man c'o ta esam chque, rech q'ui junab quixc'asi' na pa ri ulew ri cuya' ri Ajawaxel ri i Dios chiwe.

U Camulixic ri Pixab 27:16

‘C'okotajinak ri winak ri man nim ta cäril wi ri u tat o u nan.’ Conojel ri tinimit cäquibij na: ‘Je chelok.’

U Camulixic ri Pixab 32:47

Man jun jasach ta c'ut ri xak ta quic'amala ruc' aninakil; we pixab ri' c'aslemal wa' chiwe, rumal we pixab ri' naj quixc'asi' na pa ri ulew ri c'o ch'akäp che ri Jordan, ri quixoc che rechbexic.”

U Camulixic ri Pixab 4:26

ri in camic quincoj ri caj xukuje' ri ulew che k'alajisanel chiwij, chi chanim cäsach na i wäch iwonojel cho ri ulew ri quiwechbej na ch'akäp che ri nima' Jordan. Man q'ui junab ta quixc'oji' na cho ri ulew, xane' quixokatax na bic iwonojel.

U Camulixic ri Pixab 4:40

Chixoc ba che qui nimaxic ri u pixab, xukuje' tak ri e u takomal ri quinya' chiwe pa we k'ij ri', utz c'u quixel na xukuje' tak ri e iwija'lil, q'ui junab c'ut quixc'asi' na pa ri ulew ri cuya' na ri Ajawaxel ri i Dios chiwe kas xa jumul.”

U Camulixic ri Pixab 5:16

Nim chawila' wi ri a tat xukuje' ri a nan, jacha' ri at u takom wi ri Ajawaxel ri a Dios, rech naj catc'asi' na xukuje' utz c'u catel na pa ri ulew ri cuya' na ri Ajawaxel ri a Dios chawe.

U Camulixic ri Pixab 5:33

Chitakej ri be ri u c'utum ri Ajawaxel ri i Dios chiwäch, rech utz quixelic, quixc'asi' c'u na q'ui junab cho ri ulew ri cuya' na chiwe che iwechbal.”

U Camulixic ri Pixab 6:2

Jeri' quiya' na u k'ij ri Ajawaxel ri i Dios, pa ronojel c'u ri i c'aslemal quinimaj ri pixab xukuje' ri takomal ri quixintak che u banic, ri ix, ri e i c'ojol xukuje' ri e u wi' tak i mam; q'ui junab c'ut quixc'asi' na.

Colosenses 3:20

Alc'ualaxelab, chebinimaj ri i tat i nan pa ronojel. Are c'u wa' ri cäkaj chuwäch ri Ajawaxel.

Ri Rut 3:6

Ri Rut xbe pa ri ulew xuban c'u ronojel ri xtak wi rumal ri ralib chuchu'.

Nabe Samuel 22:3

Xel c'u bic ri David chila' xbe pa Mizpa, ri c'o pa Moab xubij che ri ajawinel pa Moab: “Quintz'onoj jun tok'ob che la chi ri nu tat xukuje' ri nu nan quecanaj can uc' alak c'ä quinwetamaj na ri cuban ri Dios chwe.”