Elem 2:20 - Quiché Bible

²⁰ Ri Reuel xubij chque ri u mia'l: “¿Jawije' c'o wi we achi ri'? ¿Jasche xiya' can chila'? ¡Jisiq'uij ulok rech cäpe che u tijic u wa kuc'!”

Elem 2:20 ပူးပေါင်းရင်းမြစ်များ

Chapletajic 18:5

Oc'owinak ya' alak chuwäch ri jekel wi pataninel ech la ri', quinya' wa alak rech cac'oji' ri chuk'ab alak c'ä majok chtakej ri be alak.” “Je', utz ba ri',” xecha' ri e are'.

Chapletajic 29:13

Aretak ri Laban xuta' u tzijol chi ri Jacob, ral ri rana'b, aninak xbe che u c'ulaxic, xulak'apuj, xuya' rutzil u wäch, xutz'umaj ri u palaj, xuc'am bic cho rachoch. Aretak e c'o chi pa ja, ri Jacob xutzijoj che ri Laban ronojel ri u c'ulmam,

Chapletajic 31:54

Ri Jacob xebuporoj tabal tok'ob pa ri juyub ri', xebusiq'uij ri rachalaxic che wa'im. Conojel xewa'ic xcoc'owisaj ri ak'ab pa ri juyub.

Chapletajic 43:25

Xquisuc'umaj apan ri sipanic ri cuc'am bic, xqueyej ri Jose ri copan pa k'ij, queta'm chi c'ut chi chila' cäquitij wi qui wa re pa k'ij.

Ri Job 31:32

Ri in man quinya' ta chque chi cacoc'owisaj ri ak'ab pa ri be. Amak'el xebenjak ri u chi'tak ri wachoch chquiwäch ri naj quepe wi.

Ri Job 42:11

Xebopan c'u ne conojel ri rachalal, ri e rana'b xukuje' tak ri e rachil, xukuje' conojel ri e etamaninak u wäch ojer, xerachilaj c'u conojel wa' che u banic jun nimak'ij cho ri rachoch. Xquik'alajisaj c'u chuwäch chi c'ax xquina' ri xuc'ulmaj xquicu'bisala' c'u u c'u'x che ronojel ri c'axc'ol ri xutak ulok ri Ajawaxel puwi', conojel c'ut chquijujunal xquiya' jutak bik' puak che xukuje' jujun mulk'ab re k'an puak.

Elem 2:19

Ri alitomab xquibij che ri qui tat: “Xkarik jun achi aj ejipt ri xujuto' pa qui k'ab ri niq'uiaj ajyuk' chic, xresaj ka ja' pa ri c'ua', xuya' qui ja' ri ka chij.”

Elem 2:21

Jeri' ri Moises xunimaj chi cajeki' pa rachoch ri Reuel. Ri Reuel xuya' c'u na jun u mia'l ri Sepor u bi' che rixokil,

1 Timoteo 5:10

ri quesax u tzijol chi utzalaj chac u banom, ri e u q'uiyisan ral, ri u yo'm okxanibal chque ri winak, ri u ch'ajom ri cakan ri cojonelab, ri e u to'm ri e c'o pa c'axc'olil, ri u banom ronojel u wäch utzalaj tak chac.

Hebreos 13:2

Mäsach pa i jolom ri u ya'ic okxanibal chque ri winak. Rumal c'u wa' jujun man xquich'ob taj chi xquiya' okxanibal chque ri tako'nib aj caj.