Elem 2:16 - Quiché Bible

¹⁶ C'o c'u jun cojol tabal tok'ob pa Madian Reuel u bi' ri e c'o wukub u mia'l, xebopan c'u we alitomab ri' che resaxic qui ja' che u ya'ic cuq'uia' ri e u chij ri qui tat,

Elem 2:16 ပူးပေါင်းရင်းမြစ်များ

Chapletajic 14:18

Xukuje' ri Melquisedec ajawinel aj Salem u cojol tabal tok'ob ri Dios aj chicaj, xuc'am ulok caxlanwa xukuje' u wa'l uva.

Chapletajic 24:11

Xa jubik' man coc ak'ab. Aretak xopan ri pataninel chrij ri tinimit, are jok'otaj wa' ri quebel ulok ri alitomab che u c'amic qui ja'. Ri pataninel xeruxlanisaj ri camey chunakaj jun c'ua' ri c'o wi ja'.

Chapletajic 24:13

Quinc'oji' na waral chuchi' ri c'ua', quebenweyej na ri alitomab aj waral ri quepe che u c'amic qui ja'.

Chapletajic 29:2

Xurika' jun c'ua' pa ri juyub, chunakaj ri c'ua' e c'o oxmulaj chij ri cätajin quebuxlanic, chila' c'u cäquitij wi qui joron ri awaj. Cojom jun nimalaj abaj che ch'ukubal u wi' ri c'ua',

Chapletajic 41:45

Ri ajawinel xucoj Zapnat-paney che u bi' ri Jose, bi'aj wa' aj Ejipt, xuc'ulba' c'u ruc' ri Asenat, u mia'l ri Potiper cojol tabal tok'ob pa ri tinimit On. Jewa' ri u canajic ri Jose che takanel puwi' ri Ejipt.

Elem 18:1

Ri Jetro, ri cojol tabal tok'ob pa Madian, u ji' ri Moises, xuta' u tzijol ronojel ri u banom ri Dios che u to'ic ri Moises xukuje' ri u banom che ri u tinimit Israel, xretamaj chi ri Ajawaxel xeresaj ulok ri aj israelib pa Ejipt.

Elem 18:12

Ri Jetro xuc'am jun awaj xuporoj che u ya'ic u k'ij ri Ajawaxel xukuje' niq'uiaj tabal tak tok'ob chic. Xopan c'u ri Aaron e rachilam conojel ri nimak tak tatayib aj israelib che wa'im ruc' ri u ji' ri Moises chuwäch ri Dios.

Elem 3:1

Ri Moises cätajin quebuyuk'uj ri u chij ri Jetro ri u ji', ri xukuje' cäbix Reuel che, ri cojol tabal tok'ob re Madian, xurika' c'u jun k'ij xebuc'am bic ri chij pa ri chaki'j uwo sak, xopan c'ä pa ri juyub Horeb ri cäbix u juyub ri Dios che.

Nabe Samuel 9:11

aretak cätajin quepaki' cho ri pakapic, ri copan pa ri tinimit, xequic'ulaj jujun alitomab ri e petinak che u c'amic qui ja', xequic'ot c'u qui chi': “¿La cujcuinic cakarik ri cäca'y pa che' pa abaj waral?”