Elem 2:11 - Quiché Bible

¹¹ Aretak achi chic ri Moises, xurika' jun k'ij xel bic che qui solixic ri e u winakil, xril c'ut chi sibalaj c'ax ri chac ri e takom che u banic. Xril jun achi aj ejipt ri cätajin cuch'ay jun aj hebrey u winakil ri Moises.

Elem 2:11 ပူးပေါင်းရင်းမြစ်များ

Elem 1:11

Rumal ri' ri aj ejiptib xequicoj takanelab paquiwi' rech quequicoj ri aj israelib che qui banic c'axalaj tak chac. Xetak che qui yaquic ri tinimit Piton xukuje' ri Ramses ri xebucoj ri rajawinel re ri Ejipt, ri paraon, che c'olbal ri cätijic.

Elem 3:7

xutakej c'u u bixic ri Ajawaxel: “Kas wilom ri c'ax ri curik ri nu tinimit ri c'o pa Ejipt. Nu tom ri qui rakoj tak chi'aj u mac rech ri c'ax ri cäban chque cumal ri takanelab ri e cojom paquiwi', kas weta'm ri c'ax ri cäquiriko.

Elem 5:14

xukuje' ri takanelab quequich'ay ri quesolin ri qui chac ri aj israelib, quecha' c'u chque: “¿Jasche mawi ri iwir mawi ri camic xitz'akatisaj ri cajilabal ri xan jas ri quiban can nabe?”

Elem 5:4

Ri ajawinel re Ejipt je xubij wa' chque: “Moises xukuje' ri at Aaron, ¿jasche quiya' latz' chque ri winak che u banic ri qui chac? Chquitakej na u banic ri qui chac.”

Elem 5:5

Xubij c'u ri ajawinel che ri Moises xukuje' che ri Aaron: “Camic ri e q'uiyirinak chic ri aj israelib pa Ejipt, ¿la quebek'il ta c'u che u banic ri qui chac?”

Elem 5:9

Chibana' chque we winak ri' chi sibalaj chquicojo' qui chuk'ab che u banic ri qui chac; chebiya' sibalaj chac chquiwäch, rech man are ta cäbe qui c'u'x cuc' ri banoj tak tzij ri cäbix chque.”

Elem 6:6

Rumal ri' jät jabij chque ri aj israelib chi ri in, ri Ajawaxel, quebenwesaj na chuxe' ri u takanic ri ajawinel xukuje' pa ri c'axalaj tak chac ri e cojom che qui banic cumal ri aj ejiptib. Quinc'ut na ri nu cuinem, quebentor na bic cumal nimak tak banoj aj suq'uilal.

Elem 6:7

Quixinc'am na ix jacha' che nu tinimit, are c'u ri in quinux na i Dios. Jeri' quiwetamaj na chi in ri' ri Ajawaxel ri i Dios, ri cätajin quixresaj chuxe' ri c'axalaj tak chac ri ix takom che qui banic cumal ri aj ejiptib.

Ri Isaiy 58:6

Man are ta wa'. Ri man u tijic ta wa'im ri cäkaj chnuwäch in, are wa': chi quebat'okopij ri tikom tak ch'ich' re ri man suq'uil taj, chi quebaquir ri t'ur ri e jat'ininak ri winak chi quebatzokopij bic ri winak ri qui rikom c'ax, xukuje' chi quitanaba' u banic c'ax;

Ri Matey 11:28

Tisaj wuc', iwonojel ri ix cosinak, iwonojel ri c'o iweka'n. Quinya' c'u na uxlanem chiwe.

Ri Lucax 4:18

“Ri Ruxlabal ri Ajawaxel c'o panuwi'. Rumal rech chi in u tasom che qui tzijoxic ri utzalaj tak tzij chque ri mebayib; che qui tzijoxic chque ri winak ri e tz'apim pa che'; che qui jakic ri qui bak'wäch ri moyab che quitzokopixic, ri qui rikom c'ax pa qui k'ab ri qui c'ulel.