Elem 19:5 - Quiché Bible

⁵ Je c'u ri' we quinimaj ri quinbij chiwe, we kas quibano jas ri cubij ri nu c'ulwächinic, quixoc na che nu tinimit ri nim u k'ij chquixo'l conojel tak ri tinimit, wech c'u ronojel ri uwächulew.

Elem 19:5 ပူးပေါင်းရင်းမြစ်များ

Chapletajic 17:9

Ri Dios xubij chi na che ri Abraham: “Are c'u ri at chatz'akatisaj ri nu c'ulwächinic; ri at xukuje' conojel ri e awija'lil.

Nabe Ajawinelab 8:53

Rumal rech chi lal Ajawaxel, xtas la jacha' echbal la chquixo'l conojel tak ri tinimit cho ri uwächulew, je jas ri xbij la rumal ri pataninel ech la ri Moises, aretak xebesaj la ulok ri e ka mam pa Ejipt.”

Nabe Tzijobelil 17:22

rumal rech chi majim la ri Israel jacha' ri tinimit la re chbe k'ij sak, are c'u ri lal, Ajawaxel, cux na la u Dios.

Ri Job 41:11

¿Jachin, ri cach'ojin ruc', a ma ta c'u lo c'o jas cuc'ulmaj a catch'äcan ta lo? ¡Man c'o ta jun pa ronojel ri uwächulew!

Ri Job 41:3

¿La cuta' ta lo tok'ob chawe chi chel a c'u'x che, a catubochi'j ta lo cuc' ch'uch'ujalaj tak tzij?

Salmib 135:4

Xucha' c'u ri Jacob, ri Israel, rech cux kas u k'inomal pa rech wi.

Salmib 24:1

Rech ri Ajawaxel ronojel ri uwächulew, rachil ronojel ri c'o chuwäch, rachil conojel ri e c'asc'oj chuwäch.

Salmib 25:10

Conojel tak ri u be e re lok'ok'ebal c'uxaj xukuje' e re kastzij chque ri cäquiban ri u rayibal xukuje' ri cäquinimaj ri u takanic.

Elem 15:26

Xubij chque: “In ri' ri Ajawaxel ri i Dios, we kas quitatabej ri quinbij chiwe, we quiban ri suq'uil chnuwäch, quinimaj ri nu takomal, quebitz'akatisaj tak ri nu pixab, mawi jun chque ri yabil ri xintak paquiwi' ri aj ejiptib quintak ta piwi' ix, in c'ut ri Ajawaxel, ri quixincunaj.”

Elem 23:22

We c'u kastzij catniman che, caban ronojel ri nu takom u banic, quinux qui c'ulel ri qui banom qui c'ulel chawe, quink'atij qui wäch ri quek'atin a wäch.

Elem 24:7

Xuc'am ri u wujil ri pixab, xusiq'uij chquiwäch ri winak, “xquibij c'u ri winak: Cäkaban na ronojel ri u takanic ri Ajawaxel.”

Elem 34:9

“¡Ajawaxel! ¡Ajawaxel! We kastzij chi in lok' chwäch la, chujachilaj la bic. We winak ri' kastzij sibalaj e tac, xa ba' sacha' la ri ka mac, ri ketzelal, chujc'ama' che tinimit la.”

Elem 6:7

Quixinc'am na ix jacha' che nu tinimit, are c'u ri in quinux na i Dios. Jeri' quiwetamaj na chi in ri' ri Ajawaxel ri i Dios, ri cätajin quixresaj chuxe' ri c'axalaj tak chac ri ix takom che qui banic cumal ri aj ejiptib.

Elem 8:22

Aretak c'u quepe ri amalo, man queboc ta pa ri ulew Gosen ri jekel wi ri nu tinimit. Mawi c'u jun amalo copan na chila'. Jeri' cawetamaj na chi in, ri Ajawaxel, in c'o chupam we ulew ri'.

Elem 9:29

Ri Moises xubij che ri ajawinel: “Xak xuwi quinel bic pa ri tinimit, quebenyac' ri nu k'ab chicaj, quintz'onoj tok'ob che ri Ajawaxel. Cätani' c'u ri cakulja, man cäkaj ta chic ri sakbach, rech quetamaj la chi ri Ajawaxel are ajchak'e ri uwächulew.

Bixonic Tak 8:12

Ri jun mil puak e awech Salomon, quieb sient c'ut chque ri chajinelab ¡in quinchajij ri kas nu ticbal uva!”

Ri Isaiy 1:19

We quiwaj quixnimanic, quitij na ri je'l tak wächinic ri cuya' ri ulew;

Ri Isaiy 41:8

“Chattatabenok, Israel, u tinimit ri Jacob, ri pataninel wech, ri cha'tal wumal, tinimit ri e u k'ab tak rachalaxic ri Abraham ri junam nu wäch ruc':

Ri Isaiy 43:1

Are c'u ri camic, Israel, u tinimit ri Jacob, ri Ajawaxel ri xatwinakirisanic cubij chawe: “Maxe'j awib, at nu torom chic in xatinsiq'uij pa ri a bi', at, at wech.

Ri Isaiy 56:4

Cubij c'u ri Ajawaxel: “We ri achijab ri esam ri qui cowil nim cäquil wi ri nu k'ij re uxlanem, we cäquiban ri nu rayibal, quejeki' c'u chupam ri nu pixab,

Ri Jeremiy 10:16

¡Nim ri u jalbem rib ri u Dios ri Jacob, xuban ronojel ri c'olic! Ri are' xucha' ri Israel jacha' che rechbal. Ri Ajawaxel ri c'o ronojel u cuinem are wa' ri u bi'.

Ri Jeremiy 13:11

Je jas ri cuban jun, co cuxim ri pas xe' u pam, je xinban wa' che ronojel ri tinimit Israel xukuje' ronojel ri tinimit ri Juda sibalaj xeben nuc' chwe, rech xebux ta nu tinimit xquiya' ta c'u u tzijol ri nu bi', xebux ta c'u nimarisabal nu k'ij xukuje' nu juluwem. Man c'u xeniman ta chwe. In, ri Ajawaxel Dios, quinjiquiba' u bixic.”

Ri Jeremiy 7:23

Are c'u ri takanic ri xinya' chque are wa' chi che niman chwe; we c'u je cäquiban wa' quincanaj ri' che qui Dios are c'u ri e are' quecanaj ri' che nu tinimit. Xinbij c'u chque chi je chiquibana' jacha' ri takanic ri xinya' chque, rech utz caquitaklebej.

Ri Ezequiel 16:8

Xinoc'ow chi chaxcut, xinca'y c'u chawe; chi c'o chic a junab che ri taquenic. Xinlic' ri nu ch'ukubem wib pawi', xinch'uk ri a cuerp ri ch'analic, xinya' c'u nu tzij chawe che awuc'axic; xinban jun c'ulwächinic awuc', xatux c'u wech. In, ri Ajawaxel, quinjiquiba' u bixic.

Aj Levitib 20:24

Quinchi'j chiwe: Chi ix quixechben na ri culew we winak ri'; quinjach na pa i k'ab rech cäcanaj che iwechbal, ulew wa' ri cabelel wi leche xukuje' juyubal räx cab jacha' ri ja'. In ri' ri Ajawaxel ri i Dios, ri in banowinak chiwe chi man ix junam ta cuc' ri niq'uiaj chic tinimit.

Ri Amos 3:2

“Xuwi ri ix ix nucha'om chquixo'l tak conojel ri tinimit ri e c'o chuwäch ri uwächulew. Rumal ri' quinc'äjisaj na i wäch qui mac quech ri etzelal ri e i banom.”

Ri Amos 6:1

¡Tok'ob qui wäch ri cuc'am jun ch'uch'ujalaj c'aslemal pa Sion! ¡Tok'ob qui wäch ri e jekejoj ri qui cuban qui c'u'x chrij ri Samar, ri e c'amal tak u be ri nim tinimit ri nim na qui banic, ri quecuq'uij ri aj israelib!

Ri Malaquiy 3:17

Ri Ajawaxel ri c'o ronojel u cuinem je cubij wa': “Cätajin quincolomaj jun k'ij aretak ri e are quebux chi na nu tinimit. Jacha' jun tataxel ri quel u c'u'x che ri u cojol ri capatanix rumal, je u tok'obisaxic qui wäch wa' quinban na.

1 Corintios 10:26

Rumal chi ri Ajawaxel are ajchak'e ri ulew, xukuje' ronojel ri c'o cho ri uwächulew.

1 Corintios 10:28

We c'o jun cubij chiwe chi yo'm che u k'ijilaxic jun dios, mitijo, rumal ri jun ri xuk'alajisaj chiwäch, xukuje' rumal rech ri etamabal c'uxaj.

U Camulixic ri Pixab 10:14

Chich'obo' ba' chi ri Ajawaxel ri i Dios rech ronojel ri caj xukuje' ri c'o sibalaj chicaj che ri caj, ri ulew xukuje' ronojel ri c'o chuwäch.

U Camulixic ri Pixab 11:27

Tewichibal, we quixoc che qui nimaxic ri u takomal ri Ajawaxel ri i Dios ri ix nu takom che camic.

U Camulixic ri Pixab 14:2

Ix c'u jun tinimit ri ix tastajinak che u ternexic ri Ajawaxel ri i Dios, are' ix chowinak chquixo'l conojel tak ri tinimit cho ri uwächulew rech ix ri tinimit ri quixux rech.”

U Camulixic ri Pixab 14:21

Mitij jun awaj ri xak cäcäm u tuquiel, ix c'u jun tinimit ri ix tastajinak che ternexic ri Ajawaxel ri i Dios; cuya' c'ut quiya' che ri man i winakil ta ri jekel chquipam tak ri e i tinimit; ri are' cuya' cutijo. Xukuje' cuya' qui c'ayij che ri man i winakil ta ri xa rokxanim rib. Mebitzac ri alaj tak q'uisic' chupam ri u tu' ri qui nan.”

U Camulixic ri Pixab 26:18

Xukuje' ri Ajawaxel u yo'm u bixic camic chi ri at, Israel, at ri tinimit ri at rech, jacha' ri u chi'm ulok chawe, catoc c'u che qui nimaxic tak ri e u takomal.

U Camulixic ri Pixab 26:19

Ri are' cuban na jun nim tinimit chawe ri nim u k'ij, ri utz u tzijol, ri cäya' na u k'ij chquiwäch conojel ri nimak tak tinimit ri xebubano, je c'u catux na jas ri u bim, jun tinimit ri u jachom rib pa u k'ab ri Ajawaxel ri a Dios.”

U Camulixic ri Pixab 28:1

“We kas catniman che ri Ajawaxel ri a Dios, quebaban c'u conojel ri e u takomal ri catintak che qui banic camic, ri Ajawaxel cuya' na chawe chi cattakan paquiwi' tak ri tinimit cho ri uwächulew.

U Camulixic ri Pixab 28:9

We je quebabano jas ri caquibij ri e u takomal quebatakej c'ut ri e u be, ri Ajawaxel ri a Dios catucanajisaj jacha' che tinimit ri tastal che k'ijilaxic ri are', je jacha' ri chokinak chawe aretak xuban ri chi'nic ri kas cäban na.

U Camulixic ri Pixab 4:20

Are c'u ri ix xixuc'am ri Ajawaxel, xixresaj chupam ri jorno ri cäjarisax wi ch'ich', are wa' ri Ejipt, rech quixux u tinimit jas ri i banom camic.

U Camulixic ri Pixab 5:2

Ri Ajawaxel ri ka Dios xuban jun c'ulwächinic kuc' pa ri juyub Horeb.

U Camulixic ri Pixab 7:6

Rumal rech chi ri ix ix jun tinimit ri ix tastalic che u patanixic ri Ajawaxel; ri i Dios ix u cha'om chquixo'l conojel tak ri tinimit cho ri uwächulew, rech quixux jun tinimit ri nim u k'ij chuwäch.”

U Camulixic ri Pixab 9:29

E tinimit c'u la xukuje' e ech la; xebesaj c'u la ulok pa Ejipt ruc' ri nimalaj cuinem la ri xc'ut la.’ ”

Ri Tit 2:14

Ri Jesucrist xuya' ri u c'aslemal rumal kech, che kesaxic pa u k'ab ronojel etzelal xukuje' che ka josk'ixic, rech cujux rech are' xukuje' cäkacoj ka chuk'ab che u banic utzalaj tak chac.

Hebreos 11:8

Rumal ri cojonic, ri Abraham aretak xsiq'uixic, xnimanic xbe pa ri c'olbal ri cuc'am na che rechbal. Xel bic, pune' man reta'm ta c'ut jawije' cäbe wi.

Hebreos 8:9

We c'ulwächinic' man je taj jas ri xinban cuc' ri e qui mam pa ri k'ij aretak xebenc'am che ri qui k'ab che quesaxic ulok pa Ejipt; rumal c'u rech chi ri e are' man xquitz'akatisaj taj ri nu c'ulwächinic, ri in xebenya' canok,’ cächa' ri Ajawaxel.

Ri Josue 24:24

Ri tinimit xutzelej u bixic: “Ri uj cakapatanij na ri Ajawaxel ri ka Dios, cakaban c'u na ri cubij na chke.”

1 Pedro 2:9

Ri ix c'ut ix winak ix cha'om, ix ajawinelab xukuje' ix cojol tabal tok'ob, ix winak tastalicalaj tinimit, ix rech ri Dios, rech quiya' u tzijoxic ronojel u wäch utzalaj tak jastak ri cuban ri Dios, ri xixusiq'uij ulok pa ri k'eku'm, xixuya' pa ri u sakil ri sibalaj mayibal.

Nabe Samuel 15:22

Xubij c'u ri Samuel: “Are c'u sibalaj cäkaj na chuwäch ri Ajawaxel chi cänimaxic, che u q'uexwäch ri qui chi'xic tabal tak tok'ob xukuje' tak tabal tok'ob ri quechajirisaxic; are nim na u banic ri u nimaxic xukuje' ri u ya'ic xiquinaj che ri cubij che u q'uexwäch ri qui chi'xic tabal tak tok'ob xukuje' ri qui xepoyil tak ri chij.