Elem 19:18 - Quiché Bible

¹⁸ Ronojel c'u ri juyub Sinai xbukuw sib puwi', rumal rech chi ri Ajawaxel kajinak ulok pa u niq'uiajil ri k'ak'. Ri u sibal ri cäpakic junam ruc' ri u sibal jun jorno, ronojel c'u ri juyub sibalaj cäyicopic.

Elem 19:18 ပူးပေါင်းရင်းမြစ်များ

Chapletajic 11:5

Xkaj c'u ulok ri Ajawaxel che rilic ri tinimit xukuje' ri nimalaj tz'ak ri cätajin cäquiyac ri winak.

Chapletajic 15:17

Aretak chak'ab chic, ronojel c'ut k'ekumarinak chic, xc'utun jun jorno ri cäbukuwic, xukuje' jun k'ak' cänicowic ri coc'ow chquixo'l ri awaj ri banom catakperaj chque.

Chapletajic 19:28

xca'y apan che ri Sodom, ri Gomor, xukuje' pa ronojel ri ulew, xrilo chi cäbukuw sib pa ronojel ri c'olbal jacha' ri u sibal jun jorno re wa.

Ri Nehemiy 9:13

Xkaj chi c'u la ulok puwi' ri juyub Sinai, xch'aw chi la ulok cuc' kas chicaj; xya' la suc'alaj tak pixab chque ri e tz'ibatalic, tijonic tak ri e colom, utzalaj pixab tak, utzalaj tak takomal.

Salmib 104:32

Ri uwächulew cäyicopic aretak cäcäyex rumal; ¡ri juyub cäquesaj sib aretak cächap rumal!

Salmib 114:4

¡Ri juyub xukuje' tak ri c'ache'laj xech'opinic jacha' ama'ib tak chij xukuje' alaj tak chij!

Salmib 114:7

¡Chatbirbobok at, ulew chuwäch ri Ajawaxel, ri u Dios ri Jacob!

Salmib 144:5

Ajawaxel, jolo' la ri k'atibal qui wäch ri caj, chk'aj c'u la ulok; slabej la ri juyub rech quequesaj sib;

Salmib 18:9

Xupac ri ch'ukuwinak ri caj, xkaj ulok. Chquixe' ri rakan c'o k'ekalaj tak sutz'.

Salmib 68:9

Nu Dios, xekasaj la nimak tak jäb che u ya'ic c'ac' u chuk'ab ri ulew ri chaki'jarinak.

Salmib 77:18

Xetataj ri cakulja la pa ri salc'um; xsakar ri uwächulew cumal tak ri caypa' la, ri uwächulew xyicop cumal tak cabrakan.

Salmib 77:19

Xjak ri be la chupam ri plo; xeramij la nimak tak ja', man c'o ta c'u jun xrikow ta ri retal ri akan la.

Elem 19:13

C'o jun mucoj ri u k'ab che u ch'ayic, rajawaxic c'ut cäcämisax na che abaj o cuc' ch'ab. Pune' ta ne winak o awaj, man cäc'asbax ta canok. Xuwi we cabeytaj ri rok'ebal ri trompet cuya' quepaki' ri winak puwi' ri juyub.”

Elem 19:17

Ri Moises xeresaj bic ri winak pa tak ri cachoch che u c'ulaxic ri Dios, xebe e tac'al c'u chuxe' ri juyub.

Elem 20:18

Conojel ri aj israelib kas xquinabej ri cakulja, xukuje' ri caypa', ri cok'ibal trompet xukuje' ri juyub ri mukutal pa ri sib; xebirbobic, naj xequiya' wi quib.

Elem 24:17

Ri u juluwem ri Ajawaxel xc'utun chquiwäch ri aj israelib jacha' jun k'ak' ri bik'onel, puwi' ri juyub ri naj elinak chicaj.

Elem 3:2

Chila' c'u xuc'ut wi rib ri tako'n aj chicaj rech ri Ajawaxel chuwäch ri Moises pa u niq'uiajil jun k'ak' ri cänicow, chupam juwi' q'uix. Ri Moises kas utz rilic xubano, kas xrilo chi ri q'uix cänicow rumal ri k'ak' man c'u cäja'r taj ri q'uix.

Elem 34:2

Chasuc'umaj awib chwek ak'ab, rech catpaki' puwi' ri juyub Sinai, quinaweyej c'u pa ri c'olbal ri naj elinak chicaj.

Ri Isaiy 6:4

Aretak xxojlin we ch'abal ri', ri e oquibal tak chupam ri rachoch Dios xeyicopic xukuje' ri kas rachoch Dios xnoj che sib.

Ri Isaiy 64:1

C'o ta banom wi cätek' ta la ri caj cakaj ta c'u la ulok, queyicopisaj ta c'u la, ri juyub ruc' ri wächbal la,

Ri Jeremiy 4:24

Xebenwil tak ri juyub, cätajin c'u queyicopic; conojel ri qui wi' tak ri juyub quebirnajic.

Ri Habacuc 3:6

Ri ulew cäyicopic aretak ri are' cätaqui'c; quebirbob ri nimak tak tinimit aretak quebuca'yej; ri e ojer tak juyub quewulijic queja'r c'ut ri ojer tak juyub; e are' tak c'ut ri e u be ri Dios e re chbe k'ij sak.

Ri Zacariy 14:5

Are c'u ri ix quixanimaj na quitakej na ri beya' ri cacanaj chquixo'l ri juyub, ri copan na c'ä pa Azal, ri c'o ch'käp. Quixanimaj na ix jacha' ri xquiban ri e i mam xebanimaj rumal rech ri nimalaj cabrakan ri xc'ulmatajic aretak ri ajawinel Uziy cajawin pa Juda. Cäpe c'u na ri Ajawaxel ri nu Dios achilatal cumal ri jic xebin chuwäch.

Ri Matey 24:7

Cäwalij na jun nim tinimit chrij jun nim tinimit chic. Cäwalij na jun ajawibal chrij jun ajawibal chic. Pa jalajoj tak c'olbal quepe na wi'jal, xukuje' quebuban na cabrakan.

U Camulixic ri Pixab 33:2

Jewa' ri u beya'l: “Ri Ajawaxel xel ulok pa Sinai; kas pa Seir xtunun wi ulok pakawi', xjuluw ulok pakawi' pa tak ri juyub re Paran xuchaplej pa Merib-cades; pa ri u wiquiak'ab cuc'am wi ulok ri k'ak' re ri pixab.

U Camulixic ri Pixab 4:36

Ri are' xixuch'abej ulok kas pa ri caj che i jiq'uic, chuwäch c'ut ri uwächulew xuc'ut wi ri nimalaj u k'ak' chiwäch, xita' c'u ri u tzij pa u niq'uiajil ri k'ak'.

U Camulixic ri Pixab 5:22

“E are tak tzij wa' ri co xuya' u bixic ri Ajawaxel, pa u niq'uiajil ri k'ak' xukuje' pa u niq'uiajil jun tzatzalaj sutz', aretak iwonojel ix c'o chuxe' ri juyub. Man c'o ta chi c'u jas xubij. Xutz'ibaj c'u tak we tzij ri' chuwäch quieb tz'alam tak abaj, c'äte ri' xebujach chwe.

U Camulixic ri Pixab 5:4

Ri Ajawaxel xch'aw iwuc' pa ri juyub chwinakil pa u niq'uiajil ri k'ak'.

2 Tesalonicenses 1:7

Are' c'u ri chiwe ix ri i rikom c'axc'olil, cuya' na uxlanem chiwe junam kuc', aretak ri Ajaw Jesus cäpe ulok chicaj, cuc'ut rib chkawäch e rachilam ri u tako'nib aj caj ri c'o qui chuk'ab. Cäpe na pa u xak k'ak',

2 Tesalonicenses 1:8

cutoj na u q'uexel chque ri man queta'm ta u wäch ri Dios, ri man queniman ta che ri u tzij ri Kajaw Jesus re colobal ib.

Hebreos 12:18

Man ix opaninak taj chunakaj ri juyub ri cuya' cämakamaxic, ri cänicow pa k'ak', chunakaj ri k'ekmuj, ri k'eku'm xukuje' ri nimalaj quiakik'.

Hebreos 12:26

Are' ri u ch'abal ri Dios xslabesan ri uwächulew ojer. Camic c'ut cubij: “Jumul chi na quinslabesaj man xuwi ta ri uwächulew xane' xukuje' ri caj.”

2 Pedro 3:10

Cäpe c'u na ri k'ij re ri Ajawaxel jas jun eläk'om. Pa ri k'ij ri', cäsach c'u na u wäch ri caj, cätataj c'u na ri jun nimalaj jininem. Ri jastak ri xebanbex re quenicow na, cäsach qui wäch. Ri uwächulew xukuje' ri chac ri e c'o chuwäch quechajirisax na.

Apocalipsis 15:8

Xnoj ri k'ijilabal che ri u sib ri u juluwem ri Dios xukuje' re ri u cuinem. Man c'o ta jun cäcuinic coc bic pa ri k'ijilabal, c'ä quebantaj na ri wukub c'axc'olil ri e cuc'am ri wukub tako'nib aj caj.

Apocalipsis 9:2

Xujak ri jul re ri k'ekumalaj c'olbal, xpaki' ulok sib pa ri jul, jas ri u sibal jun nimalaj jorno. Xk'ekumar ri k'ij xukuje' ri quiakik' rumal ri u sibal ri jul.

K'atal tak Tzij 5:5

Chwäch la Ajawaxel, chwäch la, u Dios ri Israel, xeyicop ri juyub, xyicop ri Sinai.