Elem 19:12 - Quiché Bible

¹² Chebacojo' c'ulbat chuxe' ri juyub rech man queboc'ow ta ri winak, chabij chque chi nim chquila' wi ri juyub, mepaki puwi' ri juyub mawi menakajin pa tak u xcut, apachin c'ut ri cänakajin che, cac'okox che cämical.

Elem 19:12 ပူးပေါင်းရင်းမြစ်များ

Elem 10:28

Xubij chi c'ut ri ajawinel che ri Moises: “Chatel bic waral, kas chawila' awib, matpe chi jumul chnuwäch, apachique c'u k'ij ri catpe chi jumul chnuwäch, catcäm na.”

Elem 19:21

xubij c'u ri Ajawaxel che ri Moises: “Chatkaj bic, chabij chque ri winak chi mäquixalk'atij ri c'ulbat, mawi maquitzucuj rilic nu wäch, e q'ui c'u ne ri metzak chque chi que cämic.

Elem 19:23

Ri Moises xubij che ri Ajawaxel: “Ri tinimit man cuchajij ta anima' capaki' puwi' we juyub Sinai, lal xbin la chke chi cäkacoj c'ulbat chuxe' ri juyub, ka k'alajisam c'ut chi tastalic.”

Elem 24:2

Xuwi ri at ya'tal chawe chi catnakajin chwe; ri niq'uiaj chic menakajin chwe, mawi mepaki ulok ri winak awuc'.”

Elem 34:12

Miban jun c'ulwächinic cuc' ri winak ri e jekel chupam ri ulew ri quixoc wi na, rech mequiban chiwe chi quixkaj chupam ri qui c'amibal.

Elem 34:3

Mawi jun winak cäpaki' ta awuc', mawi c'o jun militaj u wäch pa ronojel ri juyub; mawi chij, mawi wacax meyuk'ux cho ri juyub.”

U Camulixic ri Pixab 2:4

Chaya' we takanic ri' chque ri tinimit: Ix quixoc'ow na pa ri culew ri e rija'lil ri Esau ri e jekel pa Seir, e iwachalaxic c'u wa'. Ri e are' cäquixe'j na quib chiwäch; are c'u ri ix sibalaj chichajij na iwib.

U Camulixic ri Pixab 4:9

Rumal ri' sibalaj chixoc il chi mebisach ri jastak pa i jolom ri iwilom, mawi chebel ta pa iwanima'; xane' chebik'alajisaj chquiwäch ri iwalc'ual xukuje' chquiwäch ri u wi' tak i mam.”

Hebreos 12:18

Man ix opaninak taj chunakaj ri juyub ri cuya' cämakamaxic, ri cänicow pa k'ak', chunakaj ri k'ekmuj, ri k'eku'm xukuje' ri nimalaj quiakik'.

Ri Josue 3:4

Jeri' quiwetamaj na jawije' ri quixbe wi na, man c'o ta c'u jun chiwe oc'owinak ta nabe pa we be ri'. Man quixkeb ta c'ut ruc' ri caxa', xane' amak'el chixcanaj chrij, chc'ol jun mil quieb sient (1200) bara' i xo'l ruc'.”