Elem 18:21 - Quiché Bible

²¹ Chebacha' achijab chquixo'l ri winak ri c'o qui no'j, ri cäquina' quib chuwäch ri Dios, ri ch'ajch'oj canima', achijab ri man quequitzucuj taj chäcoj ruc' subunic, chaya' takanic pa qui k'ab paquiwi' jujun mil winak, jujun sient, cawinak lajuj, xukuje' lajujitak.

Elem 18:21 ပူးပေါင်းရင်းမြစ်များ

Chapletajic 22:12

Ri tako'n aj caj xubij: “Maban jun c'ax che ri ala, xinwetamaj c'ut chi caxe'j awib chuwäch ri Dios, man xak'il ta c'u awib che u ya'ic ri a c'ojol chwe, ri xa jun.”

Chapletajic 42:18

Churox k'ij c'ut xubij ri Jose chque: “Ri in quina' wib chuwäch ri Dios. Chibana' wa' man c'o ta c'u quic'ulmaj na.

Chapletajic 47:6

Ronojel ri ulew re Ejipt c'o pa a k'ab. Chaya' ri Gosen chque, are c'u utzalaj ulew wa' pa Ejipt, rech quecanaj che jekelem chi'. We c'u cach'obo chi e c'o sac'ajalaj tak achijab chquixo'l, chebacojo' che takanelab paquiwi' ri wawaj.”

Ucab Samuel 18:1

Ri David xebusolij ri e rajch'ojab, xebucoj c'u c'amal tak qui be jujun mil xukuje' jujun sient ajch'ojab.

Ucab Samuel 23:3

Ri u Dios ri Israel ch'awinak; ri to'l rech ri Israel u bim chwe: ‘Ri cuk'at tzij paquiwi' ri winak ruc' suq'uilal, ri cuk'at tzij chupam ri xe'n ib chuwäch ri Dios.

Nabe Ajawinelab 18:12

Ri quec'ulmatajok chi, aretak quintas wib chwäch la, ri ruxlabal ri Ajawaxel cac'am la bic rumal pa jun c'olbal chic ri man weta'm taj. Aretak quinya' u bixic che ri Acab, man c'u cärik ta la rumal, quinucämisaj c'u na. We pataninel ech la ri', c'ä pa ri rac'alal ulok, amak'el u yo'm u k'ij ri Ajawaxel.

Nabe Ajawinelab 18:3

Ri Acab xusiq'uij ri Abdiy ri chajil re ri jastak rech, ri cäk'ijilan che ri Ajawaxel ruc' nim ilic

Ri Esdras 7:25

Are c'u ri at, Esdras, je, jacha' ri etamanic ri e u yo'm ri a Dios chawe, chebacojo' k'atal tak tzij xukuje' takanelab chquibana' c'u ri suq'uil chque conojel ri winak pa ri ajawibal ri c'o pa ri u kajebal k'ij che ri nima' Euprats, we chque conojel ri queta'm ri u pixab ri a Dios; xukuje' are' tak c'u ri man queta'm ta chetijox che.

Ri Nehemiy 5:9

Ri in c'ut xinbij china': “Ri cätajin qui bano man utz taj. Rajawaxic qui c'utu' chi nim quiwil wi ri ka Dios, chi cak'ilk'ob ri yok'onic ri caquiban ri e k'ijilal tak diosib chke, ri qui banom qui c'ulel chke.

Ri Nehemiy 7:2

Are' c'u xincoj ri wachalaxic Hanani che c'amal u be ri Jerusalen, xukuje' ri Hananiy, ri takanel pa ri tinimit, jun achi wa' ri ya'tal che chi cacu'bisax c'uxaj chrij, ri are' nim c'u na caril wi ri Dios man e je ta c'ut ri niq'uiaj winak chic.

Ri Job 1:1

Chupam ri rulewal ri Uz xc'oji' jun achi Job u bi', ri xruc'aj jun jicomalaj c'aslemal ri man c'o ta wi jubik' macaj, are c'u jun jicalaj pataninel rech ri Dios, sibalaj c'u cuchajij rib chi man c'o ta jun c'ax cuban ta che jun rajil u tz'akat.

Ri Job 29:16

¡qui tat ri c'o cajwataj chque xukuje' ch'awenel paquiwi' ri man e nu winakil taj!

Ri Job 31:13

We ri nu pataninelab c'o jas caquich'a' chwe, amak'el quinoc il chque tak ri caquitz'onoj chwe.

Salmib 15:1

Ajawaxel, ¿jachin ta ri cäcuinic cac'oji' pa ri achoch la? ¿Jachin ta ri cäcuinic cäjeki' pa ri tastalicalaj juyub la?

Salmib 15:5

ri cuya' u rajil pa jalomal ri man cutok'ij ta kajebal rech, ri man cuc'am ta u pa k'abaj che u banic c'ax che ri man c'o ta u mac. Ri je u c'aslemal wa' mawi jumul catzak ta na.

Elem 17:9

Xubij c'u ri Moises che ri Josue: “Chebacha' bic jujun achijab, jät jatech'ojin cuc' ri aj amalesib. Are c'u ri in quinetac'al ulok c'ä puwi' ri juyub, quinwuc'aj ri ch'ämiy aj Dios pa nu k'ab.”

Elem 18:25

Xebucha' achijab ri c'o qui no'j chquixo'l conojel ri aj israelib, xuya' takanic pa qui k'ab paquiwi' jujun mil winak, jujun tak sient, cawinak lajuj, xukuje' lajujitak winak.

E C'ambal tak Tzij 28:2

Aretak man utz ta benak ri ulew, queq'uiyir ri k'atal tak tzij, are' c'u ri utzalaj c'amal be reta'm ruc'axic ri cholajil.

Ri Tzijonel 12:13

Xq'uis u tza'm ri chomanic. Ronojel bitajinak chic. Nim ba' chawila' wi ri Dios chebatz'akatisaj tak qui banic ri e u takomal, are c'u wa' ri rajawaxic u banic rumal ronojel winak.

Ri Isaiy 16:5

jun rija'lil ri David coc na che ajawinel, ri u tem re ajawibal co cäjeki' na che u banic tok'ob. Jun k'atal tzij wa' ri ch'ajch'oj ranima', cujekeba' na ri ya'tal u banic, cuban na ri suq'uil chque ri winak.

Ri Isaiy 33:15

Ri cuban ri suq'uil pa ronojel xukuje' cubij ri kastzij, ri man cuk'inomarisaj ta rib rumal ri qui chuk'ab niq'uiaj chic mawi cuya' rib pa lok'ic rumal ri cäsipax che, ri man cuya' ta u xiquin che itzel tak cojbal c'uxaj, xukuje' cutz'apij ri u bak'wäch rech man cuca'yej ta ri man utz taj,

Ri Isaiy 59:4

Man c'o ta jun cubij ta ri kastzij, mawi cäbe chuwäch ri k'atal tzij ruc' ch'ajch'ojil. Are kas qui cuban qui c'u'x chrij ri banoj tzij xukuje' chquij tak tzij re subunic e yawab tak winak che etzelal quecalaj c'u tak il patan.

Ri Jeremiy 5:1

Ri Ajawaxel je cubij wa': “Chebibinibej ri e u xo'l tak ja re ri Jerusalen, kas chixcayilob, chixtzucun pa tak ri c'ayibal, che rilic we quiriko jachin jun ri cuchacuj ta ri suq'uilal, ri caraj cux aj kas jic ranima'. We quiriko quinsach na u mac ri Jerusalen.

Ri Ezequiel 18:8

man cuya' ta puak pa kajical ruc' jalbal rech mawi cutok'ij ta ral; man cuban ta c'ax che jachin jun; suc' aretak cuk'at tzij paquiwi' quieb winak aretak quech'ojinic;

Ri Ezequiel 22:12

E c'o jujun a winakil caquic'ayij quib che qui cämisaxic ri cach tak winak. Caquiya' puak pa kajic rech caquic'am jalbal rech o cuch'äc ral, quequit'oro xukuje' caquiban tokinic chque tak ri cajil qui tz'akat, quinsach c'u pa qui jolom. In, ri Ajawaxel, quinjiquiba' u bixic.

Ri Zacariy 7:9

“Are wa' ri takanic ri quinyao: Ri ix chibana' ri suq'uilal pa tak ri e i k'atan tak tzij, chebibana' ri utzil xukuje' chel tak i c'u'x chixo'l.

Ri Zacariy 8:16

Are wa' ri rajawaxic u banic iwumal amak'el: Amak'el are chibij ri kastzij chixo'l ri jun ruc' ri jun chic, chixk'atantzij ruc' suq'uilal chitzucuj ri jamarisanic pa tak ri k'atbal tzij;

Ajilanic 1:16

E are' c'amal tak be wa' quech amak' ri xecha' chquixo'l conojel ri aj israelib ri quequiq'uexwächij ri kas quija'lil.

Ajilanic 1:4

xukuje' ri re jun c'amal be re jun ja winak che jujun amak'.

Ajilanic 10:4

Aretak c'u xa jun cok'isaxic, xuwi caquimulij na quib ri e c'amal tak qui be ri amak' ri nimak qui k'ij.

Ri Lucax 18:2

Xubij: “Xc'oji' jun k'atal tzij pa jun tinimit, ri man cuxe'j ta rib chuwäch ri Dios, mawi cuya' qui k'ij ri winak.

Ri Lucax 18:4

Quieb oxib k'ij ri k'atal tzij man xraj taj. Te c'u ri' xuchomaj: ‘Pune' man quinxe'j ta wib chuwäch ri Dios, mawi quinya' qui k'ij ri winak,

Hechos 20:33

Man nu rayim ta c'u u wäch ri u sak puak, o ri u k'an puak, o ri ratz'iak jachin jun.

Hechos 6:3

Chebitzucuj ba wukub achijab chixo'l, kachalal, ri k'alaj chi e nojinak che ri Uxlabaxel, xukuje' c'o qui no'j, rech quekacoj pa we chac ri'.

U Camulixic ri Pixab 22:18

Cäquicoj na ri achi pa che', cäquic'äjisaj na u wäch,

1 Timoteo 3:3

man u nak'atisam ta rib che k'abaric mawi yacal ch'o'j, xane' banal utzil, aj jamaril xukuje' man benak ta ranima' che u lok'oxic puak.

Ri Josue 22:14

Xachilax bic cumal lajuj c'amal tak qui be ri aj israelib ri nimak qui k'ij chquijujunal are' caquiq'uexwächij ri u k'ab cachalaxic xukuje' ri camak'.

Nabe Samuel 8:12

Jujun quebucoj na che qui nimal jun mil (1000) ajch'ojab, jujun chic che c'amal qui be cawinak lajuj (50) ajch'ojab. Jujun chiwe quixucoj na che qui tajixic ri rulew xukuje' quiyac na ri qui wächinic tak ri rulew, o quixucoj na che qui banic tak ch'ojibal xukuje' ri jastak ri quebajwataj chque tak ri carwaj re ch'o'j.

Nabe Samuel 8:3

Man je ta' c'u xquibano jacha' ri xuban ri qui tat, man xebux ta jic, are xkaj chquiwäch chi cäban u pa qui k'ab, man xquiban ta c'u ri suq'uilal.