Elem 18:20 - Quiché Bible

²⁰ Chebatijoj c'u ri winak chque tak ri pixab xukuje' ri tijonic, chac'utu' chquiwäch jas cäquiban pa ri qui c'aslemal xukuje' ri patanijic ri cäquibano.

Elem 18:20 ပူးပေါင်းရင်းမြစ်များ

Salmib 143:8

Ak'abibal chya' la retamaxic ri lok'ok'ebal c'u'x la chwe, nu jiquibam c'u nu c'u'x chij la. Chya' la retamaxic chwe jachique ri c'aslemal ri rajawaxic ruc'axic wumal, che la c'ut quintz'onoj wi ri curayij ri wanima'.

Salmib 32:8

Ri Ajawaxel cubij: “Ri e nu bak'wäch e c'o pawi'. Quebenya' tijonic chawe, quebenya' a no'j, quinc'ut na ri be chawäch ri caterenej.

Elem 18:16

Aretak c'o jun c'ax chquixo'l quepe wuc', ri in quink'at tzij paquiwi', quink'alajisaj c'ut jachin ri c'o u mac; quinbij c'u chque jas cubij ri u pixab ri Dios xukuje' ri u tijonic.”

Ri Isaiy 30:21

We c'u cajal ri a be pa ri awiquiak'ab o pa ri a mox k'ab, cata' na jun ch'abal chawij ri cubij na chawe: “Jewa' c'o wi ri be, are chitakej wa'.”

Ri Jeremiy 42:3

Chabochi'j ri Ajawaxel ri a Dios chi chuc'utu' ri be chkawäch ri rajawaxic u takexic kumal xukuje' ri rajawaxic u banic kumal.”

Ri Jeremiy 6:16

Ri Ajawaxel cubij che ri u tinimit: “Chixtac'al pa tak ri be chixca'y c'ut, chich'obo' jachique tak ri ojer tak be, ri c'o wi ri utzalaj be; chitakej quirik c'u na ri uxlanem.” Caquibij c'ut ri e are': “Jayi', man cäkaj taj cäkatakej.”

Ri Ezequiel 3:17

“At, winak, ri in at nu cojom che yuxlenel che ri tinimit Israel. Aretak quinya' jun takquil chawe rajawaxic caya' u bixic chque chi jewa' ri quinbij, rech caquetamaj apanok.

Ri Miquey 4:2

q'uialaj tinimit quebopan na je caquibij wa': “Tisaj, chujpakal pa ri u juyub ri Ajawaxel, chupam ri rachoch ri u Dios ri Jacob, rech ri are' quebuc'ut tak ri e u be chkawäch chujcuin ta c'ut chujbin chquipam ri a laj tak u be.” Rumal rech chi pa Sion quel wi na ulok ri u tijonic ri Ajawaxel, pa Jerusalen cäpe wi na ri u tzij,

Ri Matey 28:20

Chebitijoj che u nimaxic ronojel jas ri xixintak wi. Chiwilampe', in c'o iwuc' ronojel k'ij c'ä pa ri u q'uistajic ri uwächulew.”

Marcos 13:34

Are je jas jun achi ri xbe naj, xuya' can ri rachoch, xuya' can takanic pa qui k'ab ri rajchaquib, xuya' can qui chac chquijujunal. Xtakan che ri chajil uchi'ja chi rajawaxic cäc'asc'atic.

U Camulixic ri Pixab 1:18

Chupam c'ut ri k'ijol ri', utzalaj u k'alajisaxic xinya' chiwe ronojel ri rajawaxic u banic iwumal.”

U Camulixic ri Pixab 4:1

“Camic c'ut aj israelib, chitatabej ri pixab, ri takanic, ri e nu c'utum chic chiwäch, chebinimaj rech quixc'asi'c quixoc c'u che rechbexic ri ulew ri cuya' ri Ajawaxel chiwe ri qui Dios ri e i mam.

U Camulixic ri Pixab 4:5

Ix ix nu tijom che ri pixab xukuje' tak che ri pixab ri e tz'ibatalic ri xuya' wi takanic ri Ajawaxel ri nu Dios chiwe chi quebibana' pa ri ulew ri quebilatz'obej.

U Camulixic ri Pixab 5:1

Ri Moises xumulij ronojel ri tinimit Israel xubij c'u chque: “Chitatabej aj israelib, ri pixab xukuje' tak ri tz'ibatalic ri quebenya' qui bixic chiwe camic. Utz quetamaxic chebibana', chebitakej c'u qui banic.

U Camulixic ri Pixab 5:27

Are utz na catkeb at, cata' c'u ronojel ri cubij ri Ajawaxel ri ka Dios chawe, cabij c'u chke ri cubij chawe, are c'u ri uj cujoc na che u banic ri cäbix chke.’

U Camulixic ri Pixab 7:11

Chebinimaj ba ri takomal, ri pixab tak pa ri k'ij ri' xixutak che qui banic ri caquibij.”

1 Tesalonicenses 4:1

Xuwi chi c'u wa' quinbij, kachalal: Quixkabochi'j, quixkapixbej chi jas ri xkabij chiwe chi quiban na pa ri i c'aslemal, chi quiban na ri jastak ri cäkaj chuwäch ri Dios, je chibana'. Je cätajin quiban camic. Sibalaj chibana' ba' amak'el.

Nabe Samuel 12:23

Are c'u ri in minutzokopij ri Ajawaxel chi quinmacun ta chrij are' chi chintanaba' ta tz'ononic piwi' xukuje' ri u c'utic ri utzalaj be chiwäch ri suc'.