Elem 18:12 - Quiché Bible

¹² Ri Jetro xuc'am jun awaj xuporoj che u ya'ic u k'ij ri Ajawaxel xukuje' niq'uiaj tabal tak tok'ob chic. Xopan c'u ri Aaron e rachilam conojel ri nimak tak tatayib aj israelib che wa'im ruc' ri u ji' ri Moises chuwäch ri Dios.

Elem 18:12 ပူးပေါင်းရင်းမြစ်များ

Chapletajic 12:7

Chila' xuc'ut wi rib ri Ajawaxel chuwäch ri Abram, xubij che: “We ulew ri' quinya' na chque ri e awija'lil.” Ri Abram xuban jun porobal chila' ri xuk'ijilaj wi ri Ajawaxel, rumal rech chi chila' xuc'ut wi rib chuwäch.

Chapletajic 26:25

Ri Isaac xuban jun porobal chila' xuya' c'ut u k'ij ri Ajawaxel. Xjeki' c'u pa ri c'olbal ri', ri e pataninel tak rech xquic'ot jun c'ua'.

Chapletajic 26:30

Ri Isaac xuban jun nimalaj nimak'ij chque, ri e are' xewa'ic xukuje' xebuq'uianic.

Chapletajic 31:54

Ri Jacob xebuporoj tabal tok'ob pa ri juyub ri', xebusiq'uij ri rachalaxic che wa'im. Conojel xewa'ic xcoc'owisaj ri ak'ab pa ri juyub.

Chapletajic 4:4

Xukuje' ri Abel xebuc'am bic jujun chque ri nabe tak cal ri e u chij ri e chomak xebuya' che tabal tok'ob chuwäch ri Ajawaxel. Ri Ajawaxel nim xril wi ri Abel, xukuje' ri u sipanic,

Chapletajic 43:25

Xquisuc'umaj apan ri sipanic ri cuc'am bic, xqueyej ri Jose ri copan pa k'ij, queta'm chi c'ut chi chila' cäquitij wi qui wa re pa k'ij.

Chapletajic 8:20

Xuban c'ut ri Noe jun porobal ri che u ya'ic u k'ij ri Ajawaxel. Xebuc'am awaj xukuje' chicop ri c'o qui xic' ri e ch'ajch'oj jujun che jujun qui wäch, xebuporoj che tabal tok'ob ri quechajirisaxic chuwäch ri Ajawaxel.

Ucab Samuel 9:7

Xubij ri David che: “Maxe'j ba awib, ri in quenbana' na utzil chawe che u nataxic ri Jonatan ri a tat. Quinya' na takanic chi quetzelex conojel ri rulew ri a mam Saul chawe, catwa' c'u na wuc' amak'el.”

Ucab Tzijobelil 30:22

Ri Ezequiy xunimarisaj qui k'ij conojel ri aj levitib chi xquic'ut ri je'licalaj qui rayibal che ri patanijic che ri Ajawaxel. Aretak c'u qui tijom chi que ri wa ja' re ri nimak'ij ri xbeytaj wukub k'ij, chi e qui chi'm chi c'ut tabal tak tok'ob re utzirisan ib xukuje' e k'ijilaninak chic che ri Ajawaxel, qui Dios ri e qui mam,

Ri Job 1:5

Aretak queq'uis ri k'ij re ri ula'nic, ri Job quebusiq'uij ri e u c'ojol, sibalaj c'u ak'ab cäwalijic, quebuchi'j tabal tok'ob che qui q'uexwäch chquijujunal, che qui ch'ajch'obisaxic chque tak ri qui mac. Ri Job je cuban wa' amak'el, cuchomaj c'ut chi craj ne xemacun ri e u c'ojol craj ne c'o tzij xquibij chrij ri Dios pa canima'.

Ri Job 42:11

Xebopan c'u ne conojel ri rachalal, ri e rana'b xukuje' tak ri e rachil, xukuje' conojel ri e etamaninak u wäch ojer, xerachilaj c'u conojel wa' che u banic jun nimak'ij cho ri rachoch. Xquik'alajisaj c'u chuwäch chi c'ax xquina' ri xuc'ulmaj xquicu'bisala' c'u u c'u'x che ronojel ri c'axc'ol ri xutak ulok ri Ajawaxel puwi', conojel c'ut chquijujunal xquiya' jutak bik' puak che xukuje' jujun mulk'ab re k'an puak.

Ri Job 42:8

Chebic'ama' wukub ama'ib tak wacax xukuje' wukub ama'ib tak chij jix c'u che rilic ri Job ri pataninel wech, chebichi'j c'ut jacha' che tabal tok'ob ri quechajirisaxic che i q'uexwäch. Ri Job ri pataninel wech cabochi'n na piwi', quinc'amowaj c'u na ri u bochi'nic man c'o ta c'u jun c'ax quinban na chiwe, pune' c'u takal chiwe rumal rech chi man xibij taj ri kastzij chwij, jacha' ri xuban ri Job ri pataninel wech.”

Elem 18:13

Chucab k'ij xt'uyi' ri Moises che u k'atic tzij paquiwi' ri c'ax ri queriktaj wi ri aj israelib, xetaq'ui' c'u ronojel ri jun k'ij chuwäch ri Moises.

Elem 2:16

C'o c'u jun cojol tabal tok'ob pa Madian Reuel u bi' ri e c'o wukub u mia'l, xebopan c'u we alitomab ri' che resaxic qui ja' che u ya'ic cuq'uia' ri e u chij ri qui tat,

Elem 2:20

Ri Reuel xubij chque ri u mia'l: “¿Jawije' c'o wi we achi ri'? ¿Jasche xiya' can chila'? ¡Jisiq'uij ulok rech cäpe che u tijic u wa kuc'!”

Elem 20:24

Chibana' jun porobal re ulew chwe, chebichi'j c'ut chwe puwi', ri e iwawaj quech ri e i tzobaj xukuje' tak wacax jacha' che tabal tok'ob ri cächajirisaxic xukuje' tabal tak tok'ob re utzirisan tak ib. Quinpe' c'u na quixintewichi'j c'u na chquipam ri jujun tak c'olbal ri quinwaj wi chi cänatax ri nu bi'.

Elem 24:11

Man c'u xuban ta c'ax ri Dios chque we aj israelib ri' ri nimak qui k'ij, ri xquil u wäch ri Dios, xewa'ic xukuje' xebuq'uianic.

Elem 24:5

Xebusiq'uij jujun alabom chquixo'l ri aj israelib, xebutak che qui pilic jujun wacax che qui poroxic che tabal tok'ob ri quechajirisaxic xukuje' che tabal tak tok'ob quech utzirisan ib.

Elem 3:1

Ri Moises cätajin quebuyuk'uj ri u chij ri Jetro ri u ji', ri xukuje' cäbix Reuel che, ri cojol tabal tok'ob re Madian, xurika' c'u jun k'ij xebuc'am bic ri chij pa ri chaki'j uwo sak, xopan c'ä pa ri juyub Horeb ri cäbix u juyub ri Dios che.

Elem 33:7

Ri Moises xuc'am ri lic'om ja, naj xuya' u wi che ri c'olbal ri c'o wi nabe, xucoj c'u Lic'om Rachoch Dios re rikoj ib, che u bi'. Aretak c'u c'o jun craj cuta' u no'j che ri Ajawaxel, cäbe c'ä pa ri Lic'om Rachoch Dios ri naj c'o wi che ri c'olbal ri e c'o wi ri aj israelib.

Ri Daniel 10:3

Man xebentij ta je'lalaj tak wa ja', man xinna' ta u tijic ti'j mawi u wa'l uva, man c'o ta jun c'oc'al xincojo c'ä xeboc'ow na juwinak jun (21) k'ij.

Ajilanic 10:29

Ri u tat ri Hobab are' ri Reuel aj Madian. C'o jun k'ij ri Moises xubij che ri baluc Hobab: “Ri uj cujbe pa ri ulew ri u chi'm ri Ajawaxel chi cuya' chke. Tasaj kuc' cakaban c'u na utzil chawe, ri Ajawaxel u chi'm chi cuban na utzil che ri Israel.”

Ri Lucax 14:1

Pa jun k'ij re uxlanem, ri Jesus xopan cho rachoch jun chque ri qui nimakil ri pariseyib. Cätajin cutij wa chila', c'ac'alem c'u cumal ri pariseyib.

Ri Lucax 14:15

Aretak xuta wa', jun chque ri e c'o ruc' ri Jesus pa ri mexa xubij che: “Utz re ri cutij re ri wa pa ri rajawibal ri Dios.”

1 Corintios 10:18

Kas chebiwila' ri aj israelib; ri quequitij quech ri awaj ri e chi'm che tabal tok'ob ri' caquic'am quech ri tabal tok'ob.

1 Corintios 10:21

Man cuya' taj quiwuq'uiaj ta iwe che ri ruq'uiabal ri Ajawaxel, xukuje' quiwuq'uiaj iwe che ri cuq'uiabal ri itzel tak uxlabal. Mawi cuya' quic'am ta iwe pa ri u mexa ri Ajawaxel, xukuje' quic'am iwe pa ri qui mexa ri itzel tak uxlabal.

1 Corintios 10:31

Je c'u ri', we quixwa'ic, we quixuq'uianic, o we c'o jun jasach chic quibano, chibana' ronojel che u nimarisaxic u k'ij ri Dios.

U Camulixic ri Pixab 12:7

Quixwa' na chila', chuwäch ri Ajawaxel ri i Dios quebiwachilaj tak ri e iwalc'ual quixquicot c'u na che ri u wächinic ri i chac ri ix u tewichi'm wi ri Ajawaxel ri i Dios.

U Camulixic ri Pixab 27:7

xukuje' tabal tak tok'ob re utzirisan ib; chila' c'ut, chuwäch ri Ajawaxel ri i Dios quixwa' wi xukuje' chila' quiban wi nimak'ij.