Elem 18:11 - Quiché Bible

¹¹ xukuje' chupam ri c'ax ri xquiban chiwe. Camic weta'm chic chi ri Ajawaxel are c'o na u k'ij chquiwäch conojel ri diosib.”

Elem 18:11 ပူးပေါင်းရင်းမြစ်များ

Nabe Ajawinelab 17:24

Ri ixok xutzelej u bixic che: “Camic weta'm chi kastzij lal jun achi ri c'o ri Dios uc' la xukuje' chi ri cabij la are' ri kastzij ri Ajawaxel.”

Ucab Ajawinelab 5:15

Are c'u ri are' xukuje' conojel ri e achilaninak xebe che rilic ri Elisey. Aretak xebopan chuwäch, ri Naaman xubij che: “¡Camic nu ch'obom chi pa ronojel ri uwächulew man c'o ta Dios, xane' xak xuwi pa Israel! Rumal ri' quinbochi'n che la chi c'ama' la jun sipanic che we pataninel ech la ri'.”

Nabe Tzijobelil 16:25

rumal rech chi ri Ajawaxel nim u k'ij xukuje' ya'tal u k'ijilaxic, xukuje' xibibal na chquiwäch conojel tak ri diosib.

Ucab Tzijobelil 2:5

Are c'u ri rachoch Dios ri quenyaca' rajawaxic nim cäban che, nim c'u ri ka Dios are nim na chquiwäch conojel ri diosib.

Ri Nehemiy 9:10

Xeban la nimak tak etal xukuje' tak mayibal che u c'ulelaxic ri paraon, xukuje' che qui c'ulelaxic ri e pataninel tak rech xukuje' conojel tak ri winak re ri rulew, rumal rech chi xil la ri c'axc'olil ri xquiban we winak ri' chque ri aj israelib. Xban c'u la chi xnimarisax ri k'ij la jacha' ri u banom camic.

Ri Nehemiy 9:16

Ri e are' xukuje' tak ri e ka mam xquiban nimal, xquicowirisaj quib, man xquiya' ta c'ut qui k'ij ri e takomal la.

Ri Nehemiy 9:29

Xcoj chuk'ab la che u bixic chque chi chequitz'akatisaj chi jumul qui banic tak ri pixab la; e are c'ut ri e are' xquicojo chi man c'o ta cajwataj chque man xeboc ta c'u il che qui nimaxic tak ri e takomal la; man nim ta c'u xequil wi ri e tz'ibam tak wi ri e pixab la, ri quequiya' c'aslemal chque ri quebanowic; man xetan ta tzij e c'osc'obinak, man xeboc ta c'u il.

Salmib 119:21

Ri lal cak'atij la qui wäch ri e banal tak nimal xukuje' ri e c'okotajinak, ri cäquitas quib chquij tak ri e takomal la.

Salmib 135:5

In kas weta'm chi ri Ajawaxel, ri ka Dios, nim na chquiwäch conojel ri diosib.

Salmib 31:23

Chilok'ok'ej ri Ajawaxel, iwonojel ri ix jicalaj tak pataninel rech, quebuchajij c'ut ri jic canima'; are c'u ri cäquinimarisaj quib cuya' na u wi' ri c'äjisabal qui wäch.

Salmib 95:3

Rumal rech chi ri Ajawaxel are' nimalaj Dios, ri nimalaj Ajawinel ri c'o paquiwi' conojel ri diosib.

Salmib 97:9

ri lal c'ut, Ajawaxel ri lal c'o chicaj, lal c'o puwi' ronojel ri uwächulew, nim na banic la chquiwäch ri diosib.

Elem 1:10

kachomaj ba' jas ri cäkaban chque rech man queq'uiyir taj, rumal rech chi, we ne cäpe ch'o'j, caquicoj c'u quib cuc' ri e ka c'ulel rech quech'ojin kuc' quebel c'u bic chupam we ulew ri'.”

Elem 1:16

“Aretak quebiwilij ri ixokib aj hebreyib, chinic'oj ri ac'al we ala o ali; we ali chic'asba'; we ala chicämisaj.”

Elem 1:22

Ri ajawinel pa rech wi xuya' takanic chque conojel ri aj ejiptib, xubij chque: “Chebiq'uiaka' bic ri calc'ual ri aj israelib pa ri nima' ri quil qui wäch ri e alabom, are c'u ri alitomab chebic'asba'.”

Elem 10:3

Ri Moises rachilam ri Aaron xebe che u ch'abexic ri ajawinel, xquibij c'u che: “jewa' cubij ri Ajawaxel ri qui Dios ri aj hebreyib: ‘¿C'ä jampa' ri camach' ta na awib chnuwäch? Chatzokopij bic ri nu tinimit rech cäbe che nu k'ijilaxic;

Elem 12:12

Pa ri ak'ab ri' quinoc'ow na pa ronojel ri Ejipt, quebencämisaj na ri qui nabeal ri aj ejiptib ri e c'o pa tak ri cachoch, xukuje' ri e qui nabeal ri awaj, quinban na ri takal u banic chque conojel ri diosib re Ejipt. In ri Ajawaxel, ri nu yo'm u bixic.

Elem 14:18

Aretak nu c'utum chic ri nu cuinem puwi' ri ajawinel, paquiwi' ri u carwaj xukuje' paquiwi' ri cajquiejab, ri aj ejiptib cäquetamaj na chi in ri' ri Ajawaxel.”

Elem 14:8

Ri Ajawaxel xubano chi co xutac'aba' rib ri ajawinel quebuterenej c'ut ri aj israelib, pune' c'u e elinak ulok wa' ruc' nimalaj cuinem.

Elem 15:11

Oh, Ajawaxel, man c'o ta jun dios ri cacuintaj cujunamaj ta rib uc' la. Man c'o ta chi jun ri sibalaj ta tastalic na mawi nim u bantajic jacha' ta ri lal. Quebe ban la mayibalalaj tak jastak xukuje' xibibal. Ya'tal che la chi cak'ijilax la.

Elem 5:2

Xubij c'u ri ajawinel che ri Moises: “¿Jachin ri' ri Ajawaxel rech quinnimaj ri cubij, quebentzokopij ta c'u bic ri aj israelib? Man weta'm ta u wäch ri Ajawaxel, mawi quebentzokopij ta bic ri aj israelib.”

Elem 5:7

“Miya' chic pajo chque ri aj israelib che qui banic ri xan, jas ri takem ulok u banic; cheboj ri e are' che u molic ri pajo.

Ri Daniel 4:37

Are c'u ri camic, in Nabucodonosor, quink'ijilaj, quinya' u k'ij xukuje' quinya' juluwem che ri Ajawinel re ri caj, rumal rech chi ronojel ri cubano are kastzij xukuje' suc', cäcuin c'u che qui mach'irisaxic ri cäquichomaj quib chi nimak qui k'ij.”

Ajilanic 33:4

ri aj ejiptib cätajin quequimukla' tak conojel ri e nabeal tak qui c'ojol, are c'u xbanow ri Ajawaxel chi xecämic, rumal c'u wa' u k'atom tzij paquiwi' tak ri e qui diosib.

Ri Lucax 1:51

Xuban nimak tak jastak ruc' ri u chuk'ab ri u k'ab. Xebujabuj ri winak ri cäquiban nimal pa ri qui chomanic.

Santiago 4:6

Are c'u ri Dios cuban jun tok'ob ri sibalaj nim na. Rumal ri' cubij ri Tz'ibatalic: “Ri Dios cuk'atij qui wäch ri winak ri cäquinimarisaj quib; chque c'u ri e mach'alic cuya' tok'ob.”

1 Pedro 5:5

Xukuje' ri ix ri c'ä ix ac'alab k'apoj, c'ojolab, chiya' iwib pa takic chque ri quetakan pa ri comon cojonelab. Iwonojel chipatanila' iwib, minimarisaj iwib. Rumal rech chi cubij: “Ri Dios quebuc'ulelaj ri winak ri nimak cäquina' quib, cuban c'u tok'ob chque ri e mach'amoj.”

Nabe Samuel 2:3

Mach'aw jachin jun ruc' nimarisan ib, sibalaj muban nimal jachin jun, rumal rech chi ri Ajawaxel are ri Dios ri reta'm ronojel, ri are' cupajo xukuje' cuk'at tzij puwi' ri cuban ri winak.