Elem 17:7 - Quiché Bible

⁷ ri Moises xucoj Merib che u bi' ri c'olbal ri' rumal rech chi xec'ulelan ri aj israelib che xukuje' xucoj Masa che u bi' rumal rech chi xquic'ambejej ri Dios, aretak xquibij: ¿La c'o pa ri Ajawaxel kuc' o man c'o taj?

Elem 17:7 ပူးပေါင်းရင်းမြစ်များ

Salmib 106:32

Xquiban c'ut chi xoyowar ri Dios chquichi' ri ja' re Merib, qui mac c'u quech ri e are' c'ax xutaklebej ri Moises,

Salmib 78:18

Xcaj xquic'ambejej xquita' qui wa cuq'uia' che jas ri xcaj.

Salmib 81:7

Xinasiq'uij aretak at c'o pa bis, xatinto' c'ut; xatinch'abej ulok pa ri sutz' ri cätililic; xatinc'ambejej chuchi' ri ja' re Merib.

Salmib 81:8

Nu tinimit, chatatabej ri nu pixbenic; ¡c'o ta banom wi chi quinanimaj, Israel!

Salmib 95:8

“Micowirisaj ri iwanima', jas ri xc'ulmataj pa Merib; jacha' ri k'ijol pa Masa, pa ri chaki'j uwo sak,

Elem 17:2

Xquich'a' c'u che ri Moises, je xquibij wa' che: “Chaya' ka ja' ri cäkuq'uiaj.” “¿Jasche quiban iwoyowal chwe? ¿Jasche quic'ambejej ri Dios?” xcha' ri Moises.

Elem 34:9

“¡Ajawaxel! ¡Ajawaxel! We kastzij chi in lok' chwäch la, chujachilaj la bic. We winak ri' kastzij sibalaj e tac, xa ba' sacha' la ri ka mac, ri ketzelal, chujc'ama' che tinimit la.”

Ri Isaiy 12:6

Chebiya' rakoj tak chi'aj re quicotemal ri ix jekel pa Sion, rumal rech chi ri Tastalicalaj u Dios ri Israel c'o pa i niq'uiajil ruc' ronojel ri u nimalil.”

Ri Miquey 3:11

Ri k'atal tak tzij rech ri tinimit caquiya' quib cäban u pa qui k'ab, ri e cojol tabal tok'ob xuwi quetijonic we quetojic are c'u ri e k'axal tzij quequic'ayij tak ri quequiya' u bixic caquicoj c'u pa qui tzij chi e takom rumal ri Ajawaxel, je c'u caquibij wa': “Ri Ajawaxel c'o kuc'; man c'o ta lawaloyil cakataklebej ta na.”

Ajilanic 14:22

man c'o ta jun chque ri quilom ri nu juluwem xukuje' tak ri mayibal ri xebenban pa Ejipt xukuje' pa ri chaki'j uwo sak, in qui c'ambejem c'u ne q'ui mul pa ri chaki'j uwo sak man quiyo'm ta c'u qui tzij che qui nimaxic tak ri takanic ri e nu yo'm,

Ajilanic 20:13

Are bulbux ja' wa' re ch'ach'atem, jawije' ri xech'ach'at wi ri aj israelib chrij ri Ajawaxel ri are' c'ut xuc'ut ri u tastajic chquiwäch.

Ajilanic 20:24

“Ri Aaron quecämok, man coc ta c'u na chupam ri ulew ri nu yo'm chque ri aj israelib, chunakaj c'ut ri bulbux ja' re ch'ach'atem ri ix man xebinimaj ta ri e nu takanic.

Ajilanic 27:14

i cabichal c'u ya' man xixniman ta chque ri e nu takanic chupam ri chaki'j uwo sak re Zin aretak ri tinimit xch'ach'at chwe, man c'u xiya' ta nu k'ij chquiwäch we winak ri' aretak xquitz'onoj ja'.” (Wa are' cunataj ri bulbux ja' re ch'ach'atem, pa Cades chupam ri chaki'j uwo sak re Zin.)

Ri Xuan 1:14

Ri Tzij xuc'am ri qui banic winak, xc'oji' chkaxo'l. Xkil ri u juluwem, jacha' ri u juluwem ri xa jun chi C'ojolaxel ri elinak ulok ruc' ri Tataxel, nojinak che tok'ob xukuje' kastzij.

U Camulixic ri Pixab 31:17

Cänicow c'u na ri woyowal paquiwi', quebenxutuj c'u na canok; man c'o ta chi jas quinoc ta chi wi il chque, sibalaj c'u e q'ui ri etzelal xukuje' ri rikoj tak c'ax ri cäpe na paquiwi', rumal c'u ri' cäquibij na: Ri c'ax ri cätajin cäkariko, ¿La ma ta lo are cabanowic chi ri ka Dios man c'o ta chi kuc'?

U Camulixic ri Pixab 33:8

Xubij c'ut ri cuc'ulmaj na ri Levi: “Ajawaxel ech la ri Tumim xukuje' ri Urim; e ech la xukuje' rech ri winak ri e jic chwäch la, ri xtijtobej la rij pa Masa, ri xch'ojin la ruc' pa tak ri ja' re Merib,

U Camulixic ri Pixab 6:16

Mic'ambejej ri Ajawaxel ri i Dios, jas ri xiban pa Masa.

U Camulixic ri Pixab 9:22

Xukuje' pa Taber, pa Masaj xukuje' pa Kibrot-hataab, xiyac ri royowal ri Ajawaxel.

Ri Josue 22:31

Are' c'u ri cojol tabal tok'ob ri Pinees, ri u c'ojol ri Eleazar, xubij chque: “Camic keta'm chi man c'o ta chi queblan c'u'x kuc' chi c'o ri Ajawaxel kuc', are' c'u ri ix man i tijtobem ta u walijisaxic iwib chrij are', uj iwesam c'ut pa u k'ab ri c'äjisabal wächaj ri cuya' ta na ri Ajawaxel chke.”