Elem 16:34 - Quiché Bible

³⁴ Ri Aaron je xubano jas ri takanic ri xuya' ri Ajawaxel che ri Moises, ri Aaron xuya' ri t'uy chuwäch ri caxa ri c'o wi ri c'ulwächinic rech cac'ol chupam.

Elem 16:34 ပူးပေါင်းရင်းမြစ်များ

Nabe Ajawinelab 8:9

Man c'o ta c'u jas c'o chupam ri caxa xane' xak xuwi ri quieb tz'alam tak abaj ri xebuya' ri Moises chupam chila' pa Horeb, ri quieb tz'alam rech ri c'ulwächinic ri xuban ri Ajawaxel cuc' ri aj israelib aretak xebel ulok pa Ejipt.

Elem 25:16

chaya' c'u chupam ri caxa ri pixab ri quenya' chawe.

Elem 25:21

Chaya' ri tz'apibal puwi' ri caxa, chaya' c'u ri pixab chupam ri caxa ri quenya' chawe.

Elem 27:21

Ri Aaron e rachilam ri e u c'ojol e are' quesuc'uman ri yabal k'ak' rech quenicow jun ak'ab chuwäch ri Ajawaxel chupam ri Lic'om Rachoch Dios re rikoj ib, chrij ri ch'ukubal ri c'o chunakaj ri caxa re ri c'ulwächinic. Jun pixab wa' ri cäcanaj chque ri aj israelib xukuje' chque ri e quija'lil.”

Elem 30:36

Sibalaj coc' u que'xic niq'uiaj chabana', chaya' chuwäch ri caxa re ri c'ulwächinic, chupam ri Lic'om Rachoch Dios re rikoj ib o ri xinrik wi na wib awuc'. We c'oc' k'ol ri' are wa' ri sibalaj tastal na,

Elem 30:6

Chaya' ri porobal ri cäporox wi ri c'oc' k'ol chuwäch ri ch'ukubal ri c'o chunakaj ri caxa ri c'o wi ri c'ulwächinic, chuwäch ri tz'apibal ri cäch'ukuwic, ri quinrik wi na wib awuc'.

Elem 31:18

Aretak ri Ajawaxel xutanaba' u tzijobexic ri Moises puwi' ri juyub Sinai, xebujach quieb tz'alam abaj che ri tz'ibatal wi ri pixab rumal ri kas u wi' u k'ab ri Dios.

Elem 38:21

Rumal ri takanic ri xuya' ri Moises che ri Itamar, ri u c'ojol ri Aaron ri cojol tabal tok'ob, ri aj levitib xcajilaj ri u q'uial ri ch'ich' ri xecoj che u banic ri k'ijilabal re ri c'ulwächinic.

Elem 40:20

Xebuc'am ri Moises ri tz'alam tak abaj ri e tz'ibatal wi ri pixab, xebuc'ol chupam ri caxa re ri c'ulwächinic; xebujut ri u balul ri caxa pa tak u xcut xucoj c'u ri tz'apibal puwi',

Ajilanic 1:50

Ri aj levitib rajawaxic e are' quebacojo rech quepatanij chupam ri k'ijilabal rech ri c'ulwächinic, e are' ri quek'axen ri k'ijilabal e rachil tak ri e u chaconisan, xukuje' ronojel ri cajwataj che ri u patanixic. Xukuje' rajawaxic chi chrij ri k'ijilabal quekaj wi.

Ajilanic 1:53

E are' c'u tak ri aj levitib, chrij ri k'ijilabal re ri c'ulwächinic quekaj wi, e are' c'u quechajinic, rech man cäpe ta royowal ri Ajawaxel chquij ri aj israelib.”

Ajilanic 17:10

Xubij c'ut ri Ajawaxel che ri Moises: “Chatzelej ri u ch'amiy ri Aaron chuwäch ri caxa rech ri c'ulwächinic, chac'olo' c'u chi' jacha' che jun c'utbal che we tinimit ri' ri man cacaj ta ch'abexic. Jeri' caban na chi caquitanaba' na nu yok'ic chawäch, man c'u quecäm ta na.”

U Camulixic ri Pixab 10:5

xinkaj c'u ulok puwi' ri juyub; xebenya' c'u ri quieb tz'alam tak abaj chupam ri caxa, jacha' ri takanic ri xuya' ri Ajawaxel chwe, c'ä e c'o c'u chupam camic.”