Elem 16:32 - Quiché Bible

³² Xubij c'u ri Moises chque: “Are wa' ri takanic ri u yo'm ri Ajawaxel. ‘Chinojisaj jun pajbal re quieb tzima (2 litro) che jaswa', chic'olo' che u c'utic chquiwäch ri e u wi' tak i mam, rech caquetamaj u wäch ri wa ri xintzukbej iwe pa ri chaki'j uwo sak aretak xixinwesaj ulok pa Ejipt.’ ”

Elem 16:32 ပူးပေါင်းရင်းမြစ်များ

Salmib 105:5

Chenataj chiwe ri e nimak tak u chac xukuje' e mayibal, xukuje' ri pixab ri e tz'ibam ri e u yo'm qui bixic;

Elem 16:16

Are wa' ri takanic ri u yo'm ri Ajawaxel: ‘Chijujunal chimolo ri cajwataj che, che u tijic, xukuje' chebiwajilaj joropa' ri e c'o pa ri iwachoch, craj ne cacab tzima (2 litro) ri cäquitij jujun winak.’ ”

Elem 16:31

Ri aj israelib xquicoj “jaswa'” che u bi' ri cäquimolo. Sak jacha' ri u wäch culanto, qui' jacha' ri wotz'otz' ri yo'm ta juyubal räx cab puwi'.

Elem 16:33

Xubij c'u ri Moises che ri Aaron: “Chac'ama' jun t'uy, chaya' jun gomer (quieb litro) jaswa' chupam. Chaya' chuwäch ri Ajawaxel, rech cäc'ol can chque ri e u wi' tak i mam ri quepe na.”

Ri Jeremiy 7:23

Are c'u ri takanic ri xinya' chque are wa' chi che niman chwe; we c'u je cäquiban wa' quincanaj ri' che qui Dios are c'u ri e are' quecanaj ri' che nu tinimit. Xinbij c'u chque chi je chiquibana' jacha' ri takanic ri xinya' chque, rech utz caquitaklebej.

Ri Osey 11:4

Cuc' tak colob re chuch'ujil, cuc' tak c'am que lok'ok'ebal c'uxaj, xebenjic' wuc'; xebennakajij chque ri nu palaj e jacha' ta ne alaj tak ac'alab ri c'ä quetunic, xinpachaba' na wib che qui tzukic,

Ri Lucax 22:19

Xuc'am ri wa, xumaltioxij che ri Dios, xupiro, xuya' chque ri u tijoxelab, xubij: “Are nu cuerp wa', ri jachom u mac iwech. Chitija' wa' che natabal wech.”

Hebreos 2:1

Rumal ri', rajawaxic chi sibalaj quekanimaj na ri jastak ri ka tom, mäkatas kib chrij.

Hebreos 9:4

Chila' xc'oji' wi jun porobal coc'al re k'an puak, xukuje' ri u caxa ri c'ulwächinic. Ri u caxa ri c'ulwächinic ronojel ch'ukutal rij che k'an puak. Chupam c'u wa' xc'oji' wi jun tzima re k'an puak ri xc'oji' wi ri jaswa', ri u ch'imiy ri Aaron ri xtuxic, xukuje' ri tz'alam tak abaj ri tz'ibam wi ri c'ulwächinic.