Elem 16:23 - Quiché Bible

²³ xubij c'u ri Moises chque: “Are wa' ri takanic ri u yo'm ri Ajawaxel. Chwek are k'ij re uxlanem, jun uxlanem ri tastalic che u k'ijilaxic ri Ajawaxel. Chitzaca' camic ri rajawaxic u tzaquic, ri rajawaxic u rokowisaxic chi rokowisaj, ronojel c'u ri cäto'taj canok chic'olo' che re chwek.”

Elem 16:23 ပူးပေါင်းရင်းမြစ်များ

Ri Nehemiy 9:13

Xkaj chi c'u la ulok puwi' ri juyub Sinai, xch'aw chi la ulok cuc' kas chicaj; xya' la suc'alaj tak pixab chque ri e tz'ibatalic, tijonic tak ri e colom, utzalaj pixab tak, utzalaj tak takomal.

Ri Nehemiy 9:14

Xetijoj c'u la che u tasic ri k'ij re uxlanem che la, xeya' c'u la tak takomal chque, tijonic tak ri e colom, pixab tak xukuje' tak tijonic rumal ri pataninel ech la ri Moises.

Elem 16:19

Xubij c'u ri Moises chque: “C'o jun c'o mutas can che re ri ucab k'ij.”

Elem 23:12

Ronojel ri rajawaxic u banic awumal, chabana' can pa ri wakib k'ij, pa ri uwuk k'ij c'ut rajawaxic catuxlanic, rech cuxlan ri a wacax, ri a bur, rech cuc'ac'arisaj ri u chuk'ab ri lok'om a pataninel xukuje' ri man a winakil taj.

Elem 31:15

Wakib k'ij cuya' cäban chac, are c'u ri uwuk k'ij, k'ij wa' re uxlanem che u ya'ic u k'ij ri Ajawaxel. Apachin c'u ri cächacun pa ri k'ij re uxlanem, cäcämisaxic.

Ri Jeremiy 17:22

Miwesaj c'u ne jun eka'n chupam ri iwachoch pa ri k'ij re uxlanem, mawi c'o jun chac miban chupam. Chatasa' ri kij re uxlanem chwe, jacha' ri xeben tak wi ri e i mam.

Aj Levitib 23:3

Wakib k'ij catchacun, are c'u ri uwuk k'ij; man ya'tal taj jun chac, are jun k'ij ri nim u banic re uxlanem c'o c'u na jun mulin ib. We k'ij ri cux na k'ij re uxlanem che u ya'ic u k'ij ri Ajawaxel.

Ajilanic 11:7

(Ri jaswa' cäjunamataj ruc' ri u wäch culanto; k'ank'oj rilic jacha' ri cäpe k'ol,

Ajilanic 11:8

junam c'u u na'il ruc' ri caxlanwa ri cäya' aseit ruc'. Ri winak quebel bic che u molic, cäquiquiej c'ut o caquiwech' pa wech'ebal, caquiban che riquil o caquiban che caxlanwa.

Ri Lucax 23:56

Aretak xetzelej ulok, xequisuc'umaj tak c'oc'al xukuje' c'oc'alaj tak cunabal. Xebuxlan c'u pa ri k'ij re uxlanem, jas ri cubij ri pixab.

U Camulixic ri Pixab 5:12

Mäsach ri k'ij re uxlanem pa a jolom che u tasic jacha' che u k'ijilaxic ri Ajawaxel, jas ri takanic ri u yo'm ri Ajawaxel chawe.

Apocalipsis 1:10

Xc'ulmataj c'ut chi pa ri k'ij re ri Ajawaxel, in c'o pa ri Uxlabaxel. Xinta' c'u jun nimalaj ch'abal chwij je ta ne ri rok'ebal jun trompet,