Elem 15:27 - Quiché Bible

²⁷ Xebopan c'u pa Elim ri c'o wi cablajuj (12) bulbux ja', xukuje' oxc'al lajuj (70) tut, chila' c'u xekaj wi chuchi' ri ja'.

Elem 15:27 ပူးပေါင်းရင်းမြစ်များ

Salmib 23:2

Cuban chwe chi quinuxlan pa räx tak echa', cuc'am nu be jawije' e c'o wi nima' ri quelemow wi ri ja',

Elem 16:1

Xebel bic conojel ri aj israelib pa Elim, xebopan pa ri chaki'j uwo sak re Sin ri c'o chuxo'l ri Elim ruc' ri Sinai. Pa ri u niq'uiajiribal ri ucab ic' che ri quelic ulok pa Ejipt.

Ri Isaiy 12:3

Xukuje' ri ix cuya' quixbec qui wuq'uiaj iwe ruc' quicotemal che ri u q'uiyibal ri colobal ib,

Ri Ezequiel 47:12

Che ri quieb u chi' ri nima' queq'uiy na ronojel qui wäch tak che' ri quequiya' qui wächinic. Ri e qui xak mawi jumul quepulpubic, mawi c'u quequitanaba' ta u ya'ic wächinic. Chujujun tak ic' quequiya' wächinic, rumal rech chi quejabux rumal ri ja' ri elinak ulok chupam ri Rachoch Dios. Ri e qui wächinic tak quebajwataj che k'obisabal e are tak c'ut ri qui xak quebajwataj che cunabal.”

Ajilanic 33:9

Xebel bic pa Mar xebopan pa Elim, jawije' e c'o wi cablajuj bulbux ja' xukuje' oxc'al lajuj juwi' tak tut xebekaj c'u chila'.

Apocalipsis 22:2

Pa u niq'uiajil c'ut ri u be ri nimalaj tinimit xukuje' che ri quieb u chi' ri nima' c'o wi ri che' re c'aslemal. Cuya' cablajuj u wäch, cäwächin chi ic'. Ri e u xak ri che' quecoj na che qui cunaxic ri nimak tak tinimit.

Apocalipsis 7:17

Are' c'ut ri Alaj Chij ri c'o pa u niq'uiajil ri tem re ajawibal quebuyuk'uj na, cuc'am na qui be pa tak qui q'uiyibal ja' re c'aslemal. Ri Dios cusu' na ri u wa'l qui wäch.”