Elem 15:26 - Quiché Bible

²⁶ Xubij chque: “In ri' ri Ajawaxel ri i Dios, we kas quitatabej ri quinbij chiwe, we quiban ri suq'uil chnuwäch, quinimaj ri nu takomal, quebitz'akatisaj tak ri nu pixab, mawi jun chque ri yabil ri xintak paquiwi' ri aj ejiptib quintak ta piwi' ix, in c'ut ri Ajawaxel, ri quixincunaj.”

Elem 15:26 ပူးပေါင်းရင်းမြစ်များ

Nabe Ajawinelab 11:33

Rumal rech chi in u xutum ri Salomon, u chaplem c'u u k'ijilaxic ri Astarte, ixok qui dios ri sidonib; ri Quemos, qui dios ri aj moabib; xukuje' ri Milcom qui dios ri aj amonib. Ri e u banoj man utz ta quebenwilo, man u tz'akatisam ta qui banic tak ri e nu pixab xukuje' tak ri e nu takanic jacha' ri xuban ri David, ri u tat,

Nabe Ajawinelab 11:38

We c'u canimaj ronojel ri catintak che u banic quebux c'u colom ri e a banoj chnuwäch, we c'u quebatz'akatisaj tak ri e nu pixab xukuje' tak ri nu takomal, jacha' ri xuban ri David, ri pataninel wech, in quinc'oji' na awuc', quinban na chi quebenjekeba' na ri awalaxic pa ri ajawinic, jacha' ri xinban che ri David; quinjach c'u na ri Israel chawe.

Ucab Ajawinelab 2:21

Xuwi c'u xya'taj ri lak che, ri Elisey xbec jawije' c'o wi ri u q'uiyibal ja' xuq'uiak c'ut ri atz'am chupam, je xubij wa': “Je' wa' cubij ri Ajawaxel: ‘Ri in wutzirisam we ja' ri', mawi c'u jumul cäcämisan chic mawi cäretzelaj ri ulew rech ma ta cäwächin chic.’ ”

Ucab Ajawinelab 20:5

“Chattzelejok chabij che ri Ezequiy, ri c'amal u be ri nu tinimit: ‘Ri Ajawaxel, ri u Dios ri a mam David, cubij: In xintatabej ri a bochi'nic xukuje' xebenwil ri e u wa'l tak a wäch. Catinwutzirisaj na, pa oxib k'ij c'ut catcuinic catbe chupam ri rachoch ri Ajawaxel.

Ucab Ajawinelab 22:2

Ri e u banoj ri Josiy e suc' xeril ri Ajawaxel, are c'u xutakej u banic ronojel ri xuban ri David, ri u mam, man c'o ta xujech'ba ta wi rib.

Ri Job 5:18

We ri are' cuban jun soconic, ri are' xukuje' cubotz' na; we ruc' ri u k'ab cuban ri soconic, xukuje' are' ruc' ri u k'ab cucunaj na.

Salmib 103:3

Are' ri quecuyuw conojel tak ri wetzelal; are' ri quecunan conojel tak ri e nu yabilal;

Salmib 147:3

Ri are' quebucunaj ri pak'pobinak canima', quebubotz' c'u ri qui socotajic.

Salmib 81:9

Mec'oji' qui diosib jule' tak winak chic iwuc'; mebak'ijilaj jule' tak diosib chic.

Elem 12:29

Niq'uiaj ak'ab ri Ajawaxel xebucämisaj ri e nabeal tak c'ojolaxelab ri e aj ejiptib, are jun ri u nabeal ri ajawinel ri cät'uyi puwi' ri tem re ajawibal xukuje' ri u nabeal ri c'o pa che', xukuje' ri e qui nabeal tak ri awaj.

Elem 19:5

Je c'u ri' we quinimaj ri quinbij chiwe, we kas quibano jas ri cubij ri nu c'ulwächinic, quixoc na che nu tinimit ri nim u k'ij chquixo'l conojel tak ri tinimit, wech c'u ronojel ri uwächulew.

Elem 19:6

Ri ix quixux na ajawib e cojol tabal tok'ob chwe, jun tinimit ri tastal chwe.’ Chabij ronojel wa' chque ri aj israelib.”

Elem 20:2

“In ri' ri Ajawaxel ri a Dios, ri xatresaj ulok pa Ejipt, ri at cojom wi che pataninel jacha' ta ne ri lok'om.

Elem 23:25

Chak'ijilaj ri Ajawaxel ri a Dios, cutewichi'j c'u na ri a wa, xukuje' ri awuq'uia'. Ri in quinwesaj ronojel u wäch yabil chawij,

Ri Isaiy 55:3

Chixpet wuc', chitatabej ri quinbij, chitampe' ri quinbij, quixc'asi' c'u na. In quinban na iwuc' jun junalic c'ulwächinic, jewa' ri qui tz'akatisaxic tak ri chi'nic ri xinban rumal ri u lok'al ri David.

Ri Isaiy 57:18

Wilom ri u c'aslemal, quincunaj c'u na, quinya' na uxlanem che, man c'o ta chi quebel wi ch'u'j. In quincu'bisaj na qui c'u'x ri quebisonic,

Ri Jeremiy 11:7

Aretak xebenwesaj ulok pa Ejipt ri e i mam, xinban u bixic chque chi xuwi ta ne che niman chwe, kas c'u ojer ulok c'ä camic nu takem ulok u bixic chque.

Ri Jeremiy 17:24

In, ri Ajawaxel, quinjiquiba' u bixic: Kas c'u chixniman chwe, micoj bic jun eka'n chquichi' tak ri oquibal pa ri tinimit chupam ri k'ij re uxlanem; chitasa' we k'ij ri' chwe c'o c'u jun chac miban chupam.

Ri Jeremiy 30:17

Quintzelej na ri rutzil a wäch, quebencunaj na ri e a socotajic, pune' ta c'u ne caquibij ri cäquiban qui c'ulel chawe: ‘Ri Sion malabam canok, man c'o ta jun coc ta il che.’ In, ri Ajawaxel quinjiquiba' u bixic.”

Ri Jeremiy 33:6

Quebencunaj c'u na, quinya' na ri rutzil qui wäch quinban c'u na chi ruc' nim ilic quec'oji' na pa jamaril xukuje' ruc' jiquiban c'uxaj.

Ri Jeremiy 7:23

Are c'u ri takanic ri xinya' chque are wa' chi che niman chwe; we c'u je cäquiban wa' quincanaj ri' che qui Dios are c'u ri e are' quecanaj ri' che nu tinimit. Xinbij c'u chque chi je chiquibana' jacha' ri takanic ri xinya' chque, rech utz caquitaklebej.

Ri Jeremiy 8:22

¿La ma ta lo c'o jun cunabal pa Galaad? ¿La ma ta lo c'o jachin jun chi' cacunanic? ¿Jasche man cacunataj taj ri nu tinimit?

Ri Ezequiel 18:5

Ri achi ri colom, are' ri cabanow ri suq'uilal xukuje' ri colomal:

Ri Osey 11:3

Ruc' ronojel wa', in xinc'am u be ri tinimit Eprain xinc'ut c'ut ri binem chuwäch, man c'u xquich'ob taj in ri' quebenchajij.

Ri Osey 6:1

Tisaj iwonojel chujtzelej c'u ruc' ri Ajawaxel. Are' xujmuchuwic cujrutzirisaj c'u na xukuje'; xujusoco, cujucunaj c'u na xukuje'.

Aj Levitib 26:13

In ri' ri Ajawaxel ri i Dios, ri xixinwesaj ulok pa ri qui tinimit ri aj ejiptib rech man quitakej iwuxic qui lok'om pataninelab, in xinwesaj ri eka'bal ri cojom piwi', xinwalijisaj ri i jolom rech jicom chic quixbinic.”

Aj Levitib 26:3

We quebitakej ri e nu pixab, we quebinimaj ri e nu takomal, quiban c'ut jas ri cäquibij,

Ajilanic 12:13

Are c'u ri Moises xtz'onon che ri Ajawaxel: “Bana' la tok'ob, oh Dios quinbochi'n che la chi chcunaj la.”

U Camulixic ri Pixab 12:25

Mitijo, utz c'u quixel na, ri ix xukuje' ri e iwalc'ual, rumal ri u banic ri suq'uilal chuwäch ri Ajawaxel.

U Camulixic ri Pixab 12:28

Chitatabej chitz'akatisaj c'u u banic ronojel ri ix nu takom wi, rech utz quixel na amak'el, ri ix xukuje' tak ri e iwalc'ual, rumal ri u banic ri suq'uilal xukuje' ri cäkaj chuwäch ri Ajawaxel ri i Dios.”

U Camulixic ri Pixab 13:18

we man cäsach pa i jolom ri nimanic che ri Ajawaxel xukuje' we quibano jas ri ix nu takom che u banic camic, xukuje' we quiban ri suc' chuwäch.”

U Camulixic ri Pixab 28:27

Ri Ajawaxel quebuq'uiyisaj na nimak tak ch'a'c chawij jacha' ri xpe chquij ri aj ejiptib, xukuje' sipoj, salc'am xukuje' quiäk chi'm, man c'u quebarik ta cunabal che qui cunaxic tak we yabil ri'.

U Camulixic ri Pixab 28:58

We man quebaban conojel ri cubij ri pixbenic ri e tz'ibatal chupam we wuj ri', mawi nim cawil wi ri u bi' ri Ajawaxel ri a Dios ri sibalaj nim u k'ij ri xukuje' c'o takanic pa u k'ab,

U Camulixic ri Pixab 28:60

Cuban na chi quetzelej ulok pawi' conojel ri banbal c'ax ri xepe can puwi' ri Ejipt, ri sibalaj xaxe'j awib chque, amak'el c'ut quebacoch' na.

U Camulixic ri Pixab 32:39

Xuwi ri in in Dios; man e c'o ta niq'uiaj chic chnuwäch in. In quinyo'w ri c'aslemal xukuje' in quinesan ri c'aslemal; in quinbanow ri socotajic xukuje' in quincunanic. Man c'o ta jachin jun cacuinic cuto'tajisaj ta rib pa ri nu k'ab.

U Camulixic ri Pixab 5:1

Ri Moises xumulij ronojel ri tinimit Israel xubij c'u chque: “Chitatabej aj israelib, ri pixab xukuje' tak ri tz'ibatalic ri quebenya' qui bixic chiwe camic. Utz quetamaxic chebibana', chebitakej c'u qui banic.

U Camulixic ri Pixab 7:15

Ri Ajawaxel cunajtajisaj na chiwe ronojel u wäch yabil, xukuje' ronojel u wäch banbal c'ax jas ri iweta'm chi xutak ulok puwi' ri Ejipt; are c'u querikow na ri e i c'ulel.