Elem 15:25 - Quiché Bible

²⁵ Ri Moises xuta' ri u to'banic ri Ajawaxel, ri are' xuc'ut jun che' chuwäch. Xuq'uiak c'u ri Moises ri che' pa ri ja', xel c'u ri u c'ayil. Chila' c'ut xec'ambejex wi rumal ri Ajawaxel, xuya' c'u jun pixab chque xukuje' jun suc'umabal ri qui c'aslemal.

Elem 15:25 ပူးပေါင်းရင်းမြစ်များ

Ucab Ajawinelab 2:21

Xuwi c'u xya'taj ri lak che, ri Elisey xbec jawije' c'o wi ri u q'uiyibal ja' xuq'uiak c'ut ri atz'am chupam, je xubij wa': “Je' wa' cubij ri Ajawaxel: ‘Ri in wutzirisam we ja' ri', mawi c'u jumul cäcämisan chic mawi cäretzelaj ri ulew rech ma ta cäwächin chic.’ ”

Ucab Ajawinelab 4:41

Xuya' c'u takanic ri Elisey: “Chic'ama' ulok jubik' c'äj chwe.” Xuya' c'ut ri c'äj chupam ri t'uy, xuya' takanic. “¡Camic chi cojo' c'u wa' chquiwäch ri winak!” Xewa' c'u ri winak, man c'o ta chi c'ut etzelal chupam ri t'uy.

Ucab Ajawinelab 6:6

“¿Jawije' xkaj wi?” xcha' ri k'axal tzij che. Ri jun chic are' xc'utuw ri c'olbal. Ri Elisey xut'oy ri u k'ab jun che', xunim bic chila' xuban c'ut chi cälew ri icäj xel ulok.

Salmib 50:15

Chinasiq'uij aretak at c'o chupam ri c'axc'olil; in catinwesaj na chupam ri c'axc'olil, ri at c'ut caya' na nu k'ij.

Salmib 66:10

Nu Dios, uj tijtobem la, ¡uj josk'im la jacha' ri cäban che ri sak puak!

Salmib 81:7

Xinasiq'uij aretak at c'o pa bis, xatinto' c'ut; xatinch'abej ulok pa ri sutz' ri cätililic; xatinc'ambejej chuchi' ri ja' re Merib.

Salmib 91:15

Aretak quinusiq'uij, quintzelej na u wäch ri u tzij; ¡in quinc'oji' na ruc'! Quinwesaj na chupam ri c'ax quinya' na u k'ij;

Salmib 99:6

Ri Moises xukuje' ri Aaron e c'o chquixo'l ri e cojol tak tabal tok'ob; ri Samuel c'o chquixo'l ri cäquiya' u k'ij ri u bi'. Ri Ajawaxel cutzelej u wäch qui tzij aretak caquitz'onoj ri u to'banic.

Elem 14:10

Aretak xquil ri aj israelib chi ri ajawinel xukuje' ri aj ejiptib xenakajin ulok chque, sibalaj xquixe'j quib, xquitz'onoj ri u to'banic ri Ajawaxel.

Elem 16:4

Ri Ajawaxel xubij che ri Moises; “Quinbana' na chi cäjabin ulok qui wa chicaj. Conojel c'u ri winak quebel na bic che u molic ulok ri cäquitij che ri jun k'ij. Quinwaj quinwilo jachin cäniman che ri nu takanic, xukuje' jachin ri man cäniman taj.

Elem 17:4

Ri Moises xtz'onon che ri Ajawaxel, xubij c'u che: “¿Jas quinban cuc' we winak ri'? Xa co'l man quinquicämisaj che abaj.”

Elem 20:20

Ri Moises xubij chque: “Mixe'j iwib. Ri Dios petinak che i c'ambejexic rech amak'el quina' iwib chuwäch rech man quixmacun taj.”

E C'ambal tak Tzij 17:3

Ri k'an puak xukuje' ri sak puak, ri k'ak' quetijtobenic; ri e chomanic tak quebutijtobej ri Ajawaxel.

Ri Jeremiy 15:1

Ri Ajawaxel xubij chwe: “Pune' ta ne ri Moises rachil ri Samuel quelquitac'aba' ta quib waral, chnuwäch in, man quel ta na nu c'u'x che we tinimit ri'. Chabij chque chi chebel chnuwäch, chi cheboj.

Ri Jeremiy 9:7

Rumal ri', in, ri Ajawaxel ri c'o ronojel nu cuinem, quinbij: ¿Jas ta chic ri jun jasach ri quincuin ta chi che u banic che ri nu tinimit, we man are ri u cojic pa ri k'ak' che u ch'ajch'ojirisaxic?

Ri Ezequiel 47:7

Xinwil c'ut chi sibalaj e q'ui ri che' ri e tiquitoj che ri quieb u chi'.

Ri Ezequiel 47:8

Xubij c'u chwe: “We ja' ri' cäbe pa ri ulew ri c'o pa ri elebal k'ij ri quekaj c'ä xo'l tak ri abaj c'ä chuchi' ri Jordan, ri quetakal c'u ne pa ri Cäminak Cho. Aretak chopan chila', ri u ja'il ri cho caquiyar na.

1 Corintios 1:18

Xa' c'u conil ri tzij re ri ripibal chque ri winak ri cäsach qui wäch. Chke c'u ri uj ri cujcolotajic, ri tzij ri' are u cuinem ri Dios.

U Camulixic ri Pixab 13:3

Minimaj ri cubij chiwe. Are c'u cäraj ri Ajawaxel ri i Dios quixuc'ambejej che retamaxic we kas qui lok'ok'ej ruc' ronojel iwanima' xukuje' ruc' ronojel i c'aslibal.

U Camulixic ri Pixab 8:16

Jaswa' xutzukbej ri iwech pa ri chaki'j uwo sak, ri wa ri' man xquetamaj ta u wäch ri e i mam, che i mach'irisaxic, che i c'ambejexic xukuje' che u banic utzil chiwe chuq'uisbalil.

U Camulixic ri Pixab 8:2

Chnataj chiwe ronojel ri be ri xixuc'am wi ulok ri Ajawaxel ri i Dios pa ri chaki'j uwo sak ronojel ri cawinak junab, che i mach'irisaxic, xukuje' che i c'ambejexic, rech caretamaj tak ri e i chomanic, cäretamaj c'ut we quebitz'akatisaj, o we man quitz'akatisaj ta ri e u takomal.

K'atal tak Tzij 2:22

Ruc' wa' ri Ajawaxel craj cärilo we ri aj israelib cäquiterenej ri u be ri Ajawaxel jacha' ri xquiban ri e qui mam, o jayi'.

K'atal tak Tzij 3:1

E are tak tinimit wa' ri xebuya' can ri Ajawaxel pa ri ulew, che qui c'ambejexic ri aj israelib ri c'ä maja' que alaxic aretak xcoj chuk'ab che u ch'äquic ri Canaan.

K'atal tak Tzij 3:4

Cumal wa', ri Ajawaxel xraj xrilo we ri aj israelib queniman che ri takanic ri xuya' chque ri e qui mam rumal ri Moises.