Elem 15:2 - Quiché Bible

² “Ri nu bix quinya' che ri Ajawaxel, are nu chuk'ab xukuje' nu colotajic. Ri are' are nu Dios, ya'tal u k'ijilaxic wumal; are u Dios ri nu tat, ya'tal u ya'ic u k'ij wumal.

Elem 15:2 ပူးပေါင်းရင်းမြစ်များ

Chapletajic 17:7

Ri c'ulwächinic ri quinban awuc', ri xukuje' quinban cuc' conojel ri e awija'lil ri quepe na, chi ri in quinux na a Dios amak'el xukuje' qui Dios ri e are'.

Chapletajic 49:18

¡Oh, Ajawaxel, quinweyej chi quincol la!

Ucab Samuel 22:3

nu Dios, ri nimalaj abaj ri quinuto', nu quetequic ch'ich', ri cuinem ri quinto'tajisanic, ri c'ubal wib ri sibalaj chicaj c'o wi, ri nu panibal ri sibalaj chicaj, c'o wi ri nu Colonel. ¡Xinto'tajisaj la man xintokix ta bic!

Ucab Samuel 22:47

¡Yokok u k'ij ri Ajawaxel! ¡Tewichitalic ri to'l wech! ¡Nimarisax u k'ij ri Ajawaxel, ri quinuto'tajisaj xukuje' cuto' nu wi'!

Ucab Samuel 22:51

Queya' la nimak tak ch'äcanic che ri ajawinel ri cha'om la; amak'el quel c'u'x la che ri David xukuje' chque ri e rija'lil.”

Ucab Samuel 7:24

xa c'u jumul chomam la chi ri Israel cux tinimit la re chbe k'ij sak, are c'u ri lal, Ajawaxel cux na la u Dios.

Ucab Samuel 7:5

“Jät jatzijobej ri pataninel wech ri David, chaya' u bixic che chi ri in, ri Ajawaxel, nu bim: ‘Man at taj ri catyacow ta na jun wachoch rech quinc'oji' chupam.

Nabe Ajawinelab 8:13

Are c'u ri in nu walijisam jun achoch la rech cajeki' la chupam, jun c'olbal ri cajeki' wi la amak'el.”

Nabe Ajawinelab 8:27

¿La kas ta c'u tzij chi ya'talic chi ri Dios cajeki' chuwäch ri uwächulew? Ri caj ruc' ronojel ri u nimalil man cacuin ta che u k'iic, ¡e ta c'u lo we achoch la ri' ri nu yacom che la!

Nabe Tzijobelil 16:14

are' ri Ajawaxel, ri ka Dios; ¡are' ri catakan puwi' ronojel ri uwächulew!

Salmib 109:1

Nu Dios, xak ma ta la ri nu ch'awem uc' la.

Salmib 118:14

In quinbixon che ri Ajawaxel, ri cäyo'w nu chuk'ab; are' nu colonel.

Salmib 118:21

Quinya' maltioxinic che la, Ajawaxel, rumal chi tzelem la u wäch nu tzij, xukuje' chi lal nu colonel.

Salmib 118:28

Quinmaltioxin che la quinya' c'ut u k'ij ri nimalil la, lal c'ut ri nu Dios.

Salmib 132:5

c'ä quinrik na ja che ri Ajawaxel ri c'o u cuinem che Jacob.”

Salmib 140:7

Ajawaxel, Ajawaxel, nu colonel ri c'o u cuinem, lal cäch'uw la ri nu jolom chupam ri ch'o'j.”

Salmib 145:1

Quintzijoj na chi sibalaj nim banic la, nu Dios Wajawinel; quintewichi'j na ri bi' la amak'el.

Salmib 18:46

¡C'asal ri Ajawaxel!, ¡tewichital ri ch'ukul wech! ¡Chyok u k'ij ri Dios ri nu Colonel!

Salmib 22:10

C'ä majok chinalaxok, xincoj chuxe' ri chajinic la; kas pa ri u c'u'x ri nu nan, ri nu Dios are ri lal.

Salmib 22:3

Are c'u ri lal, lal tastalic; cajawin la, cak'ijilax la rumal ri Israel.

Salmib 27:1

Ri Ajawaxel are' nu chäj xukuje' ri nu to'tajisaxic, ¿jachin ta chuwäch quinxe'j ta wi wib? Ri Ajawaxel are cäto'w ri nu c'aslemal, ¿jachin ta chuwäch quinxe'j ta wi wib?

Salmib 28:8

Ri Ajawaxel are' ri u chuk'ab ri u tinimit; are' to'bal rib xukuje' to'tajisal rech ri rajawinel ri u cha'om.

Salmib 30:1

Ajawaxel, in quinya' k'ij la rumal chi xincol la, man yo'm ta la be chi cäquitze'j nu wäch ri e nu c'ulel.

Salmib 34:3

Ka k'ijilaj junam xa pa jun ch'abal ri u nimalil ri u bi' ri Ajawaxel.

Salmib 48:14

chi jewa' ri ka Dios, pa ronojel ri chbe k'ij sak. ¡Are c'u junalic c'amal ka be!

Salmib 59:17

Quebenbixoj bix che la, nu Dios, ¡lal c'ut ri nu chuk'ab xukuje' ri ch'ukubal wib! lal ri Dios ri quinlok'ok'ej la.

Salmib 68:20

Ri ka Dios, are jun Dios ri cäcolonic, ri xukuje' cäcuinic cujresaj pa u k'ab ri cämical.

Salmib 99:5

¡Chiya' u k'ij ri Ajawaxel ri ka Dios, chixxucul xe' rakan u k'ab! ¡Ri Dios tastalic!

Salmib 99:9

Chiya' u k'ij ri Ajawaxel, ri ka Dios, ¡chixxucul chuwäch ri tastalicalaj u juyub! Ri ka Dios, ri Ajawaxel, tastalic ri are'.

Elem 14:13

Ri Moises xubij chque: “Mixe'j iwib. Muban quieb i c'u'x, chiwila' na jas ri cuban ri Ajawaxel camic che i to'ic, mawi c'u jumul quiwil chic qui wäch ri aj ejiptib ri quebiwil camic.

Elem 3:6

Xutakej u bixic xubij che: “In ri' ri qui Dios ri e a mam; ri u Dios ri Abraham, ri Isaac, xukuje' ri Jacob.” Ri Moises xuch'uk ri u palaj, xuxe'j c'u rib che u ca'yexic ri Dios,

Elem 4:22

Cabij c'u che ri ajawinel: ‘Jewa' cubij ri Ajawaxel: Ri Israel are nabeal nu c'ojol.

Elem 40:34

ri sutz' xuch'uk ri Lic'om Rachoch Dios re rikoj ib, xnoj ronojel ri k'ijilabal rumal ri u juluwem ri Ajawaxel.

Elem 6:7

Quixinc'am na ix jacha' che nu tinimit, are c'u ri in quinux na i Dios. Jeri' quiwetamaj na chi in ri' ri Ajawaxel ri i Dios, ri cätajin quixresaj chuxe' ri c'axalaj tak chac ri ix takom che qui banic cumal ri aj ejiptib.

Ri Isaiy 12:2

Ri Dios are' quincolowic cu'l nu c'u'x, man quinxe'j ta wib. Ri Ajawaxel are' to'bal wib xukuje' are nu chuk'ab, are nu Colonel.”

Ri Isaiy 25:1

Ajawaxel, lal ri nu Dios in quinya' k'ij la xukuje' quintewichi'j ri bi' la, rumal rech chi esam la ri mayibalalaj tak chomanic la chi sak, e jic xukuje' co e jekelic kas e ojer ulok.

Ri Isaiy 45:17

Are c'u ri Israel xcol rumal ri Ajawaxel, xucol re chbe k'ij sak xucolo, mawi c'u jubik' quel na u q'uixbal mawi camach'irisaxic.

Ri Isaiy 49:6

jewa' cubij: “Man cuban ta wa' chi catux at pataninel wech xuwi rech quebawalijisaj ri e ramak' ri Jacob, xukuje' rech quebatzelej ulok ri aj israelib ri e to'tajinak canok; in quinban na chi catux chäj chque tak ri nimak tak tinimit, rech cac'am bic ri colobenic ri quinya'o c'ä pa tak ri c'olbal naj cho ri uwächulew.”

Ri Isaiy 66:1

Ri Ajawaxel cubij: “Ri caj are nu tem re ajawibal are c'u ri ulew are qui tac'alibal ri wakan. ¿Jawije' ta lo ri caban ta wi cuinem che u yaquic jun ja chwe? ¿Jawije' ta lo ri caban ta wi cuinem che u banic jun c'olbal chwe che wuxlanibal?

Ri Jeremiy 3:23

Ri ka bic paquiwi' tak ri juyub man c'o ta cubij chke o ri u rakic ka chi' paquiwi' tak ri juyub; xuwi pa ri Ajawaxel ri ka Dios curik wi ri Israel ri u colotajic.

Ri Jeremiy 31:33

Are' c'u c'ulwächinic wa' quenbana' na ruc' ri Israel pa ri k'ijol ri': Quincoj na ri nu pixab chupam ri ranima' quintz'ibaj c'u na chupam ri u chomanic. In quinux na qui Dios are c'u ri e are' quebux na nu tinimit. In, ri Ajawaxel, quinjiquiba' u bixic.

Ri Jeremiy 32:38

Ri e are' quebux na nu tinimit, are c'u ri in quinux na qui Dios.

Ri Habacuc 3:13

Ri lal, lal elinak la ulok che u to'ic ri tinimit la xukuje' che u to'ic ri ajawinel ri cha'om la. Yojim la ri u wi' ri rachoch ri itzel winak, e jolim la ri e u tac'alibal c'ä cho ri nim abaj.

Ri Lucax 1:77

Quebatijoj na ri winak rech cäquetamaj chi quecolotaj na, chi quecuyutaj na ri qui mac.

Ri Lucax 2:30

Wilom c'u cuc' ri nu bak'wäch ri Colonel.

Ri Xuan 4:22

Ri ix man iweta'm taj ri quik'ijilaj. Ri uj keta'm ri cäkak'ijilaj. Rumal rech chi cuc' ri aj judeyib quel wi na ulok ri colobal ib.

Ri Xuan 5:23

rech conojel nim cäquil wi ri C'ojolaxel jas ri nim cäquil wi ri Tataxel. Apachin ri man nim ta cäril wi ri C'ojolaxel, xukuje' man nim ta cäril wi ri' ri Tataxel ri xtakow ulok.

Hechos 4:12

Man c'o ta chi jun c'o ta wi colobal ib, ri Dios c'ut man u yo'm ta chke ri u bi' ta chi jachin jun cho ri uwächulew ri cujcuin ta wi cujcolotaj ta wi.”

2 Corintios 5:19

Ri u bixic wa' chi, pa ri Crist, ri Dios cätajin querutzirisaj ri ajmaquib ruc' are', man querajilaj ta c'ut ri e qui mac ri winak; are c'u ri chke uj xutz'onoj tok'ob chi chkaya' retamaxic we etamanic ri'.

Efesios 2:22

Jeri' xukuje' ri ix junam cuc' ri niq'uiaj chic, ix jun ruc' ri Crist rech iwonojel quixux xa' jun ja jawije' cäjeki' wi ri Dios pa ri Uxlabaxel.

U Camulixic ri Pixab 10:21

Che c'ut ri are' quiya' wi ri k'ijilanic; are' i Dios, ri e u banom chiwe we nimak tak jastak ri', ri xukuje' e mayibal ri e iwilom.

Filipenses 2:11

Rech conojel cäquich'obo xukuje' cäquibij chi ri Jesucrist are Ajawaxel, jeri' cänimarisax u k'ij ri Dios Tataxel.

Filipenses 4:13

Ronojel quincuin chubanic are' c'u Crist ri cäyo'w nu chuk'ab.

Colosenses 2:9

Rumal rech chi ruc' ri Crist jekel wi ronojel ri u nojiquil ri Dios chi winakil.

Apocalipsis 15:3

Xquibixoj ri u bix ri Moises, pataninel rech ri Dios, xukuje' ri u bix ri Alaj Chij, je xquibij wa': “E nimak xukuje' sibalaj e mayibal tak ri e chac la, Ajawaxel, Dios ri c'o ronojel u cuinem e suc' xukuje' kas e be tak ri e be la, Ajawinel quech tak ri nimak tak tinimit.

Apocalipsis 19:1

E bantajinak chic we jastak ri', xinta' je ta ne ri cowilaj qui ch'abal e q'ui winak pa ri caj, ri xquibij: “¡Chnimarisax u k'ij ri Ajawaxel! Ri colobal ib, ri juluwem, xukuje' ri cuinem e rech ri ka Dios,

K'atal tak Tzij 5:21

ri nima', ri ojer nima', ri nima' re Sison xebumes bic conojel. ¡At caxak'alej na ri qui kul ri c'o qui chuk'ab!