Elem 15:13 - Quiché Bible

¹³ Ruc' ri lok'ok'ebal c'u'x la cätajin cäc'am la u be we tinimit ri' ri xcol la; ruc' ri cuinem la cac'am la bic pa ri tastalicalaj achoch la.

Elem 15:13 ပူးပေါင်းရင်းမြစ်များ

Chapletajic 19:16

Xbeytaj c'u ri Lot, ri quieb tako'nib aj caj xquiyukej bic che ri u k'ab, rumal rech chi xel u c'u'x ri Ajawaxel che. Xukuje' xquic'am bic ri rixokil, ri quieb u mia'l, naj xequic'am wi bic che ri tinimit rech queto'tajic.

Ucab Samuel 15:25

Xubij c'ut ri ajawinel che ri Sadoc: “Chac'ama' bic ri u caxa ri Dios chatzelej pa ri tinimit, we c'u catok'obisax nu wäch rumal ri Ajawaxel, cuban na ri' chi quintzelej ulok quinwil c'u na u wäch ri caxa jawije' ri cäriktaj wi.

Ri Nehemiy 9:12

Xc'am c'u la qui be pa k'ij rumal jutac'aj sutz' are c'u ri chak'ab rumal jutac'aj k'ak', che u c'utic ri qui be ri caquitakej na.

Salmib 106:9

Xuyaj ri Quiäk Plo xuchaki'jarisaj c'ut. Xuban chque chi xeboc'ow chupam ri u choil ri plo je ta ne pa jun chaki'j uwo sak.

Salmib 74:2

Chnataj ri tinimit la che la, ri xrik la ulok ojer pa ri tiquiritajic, ri xlok' la rech cux chi ech la; chnataj ri juyub re Sion che la, ri jekelinak wi la.

Salmib 77:20

Xc'am la u be ri tinimit la jacha' jumulaj chij, rumal ri Moises xukuje' ri Aaron.

Salmib 78:35

c'äte c'u ri' cänataj ri Dios aj chicaj chque ri quebuchajij xukuje' quebuch'uku.

Salmib 80:1

Yuk'ul re ri Israel, ri cäc'am la u be ri Jose jacha' jumulaj chij, ri cojom la ri tem la re ajawibal paquiwi' ri aj cajalaj tak to'banelab ri e c'o qui xic', ¡Tatabem la! ¡Utz rilic ri Eprain chbana' la,

Elem 15:16

Oh, Ajawaxel, chquina' quib, chkaj xe'n ib paquiwi'. Checanaj canok jacha' ri abaj rumal ri u chuk'ab ri k'ab la, c'ä coc'ow na ri tinimit la.

Elem 15:17

Oh, Ajawaxel, chc'ama' la bic pa ri tastalicalaj juyub la, pa ri c'olbal ri xcha' la che ka jekelibal, pa ri achoch la ri co xtiq'uiba' la ruc' ri k'ab la.

Elem 20:2

“In ri' ri Ajawaxel ri a Dios, ri xatresaj ulok pa Ejipt, ri at cojom wi che pataninel jacha' ta ne ri lok'om.

Elem 6:6

Rumal ri' jät jabij chque ri aj israelib chi ri in, ri Ajawaxel, quebenwesaj na chuxe' ri u takanic ri ajawinel xukuje' pa ri c'axalaj tak chac ri e cojom che qui banic cumal ri aj ejiptib. Quinc'ut na ri nu cuinem, quebentor na bic cumal nimak tak banoj aj suq'uilal.

Ri Isaiy 51:10

xtzajisaj la ri plo, ri u ja'il ri nimalaj siwan, xban la be che ri u pam ri plo rech queboc'ow ri e torotajinak ulok.

Ri Isaiy 57:15

Are' c'u ri Dios ri aj chicajil, ri cac'al chbe k'ij sak, ri tastalic u bi', je cubij wa': “Ri in in jekel pa jun c'olbal chicaj ri tastalic, xukuje' in c'o c'u ruc' ri meba' ri u rikom c'ax, quincu'bisaj c'u u c'u'x xukuje' quinya' u chuk'ab.

Ri Isaiy 63:9

xeresaj pa conojel ri e qui rikoj tak c'ax. Man jun u tako'n ta ri xecolowic are ri Ajawaxel chwinakil. Are xetorowic rumal ri lok'ok'ebal u c'u'x xukuje' rumal ri relebal u c'u'x, xebuwalijisaj xebuloquej pa u k'ab. Je u banom wa' amak'el.

Ri Jeremiy 2:6

Man xeboc ta il che nu tzucuxic, xebenwesaj c'u ne ulok pa Ejipt, xinc'am c'u ne qui be chupam ri chaki'j uwo sak, chaki'j ulew ri nojinak chque tak siwan, ulew ri man c'o ta wi ja', nojinak chque tak sayowem, ulew ri man coc'ow ta wi jachin jun.

Efesios 2:4

Are c'u ri Dios sibalaj xel u c'u'x chke, xujulok'ok'ej ruc' ri nimalaj lok'ok'ebal u c'u'x.

1 Pedro 1:5

C'olom chiwe ix, ri ix chajin rumal ri u cuinem ri Dios rumal ri cojonic, rech quixcolotajic. Ronojel suc'umam ulok rech quixcolotajic, ri Dios cuk'alajisaj na pa ri q'uisbal tak k'ij.