Elem 15:11 - Quiché Bible

¹¹ Oh, Ajawaxel, man c'o ta jun dios ri cacuintaj cujunamaj ta rib uc' la. Man c'o ta chi jun ri sibalaj ta tastalic na mawi nim u bantajic jacha' ta ri lal. Quebe ban la mayibalalaj tak jastak xukuje' xibibal. Ya'tal che la chi cak'ijilax la.

Elem 15:11 ပူးပေါင်းရင်းမြစ်များ

Ucab Samuel 7:22

rumal ri', Wajaw Dios. ¡Sibalaj ba' nim ri banic la! Man c'o ta chi c'u jun jacha' ri lal, mawi c'o chic jun dios we ta ma ta xak xuwi ri lal, jas ri u cholajil ronojel ri ka tom cuc' ri ka xiquin.

Nabe Ajawinelab 8:23

je c'u xubij wa': “Ajawaxel, u Dios ri Israel: mawi pa ri caj mawi pa ri uwächulew c'o ta jun Dios jacha' ri lal, ri cätz'akatisaj la ri c'ulwächinic la, cac'ut c'u la ri utzil la chquiwäch ri ruc' ronojel canima' quepatanin che la.

Nabe Tzijobelil 16:25

rumal rech chi ri Ajawaxel nim u k'ij xukuje' ya'tal u k'ijilaxic, xukuje' xibibal na chquiwäch conojel tak ri diosib.

Ucab Tzijobelil 2:5

Are c'u ri rachoch Dios ri quenyaca' rajawaxic nim cäban che, nim c'u ri ka Dios are nim na chquiwäch conojel ri diosib.

Ucab Tzijobelil 6:14

xubij: “Ajawaxel, u Dios ri Israel: mawi cho ri caj mawi cho ri uwächulew c'o ta jun Dios jacha' ri lal, ri cutz'akatisaj ri u c'ulwächinic, cuc'ut ta c'ut ri rutzil chque ri quepatanin ruc' ronojel canima';

Salmib 113:5

Man c'o ta jun ri cäjunamataj ta ruc' ri Ajawaxel, ri ka Dios, ri cätakan chila' pa ri caj,

Salmib 119:120

Cäbirbit ri nu cuerp rumal xe'n ib chwäch la; ¡nim quebenwil wi ri pixab la!

Salmib 136:4

Che ri xuwi ri are' ri quebuban nimak tak mayibal junalic c'ut ri u lok'ok'ebal c'u'x.

Salmib 145:17

Ri Ajawaxel suc' pa tak ri e u be, banal utzil pa tak ri cubano.

Salmib 22:23

Ix ri nim quiwil wi ri Ajawaxel, ¡chiya' u k'ij iwonojel ri ix rija'l ri Jacob! ¡Chixk'ijilan che iwonojel ri ix rija'l ri Israel!

Salmib 35:10

Ruc' ronojel wanima' quinbij na: “¿Jachin ta ri cäjunamataj uc' la, Ajawaxel? Ri mebayib xukuje' ri c'o qui rajawaxic queto' la pa qui k'ab ri c'o na qui chuk'ab chquiwäch, ri quet'orin ri jastak quech.”

Salmib 60:2

Xban la chi xyicop ri uwächulew, xujak c'u rib; camic c'ut, chetz'apij la ri e u tetobic cätajin c'u cäwulwubic.

Salmib 66:5

Tisaj che rilic ri e u banoj ri Dios, ri mayibal ri e u banom chquiwäch ri winak:

Salmib 77:11

Quenataj na chwe ri mayibal ri xebuban ri Ajawaxel pa jujun tak k'ijol canok;

Salmib 77:14

¡Lal ri' ri Dios ri queban tak la mayibal! ¡Xc'ut ri cuinem la chquiwäch ri nimak tak tinimit!

Salmib 77:19

Xjak ri be la chupam ri plo; xeramij la nimak tak ja', man c'o ta c'u jun xrikow ta ri retal ri akan la.

Salmib 86:10

Xuwi c'u ri lal lal Dios; ¡nim banic la xukuje' queban la tak mayibal!

Salmib 86:8

¡Man c'o ta dios ri cäjunamataj ta uc' la, Ajawaxel! ¡Man c'o ta jun jasach ri cäjunamataj ta cuc' ri chac la!

Salmib 89:18

¡Ri ch'ukubal kib are' ri Ajawaxel! ¡Ri kajawinel are' ri Suc' re Israel!

Salmib 90:11

¿Jachin ta ri retamam ri u tokinic ri oyowal la? ¿Jachin ta ri retamam ri c'anal la?

Elem 18:11

xukuje' chupam ri c'ax ri xquiban chiwe. Camic weta'm chic chi ri Ajawaxel are c'o na u k'ij chquiwäch conojel ri diosib.”

Elem 20:3

Mec'oji' jule' tak diosib chic we ta ma ta xak xuwi ri in.

Elem 3:20

Rumal ri', quinc'ut na ri nu cuinem quebensoc na ri aj ejiptib ruc' cämical cumal conojel ri mayibal ri quinbana' na pa ri culew; c'äte ri' quixutzokopij na ri ajawinel.

Elem 8:10

“Kas chwek,” xcha' ri ajawinel. Ri Moises xubij che: “Je ba' cäbantajic jas ri bim la, rech quetamaj la chi man c'o ta chi jun ri junam ta ruc' ri Ajawaxel ri ka Dios.

Elem 8:6

Ri Aaron xuyac ri u ch'ämiy paquiwi' tak ri ja' ri e c'o pa Ejipt, xnoj c'u ronojel ri ulew cumal ri xtutz' ri xebel ulok pa tak ri ja'.

Elem 9:14

che chi c'u we camic quintak ulok ronojel ri c'äjisabal wächaj pawi', paquiwi' ri awach k'atal tak tzij, puwi' ri a tinimit, rech cawetamaj chi man c'o ta chi jun jacha' ri in cho ronojel ri uwächulew.

Ri Isaiy 30:11

Chitasa' iwib che ri be, mitakej ri suc'alaj be, mujiya' chuwäch ri Tastalicalaj u Dios ri Israel.”

Ri Isaiy 40:18

¿Jachin ruc' qui junamaj wi ix ri Dios? ¿Ruc' jachique wächbal qui c'utbej re ri u banic?

Ri Isaiy 40:25

Ri Tastalicalaj Dios cubij: “¿Jachin ta ruc' quinijunamaj wi ix? ¿Jachin ta ri cäjunamataj wuc'?”

Ri Isaiy 46:9

chnataj chiwe ri c'ulmatajinak can ojer. In Dios, man c'o ta chi c'u jun; in Dios, man c'o ta c'u jun ri cäjunamataj ta wuc'.

Ri Isaiy 57:15

Are' c'u ri Dios ri aj chicajil, ri cac'al chbe k'ij sak, ri tastalic u bi', je cubij wa': “Ri in in jekel pa jun c'olbal chicaj ri tastalic, xukuje' in c'o c'u ruc' ri meba' ri u rikom c'ax, quincu'bisaj c'u u c'u'x xukuje' quinya' u chuk'ab.

Ri Isaiy 6:3

Caquibij c'u chquibil tak quib: “Tastalic, tastalic, tastal ri Ajawaxel ri c'o ronojel u cuinem ronojel ri uwächulew nojinak che ri u juluwem.”

Ri Jeremiy 10:16

¡Nim ri u jalbem rib ri u Dios ri Jacob, xuban ronojel ri c'olic! Ri are' xucha' ri Israel jacha' che rechbal. Ri Ajawaxel ri c'o ronojel u cuinem are wa' ri u bi'.

Ri Jeremiy 49:19

Xäk c'ätetal quinpe na, jacha' jun coj ri quel ulok chquipam tak ri patzapak tak k'ayes ri e c'o chuchi' ri Jordan cuq'uiak c'u rib pa tak ri c'olbal ri e c'o wi echa' ri amak'el quetojtatic, quinban c'u na chi quebanimaj ri aj Edom ri e c'o chi', quinban c'u na chi are cajawin na ri winak ri quincha' na. ¿Jachin ta c'ut ri cäcuinic ri cujunamaj ta rib wuc'? ¿Jachin ta ri cäcuinic quinuc'ulelaj taj? ¿Jachin ta ri yuk'unel ri cäcuin ta che u k'atixic nu wäch?

Aj Levitib 19:2

“Chabij chque conojel ri aj israelib ri quinbij chawe: Chixux tastalic, ri in c'ut ri Ajawaxel ri i Dios, in tastalic, man quinban ta etzelal.

Ri Miquey 7:18

Man c'o ta chi c'u jun Dios jacha' ta ri lal, quecuy c'u la ri etzelal, quesach c'u pa jolom la ri qui walijisam tak quib ri ch'utinalaj u tz'akatil ri tinimit la. Lal cac'ut la ri lok'ok'ebal c'u'x la chkawäch man c'u cajekeba' ta la ri oyowal la chbe k'ij sak.

Ri Lucax 12:5

Quinc'ut c'u na chiwäch jachin chuwäch rajawaxic quixe'j wi na iwib: Are chixe'j iwib chuwäch ri Jun ri c'o u cuinem che i cämisaxic, xukuje' c'o u cuinem che i ya'ic pa ri xibalba. Je, quinbij chiwe, chuwäch ri are' chixe'j wi iwib.

U Camulixic ri Pixab 1:30

Ri Ajawaxel ri i Dios are cänabej chiwäch, are cäch'ojin na che i q'uexwäch jas ri xiwilo ri xuban pa Ejipt,

U Camulixic ri Pixab 3:24

‘Ajawaxel, chaplem ya' la u c'utic chuwäch we pataninel ech la ri' ri nimalaj banic la, xukuje' ri cuinem la, man c'o ta chi jun Dios pa ri caj mawi cho ri uwächulew ri cäcuinic quebuban jastak ri sibalaj e mayibal jas ri queban la.

U Camulixic ri Pixab 33:26

Man c'o ta jas ri cajunamataj ta wi ri u Dios ri Jesurun, ri caquiejen ruc' nimalil paquiwi' tak ri sutz' ri e c'o chicaj rech cäpe che a to'ic.

U Camulixic ri Pixab 4:34

¿La c'o lo jun dios ri u cha'om ta jun u tinimit chquixo'l ri niq'uiaj tak tinimit chic, cuc' tak c'ambejenic, etal, mayibal xukuje' tak ch'o'j, ri xuc'ut ta ri nimalaj u chuk'ab chuwäch, xebuban ta xibibalalaj tak jastak jas jacha' ri xebuban xukuje' chiwe ri Ajawaxel pa Ejipt?

Apocalipsis 13:4

Xquik'ijilaj ri dragon rumal rech chi xuya' ri takanic che ri awaj. Xukuje' xquik'ijilaj ri awaj, xquibij: “¿Jachin ta lo junam ruc' ri xibibal awaj? ¿Jachin ta lo cäcuinic cäch'ojin ruc'?”

Apocalipsis 15:4

¿Jachin ta lo ri ma ta cuxe'j rib chwäch la, Ajawaxel? ¿Jachin ta lo ri ma ta cunimarisaj u k'ij ri bi' la? Xuwi c'u ri lal tastalic man queban ta la etzelal. Quepe na conojel ri nimak tak tinimit, quek'ijilan na chwäch la. K'alajininak c'ut chi suc' ri k'atoj tzij ri cäban na la.”

Apocalipsis 4:8

Ri quiejeb awaj ri' e c'o wakitak qui xic' chquijujunal, e nojinak che bak'wächaj chquij xukuje' chquipam. Chi pa k'ij chi chak'ab man quebuxlan ta che u bixic: “U tasom rib, u tasom rib, u tasom rib ri Ajawaxel man cuban ta etzelal, ri Dios ri c'o ronojel u cuinem, ri c'o ulok ojer, ri c'olic, cäpe c'u na.”

Nabe Samuel 2:2

¡Man c'o ta jun ri tastal taj ri man cuban ta etzelal jacha' ri lal, Ajawaxel! ¡Man c'o ta jun cuya' ta to'banic jacha' ri lal, ka Dios! ¡Man c'o ta chi jun we ta ma ta xuwi ri lal!