Elem 14:30 - Quiché Bible

³⁰ Are k'ij wa' aretak ri Ajawaxel xuq'uis qui to'ic ri aj israelib pa qui k'ab ri aj ejiptib, ri aj israelib xequil ri aj ejiptib ri e cäminak chic, quelew chuchi' ri plo.

Elem 14:30 ပူးပေါင်းရင်းမြစ်များ

Ucab Tzijobelil 32:22

Jewa' ri xuban ri Ajawaxel che u to'ic ri Ezequiy xukuje' ri e aj Jerusalen pa u k'ab ri Senaquerib, ajawinel re Asiriy xukuje' che qui to'ic pa qui k'ab conojel ri niq'uiaj chic, xuya' c'u jamaril chque cuc' conojel ri qui c'ulja.

Salmib 106:10

Jewa' xuban che quesaxic pa qui k'ab ri e qui c'ulel, pa ri qui cuinem ri quebetzelan qui wäch.

Salmib 106:8

Xebucol c'u ri Dios xa u mac rech ri u bi', che u c'utic ri u cuinem.

Salmib 58:10

Ri jic cäquicotic aretak cärilo cäc'äjisax u wäch ri u c'ulel; quebumu' na ri rakan chupam ri u quiq'uel ri banal etzelal.

Salmib 59:10

Ri Dios ri quinulok'ok'ej cäpe che nu to'ic; cuc'ut na chnuwäch aretak quech'äctaj ri e nu c'ulel.

Salmib 91:8

Xuwi c'u cawil na: quebawil na ri banal tak etzelal cäquic'am ri tojbal re ri quetzelal jas ri takal chque.

Elem 14:13

Ri Moises xubij chque: “Mixe'j iwib. Muban quieb i c'u'x, chiwila' na jas ri cuban ri Ajawaxel camic che i to'ic, mawi c'u jumul quiwil chic qui wäch ri aj ejiptib ri quebiwil camic.

Ri Isaiy 63:11

Ri e are xnataj ri ojer tak k'ijol chque aretak ri Moises xucol ri u tinimit, quec'olow c'u chi'aj: “¿Jawije' c'o wi ri Dios ri xcolow ri Moises pa ri nim ja' Nil, ri yukul rech ri u jumulaj? ¿Jawije' c'o wi ri xcojow ri Ruxlabal ri Dios pa ri ranima' ri Moises,

Ri Isaiy 63:8

Ri are xubij: “Ri e are e nu tinimit, alc'ualxelab ri man quinquijach ta na.” Ri are c'ut xebucolo

Ri Isaiy 63:9

xeresaj pa conojel ri e qui rikoj tak c'ax. Man jun u tako'n ta ri xecolowic are ri Ajawaxel chwinakil. Are xetorowic rumal ri lok'ok'ebal u c'u'x xukuje' rumal ri relebal u c'u'x, xebuwalijisaj xebuloquej pa u k'ab. Je u banom wa' amak'el.

Ri Osey 1:7

Are' c'u quel na nu c'u'x che ri rajawinic ri ri Juda: kas in, ri Ajawaxel ri u Dios, quinto'tajisaj na. Man quebeto'tajisaj ta c'ut rumal ri ch'o'j, xane' quinban na man ruc' ta q'uiakbal ch'ab, mawi ch'ich' re ch'o'j, mawi tak quiej, mawi tak ajquiejab.”

U Camulixic ri Pixab 4:34

¿La c'o lo jun dios ri u cha'om ta jun u tinimit chquixo'l ri niq'uiaj tak tinimit chic, cuc' tak c'ambejenic, etal, mayibal xukuje' tak ch'o'j, ri xuc'ut ta ri nimalaj u chuk'ab chuwäch, xebuban ta xibibalalaj tak jastak jas jacha' ri xebuban xukuje' chiwe ri Ajawaxel pa Ejipt?

Ri Juds 1:5

Quinwaj quinnataj chiwe, pune' iweta'm chi wa' ronojel, chi ri Ajawaxel aretak e u colom chi ri winak re ri u tinimit pa qui k'ab ri aj Ejipt, c'äte ri' xusach qui wäch ri man xecojon taj.

K'atal tak Tzij 10:11

Ri Ajawaxel xubij chque: “Ri ix xban c'ax chiwe cumal ri aj ejiptib, ri aj amoreyib, ri aj amonib, ri aj pilisteyib,

Nabe Samuel 11:13

Ri Saul xucoj rib xubij: “Pa we k'ij ri' man c'o ta jun cäcämic, e u to'tajisam c'ut ri Ajawaxel ri aj israelib camic.”

Nabe Samuel 14:23

Ri ch'o'j xopan c'ä pa Bet-aben ri Ajawaxel xebuto'tajisaj ri aj israelib pa we k'ijol ri'.