Elem 14:14 - Quiché Bible

¹⁴ Mixoc il, ri Ajawaxel are cäch'ojin na che i q'uexwäch.”

Elem 14:14 ပူးပေါင်းရင်းမြစ်များ

Ucab Tzijobelil 20:15

xubij c'ut: “Kas chixtatabenok, aj Juda xukuje' ri ix c'o pa Jerusalen, xukuje' ri at, ajawinel Josapat. Ri Ajawaxel cubij chiwe: ‘Mixbirbobic mawi mixe'j iwib chquiwäch we q'uialaj ajch'ojab ri', wa' we ch'o'j ri' man iwech taj ix xane' rech ri Dios.

Ucab Tzijobelil 20:17

Man ix taj ri quixech'äcow ri ch'o'j. Chixc'ol pa ri i c'olbal, xak jun chixc'ol wi quiwil c'u na ri cuban na ri Ajawaxel che i to'tajisaxic. ¡Aj Jerusalen xukuje' conojel ri e aj Juda, mixbirbobic mawi mixe'j iwib; chixoj chwek che u banic ch'o'j cuc', c'o c'ut ri Ajawaxel iwuc'!’ ”

Ucab Tzijobelil 20:29

Aretak xetamatajic chi ri Ajawaxel are' ri xucoj u chuk'ab cuc' ri u c'ulel ri Israel, conojel ri nimak tak tinimit xenoj che xe'n ib chuwäch ri Dios.

Ri Nehemiy 4:14

Aretak c'u xinwilo chi caquixe'j quib, xintac'aba' wib xinbij chque ri nimak tak qui banic, chque ri quek'atow tak tzij xukuje' chque ri e u tz'akatil ri tinimit: “Mixe'j iwib chquiwäch. Chnataj chwe chi ri Ajawaxel nimalaj xukuje' xibibal, chicojo' i chuk'ab che qui q'uexwäch ri e i winakil che qui q'uexwäch tak ri e i c'ojol ri e i mia'l, ri e iwixokil xukuje' tak ri e iwachoch.”

Ri Nehemiy 4:20

Rumal c'u ri' chila' jawije' ri quita' wi ri rok'ibal ri trompet, chimulij iwib kuc', are' c'u ri ka Dios cucoj na u chuk'ab pa ka xcut.”

Ri Nehemiy 9:11

Xpac la ri plo chquiwäch, xeboc'ow c'u chuxo'l pa chaki'j ulew; xejik'isaj la ri e okataninak c'ä chuxe' ri plo, e jacha' jun abaj ri cäkaj chuxe' ri ja'.

Salmib 35:1

Ajawaxel, walij la chquij ri quewalij che nu c'ulelaxic; k'atij la qui wäch ri cäquik'atij nu wäch.

Salmib 50:3

Ri ka Dios cäpetic, man xak ta c'u chi jeri': nabejinak jun k'ak' chuwäch ri cäsachan wächaj; terenetal rumal jun xibibalalaj cakulja.

Salmib 83:1

Oh Dios, ¡xak mayine' la! ¡xak mäcanaj la ma ta c'u mat chi slab la, ma ta c'u mat chi ch'aw la!

Elem 14:15

Ri Ajawaxel xubij che ri Moises: “¿Jasche catz'onoj ri nu to'banic? Chabij chque ri aj israelib chi cäquitakej ri qui be.

Elem 14:25

xebujok'opij ri e qui carwaj, man quebin ta chic. Ri aj ejiptib xquibij: “Chujanimaj chquiwäch ri aj israelib, are cätajin cäch'ojin ri Ajawaxel che qui to'ic xukuje' che u banic c'ax chke.”

Elem 15:3

Ri Ajawaxel are jun nimalaj ch'ojinel, Ajawaxel ¡are u bi' wa'!

Ri Isaiy 30:15

Ri Ajawaxel, ri Tastalicalaj u Dios ri Israel, cubij: “Chixtzelejok, mixel c'u ch'u'j, man c'o ta c'u qui c'ulmaj na. Pa ri jororemal, pa ri jiquiban c'uxaj c'o wi ri i chuk'ab.” Man c'u xiwaj taj,

Juyuwem 3:26

Are utz na cakeyej ri u to'banic ri Ajawaxel man ruc' ta ch'ach'atem.

U Camulixic ri Pixab 1:30

Ri Ajawaxel ri i Dios are cänabej chiwäch, are cäch'ojin na che i q'uexwäch jas ri xiwilo ri xuban pa Ejipt,

U Camulixic ri Pixab 20:4

c'o c'u ri Ajawaxel ri i Dios iwuc'; are' cutij na u chuk'ab cuc' ri i c'ulel cuya' c'u na ri ch'äcanic chiwe.’

U Camulixic ri Pixab 3:22

Maxe'j ba awib chquiwäch; rumal rech chi ri Ajawaxel ri a Dios are cäch'ojin na che i q'uexwäch.’ ”

Ri Josue 10:10

Ri Ajawaxel xubano chi sibalaj xquixe'j quib chquiwäch ri aj israelib jeri' ri Josue sibalaj e q'ui ri xebucämisaj pa Gabaon. Xutakej c'u qui cämisaxic pa ri be ri cabe pa Bet-horon, xutakej c'u qui cämisaxic ri aj amoreyib c'ä pa Azec xukuje' Mased.

Ri Josue 10:14

Mawi nabe mawi c'äte c'ulmatajinak ta jun k'ij jacha' ri k'ij ri' chi ri Ajawaxel xuta' ri u ch'abal jun winak, are' c'u ri Ajawaxel xch'ojin che u q'uexwäch ri Israel.

Ri Josue 23:10

Xa jun chiwe cacuinic cubano chi quebanimaj jun mil winak chuwäch, rumal rech chi are' ri Ajawaxel ri u Dios cach'ojin che u q'uexwäch, jacha' ri xuchi'j u banic.

Ri Josue 23:3

Ix iwilom ronojel ri xuban ri Ajawaxel chque conojel tak we tinimit ri' ri co xquitac'aba' quib chuwäch, are' c'ut ri ch'ojinak che i q'uexwäch.

K'atal tak Tzij 5:20

Kas pa ri caj, kas pa ri qui c'olbal ri ch'imil xquitij wi ulok qui chuk'ab che u ch'äquic ri Sisara;

Nabe Samuel 4:7

xquixe'j quib xquibij c'ut: “¡Ri Dios opaninak chquixo'l! ¡Tok'ob ba' ka wäch, mawi jumul je c'ulmatajinak wa'!