Elem 14:12 - Quiché Bible

¹² ¿La ma ta are wa' ri xkabij chawe pa Ejipt?: ‘Macoj a chuk'ab chke, chekapatanij na ri aj ejiptib. Are utz chke we ta are xekapatanij na ri aj ejiptib chuwäch ri xa cujelcäm pa we chaki'j uwo sak ri'.’ ”

Elem 14:12 ပူးပေါင်းရင်းမြစ်များ

Salmib 106:7

Ri e ka mam chila' pa Ejipt, man nim ta xquil wi ri nimak tak mayibal ri xban la; xsach ri nimalaj lok'ok'ebal c'u'x la pa qui jolom, xquiyac quib che c'ulelaxic la, chu chi' ri Quiäk Plo.

Elem 13:17

Aretak c'u ri ajawinel xutzokopij ulok ri tinimit aj israelib, ri Dios man xuc'am ta bic pa ri be ri coc'ow pa ri culew ri aj pilisteyib, ri xa nakaj, xuchomaj c'u ri Dios chi ri aj israelib man cäcaj taj cäquiban ri ch'o'j pune' rajawaxic, are ta c'u utz na ri' chque chi quetzelej pa Ejipt.

Elem 3:9

Ri qui rakoj chi'aj ri aj israelib opaninak chnuwäch, xukuje' wilom ri c'ax ri cäban chque cumal ri aj ejiptib.

Elem 5:21

xquibij c'u chque: “Chrila' ri Ajawaxel ri i banom chke, xukuje' chuc'äjisaj i wäch. Ix ri ix ajchak'mac chi ri ajawinel e rachil ri e u takanelab itzel cujquilo. Kas ix ix yowinak ri ch'ich' re ch'o'j pa u k'ab che ka cämisaxic.”

Elem 6:9

Ri Moises xuya' u bixic wa' chque ri aj israelib, ri e are' c'ut man xquicoj taj ri xbix chque rumal ri c'axalaj tak chac ri e cojom wi.

Ri Osey 4:17

Ri Eprain u jachom rib che qui k'ijilaxic tak ri diosib. ¡Conojel e kajinak e jacha' jumulaj k'abarelab! Jumul xukuje' camul quebux junam cuc' ri quech ri nim ch'utin, are c'u cäkaj chquiwäch quel qui q'uixbal che u q'uexwäch ri cäya' ta qui k'ij.

Ri Jonas 4:3

Rumal ri' Ajawaxel, quintz'onoj tok'ob che la chi chesaj la ri nu c'aslemal. Are utz na chwe chi quincämic chuq'uexwäch chi quintakej c'aslemal.”

Ri Jonas 4:8

Aretak xel ulok ri k'ij, ri Dios xubano chi xpe jun c'atanalaj quiakik' pa elebal k'ij, aretak c'u xq'uiakan ri k'ij che ri u jolom ri Jonas, ri are' xuna' chi cätuktubic are ta c'u xraj xcämic. “Are utz na chwe chi quincämic chuq'uexwäch chi quintakej c'aslemal,” xcha'.

Marcos 1:24

xubij: “¿Jas awe chke, Jesus aj Nazaret? ¿La at petinak che u sachic ka wäch? In quinch'ob a wäch, weta'm c'ut chi at ri Tastalic rumal ri Dios.”

Marcos 5:7

Xurak u chi' ruc' chuk'ab, xubij: “¿Jas awe chwe, Jesus, u C'ojol ri Dios ri sibalaj aj chicaj? Catinbochi'j chuwäch ri Dios, maban c'ax chwe.”