Elem 13:5 - Quiché Bible

⁵ chupam c'u we ic' ri' rajawaxic coc'owisax ri nimak'ij re ri Oc'owem, aretak ix u cojom chic ri Ajawaxel pa ri ulew ri cabelel wi ri leche xukuje' juyubal räx cab jacha' ri ja', are wa' ri culew ri aj cananeyib, ri aj hititib, ri aj amoreyib, ri aj hebeyib, ri aj jebuseyib, ri xuchi'j chque ri e i mam chi cuya' chiwe.

Elem 13:5 ပူးပေါင်းရင်းမြစ်များ

Chapletajic 26:3

chatc'ol quieb oxib k'ij pa we c'olbal ri'. Quinc'oji' c'u awuc', catintewichi'j na, chawe c'u at xukuje' chque ri e awija'lil quinya' wi na conojel tak we ulew ri'. Je quintz'akatisaj ri chi'nic ri xinban che ri a tat Abraham.

Chapletajic 50:24

Xpe c'u jun k'ij aretak xubij ri Jose chque ri rachalal: “Xa quieb oxib k'ij chic in c'aslic, cäpe c'u na ri Dios che i to'ic, quixresaj c'u na bic chupam we ulew ri', che i c'amic bic chupam ri ulew ri xuchi'j chque ri Abraham, ri Isaac xukuje' ri Jacob.”

Nabe Tzijobelil 1:15

aj hebeyib, aj araseyib, aj sineyib,

Elem 12:24

Ri ix quinimaj na we takanic ri' xukuje' ri e u wi' tak i mam ri quepe na, jacha' jun pixab wa' re chbe k'ij sak chiwe.

Elem 13:10

Rumal ri' rajawaxic coc'owisax we nimak'ij ri' chujunab pa ri k'ijol ri ch'icom.’

Elem 13:11

Aretak c'u ix u cojom chic ri Ajawaxel pa ri culew ri aj cananeyib, aretak u jachom chic ri culew pa i k'ab, jacha' ri xuchi'j chiwe xukuje' chque ri e i mam,

Elem 3:17

Xukuje' xubij chwe chi quixresaj bic pa ri rikoj tak c'ax ri ix c'o wi pa Ejipt, quixuc'am bic pa ri culew ri aj cananeyib, ri aj hititib, ri aj amoreyib ri aj perezeyib, ri aj hebeyib, ri aj jebuseyib, ulew wa' ri cabelel wi leche xukuje' ri juyubal räx cab jacha' ri ja'.’

Elem 3:8

Rumal ri' in kajinak ulok che quesaxic pa qui k'ab ri aj ejiptib; quebenwesaj ulok pa Ejipt quebenc'am bic pa jun nimalaj ulew ri utz, jawije' ri cabelel wi leche xukuje' u juyubal räx cab jacha' ri ja'. Are wa' ri ulew ri e c'o wi ri aj cananeyib, ri aj hititib, ri aj amoreyib, ri aj perezeyib, ri aj hebeyib, xukuje' ri aj jebuseyib.

Elem 32:13

Chenataj ri e pataninel tak ech la che la, ri Abraham, ri Isaac, xukuje' ri Israel, xcha' la chque ri chi'nic ri kas cäban na pa ri bi' la: ‘Quinbano chi ri e u wi' tak i mam sibalaj queq'uiyiric jacha' ri ch'imil ri e c'o pa ri caj, ronojel c'u we ulew ri' ri nu chi'm chiwe, quinya' che quechbal re chbe k'ij sak.’”

Elem 33:1

Ri Ajawaxel xubij che ri Moises: “Jät, chatel bic waral, chebac'ama' bic ri winak ri xebawesaj ulok pa Ejipt. Jix pa ri ulew ri xinbij chi quinya' che ri Abraham, ri Isaac, ri Jacob, xukuje' chque ri qui' tak qui mam.

Elem 34:11

Chebitz'akatisaj ba' qui banic ri ix nu takom wi camic, are c'u ri in quebenwesaj bic chiwäch ri aj amoreyib, ri aj cananeyib, ri aj hititib, ri aj perezeyib, ri aj hebeyib, ri aj jebuseyib.

Elem 6:4

Xinban xukuje' jun c'ulwächinic cuc', xinya' c'u nu tzij chi quinya' ri ulew re Canaan chque, ri ulew ri xcokxanij wi na quib quieb oxib junab.

Elem 6:8

Quixinc'am na bic pa ri ulew ri xinbij chi quinya' che ri Abraham, ri Isaac xukuje' ri Jacob, quinya' c'u na chiwe che iwechbal. In ri' ri Ajawaxel.”

Ri Jeremiy 11:5

We ri ix quibano ri quinbij chiwe, ri in quintz'akatisaj na ri chi'nic ri kas cäban na, ri xincha' chque ri e i mam, chi quinya' jun ulew chque, ri ulew ri c'o pa i k'ab camic, jawije' ri cabin wi ri leche xukuje' ri juyubal räx cab jacha' ri ja'.” Are c'u ri in xintzelej u bixic: “Je' Ajawaxel.”

Ri Jeremiy 32:22

Xya' la che ri Israel we ulew ri' ri cabelel wi ri leche xukuje' ri juyubal räx cab jacha' ri ja', je jas ri xchi'j la chque ri e qui mam.

Ri Ezequiel 20:6

Pa ri k'ij ri' xinya' nu tzij che quesaxic ulok pa Ejipt quebenc'am c'u bic pa jun ulew jawije' ri cabelel wi ri leche xukuje' ri u juyubal räx cab jacha' ri ja', ¡ri ulew sibalaj je'l na chquiwäch conojel!

Aj Levitib 20:24

Quinchi'j chiwe: Chi ix quixechben na ri culew we winak ri'; quinjach na pa i k'ab rech cäcanaj che iwechbal, ulew wa' ri cabelel wi leche xukuje' juyubal räx cab jacha' ri ja'. In ri' ri Ajawaxel ri i Dios, ri in banowinak chiwe chi man ix junam ta cuc' ri niq'uiaj chic tinimit.

Ajilanic 11:12

¿La xa ta pune' in ta u tat o u nan rech cätz'onoj la chwe chi queben k'alula' bic e jacha' ta ne ac'alab ri c'ä quetu'n cho u c'u'x ri qui nan, c'ä pa ri ulew ri xchi'j la chque ri e qui mam?

Ajilanic 13:27

Xquibij che ri Moises: “Xujbe pa ri ulew ri xujatak wi bic. Kastzij are jun ulew jawije' ri cäbelel wi ri leche xukuje' juyubal räx cab jacha' ri ja', e are tak wächinic wa' ri cuya'.

Ajilanic 14:16

‘Ri Ajawaxel man xcuin ta che u banic chi we tinimit ri' xoc ta chupam ri ulew ri u banom ri chi'nic ri kas cäban na chi cuya' na chque, rumal c'u ri' xebucämisaj chupam ri chaki'j uwo sak.’

Ajilanic 14:30

Xuwi coc ri Caleb rachil ri Josue, man c'o ta jun chiwe coc ta na pa ri ulew ri ruc' ronojel wanima' xinchi'j chiwe chi quixinjekeba' wi na.

Ajilanic 32:11

chi ri winak ri ebelinak ulok pa Ejipt ri e c'o chic juwinak qui junab cäpakic man quequila' ta na u wäch ri ulew ri xinchi'j chque chi quinya' che ri Abraham ri Isaac xukuje' ri Jacob, rumal rech chi man xetaken ta che ruc' jicomal.

U Camulixic ri Pixab 12:29

“Aretak ri Ajawaxel ri i Dios u sachom chquiwäch ri nimak tak tinimit ri quixoc che qui ch'äquic, aretak c'u sachinak chic qui wäch ri ix qui majij ri culew, quixjeki' c'u chuwäch, chichajij iwib, miban iwe ri cäquiban we nimak tak tinimit ri', mebitzucuj tak ri e qui diosib ruc' ri chomanic che qui ya'ic k'ijilanic chque xukuje'.

U Camulixic ri Pixab 19:1

“Aretak ri Ajawaxel ri i Dios u sachom chi qui wäch ri nimak tak tinimit cujach c'u ri culew pa i k'ab ri e quech camic quixoc c'u pa tak ri qui tinimit xukuje' pa tak ri cachoch;

U Camulixic ri Pixab 26:1

“Aretak at oquinak chic pa ri ulew ri cuya' ri Ajawaxel ri a Dios chawe che awechbal, at jekel chi c'u chupam,

U Camulixic ri Pixab 7:1

“Ri Ajawaxel, ri i Dios, quixroquisaj na pa ri ulew ri quic'am che iwechbal, queresaj c'u na bic chiwäch wukub nimak tak tinimit ri e nimak na xukuje' c'o na qui chuk'ab chiwäch ix, e are wa' ri aj hititib, ri aj jerjeseyib, ri aj amoreyib, ri aj cananeyib, ri aj perezeyib, ri aj hebeyib xukuje' ri aj jebuseyib.

Ri Josue 24:11

Xixoc'ow c'ut chupam ri nima' Jordan xixopan c'ut c'ä jawije' c'o wi ri Jerico. Ri e jekel pa Jerico (amoreyib, perezeyib, cananeyib, hititib, jerjeseyib, hebeyib, xukuje' jebuseyib) xech'ojin iwuc', xinban c'ut in chi xebich'äco'.